इजरायलमा तमु ल्होसार २०१७ भव्यताको साथ सम्पन्न
तेलअविव- तमु समाज इजरायलको आयोजनामा गत डिसेम्बर २०१७ (शुक्रबार) तमु ल्होसार खि ल्हो भव्यताको साथ मनाएको छ |
तमु समाज इजरायलका अध्यक्ष सुश्री आशा तमुस्योको सभापतित्वमा भएको कार्यक्रममा प्रमुख अतिथि नेपाली रदुताबास इजरायलका महामहिम राजदुत निरन्जन कुमार थापा , बिशेष अतिथिहरु एनआरएनए इजरायलका अध्यक्ष छिरिङ लामा शेर्पा ,नेपाल आदिवासी जनजाती महासंघ इजरायलका अध्यक्ष नयन ईम्सोङ लिम्बु ,अतिथिहरुमा इजरायल स्थित विभिन्न संघसंस्थाका अध्यक्ष तथा प्रतिनिधिहरु र अनलाईन मिडियाकर्मीहरु रहेका थिए |
कार्यक्रममा तमु समाज इजरायलका प्रथम उपाध्यक्ष तथा खी ल्होसार कार्यक्रमका संयोजक ओम बहादुर गुरुङले स्वागत मन्तब्य तथा ल्होसारको शुभकामना दिनु भएको थियो |
तमु समाज इजरायलका पूर्व अध्यक्ष डिक कुमार तमु , नेपाल आदिबासी जनजाती महासंघका अध्यक्ष नयन इम्सोङ लिम्बु र प्राविधिक सहयोगी डिजे बिपिन तामाङलाईलाई समान पत्र , फेटा तथा दोसल्ला ओडाई सम्मान गरिएको थियो |
कार्यक्रममा समाजका सल्लाहकार डम्मर तमु ,प्रमुख अतिथि महामहिम राजदुत श् निरन्जन कुमार थापा ,एनआरएन इजरायलका अध्यक्ष छिरिङ लामा शेर्पा , नेपाल आदिबासी महासंघ इजरायलका अध्यक्ष नयन ईम्सोङ लिम्बु लगायतले शुभकामना मन्तब्य राखेका थिए |
अन्त्यमा कार्यक्रमका सभापति तथा तमु समाज इजरायलका अध्यक्ष आशा तमुस्योले कार्यक्रम सफल बनाउन सहयोग पुर्याउनु हुने सबैलाई धन्यवाद व्यक्त गर्नु हुदै कार्यक्रमको समापन भएको घोषण गरेकी थिईन् |
समाजका महासचिव हरिमाया तमुस्यो तथा सचिव बिष्णु कुमारी तमुस्योले कुशलतापुर्वक कार्यक्रम संचालन गरेकी थिईन् |
श्रोत- तमु समाज इजरायल
