तेलअविव – नेपाल तामाङ घेदुङ,इजरायल द्वारा  तामाङ जातिको महान धार्मिक तथा सांस्कृतिक राष्ट्रिय पर्व  सोनाम ल्होछार २८५४ नागि /खि (कुकुर) बर्षको पावन अवसरमा आउँदो १९ जनवरी २०१८ (शुक्रबार) तेलअविव स्थित किबुज गालुयोत – ४६ याफोमा भव्यताको साथ मनाउने भएको छ |

सोनाम ल्होछार कार्यक्रमको लागि नेपालबाट आमन्त्रित चर्चित लोकप्रिय सेलो गायक तथा संगीतकार बिश्व दोङ तामाङ,  चर्चित संगीतकार तथा गायक टीका बोम्जन तामाङ ,चर्चित म्हेन्दोमाया गायक सुमन घले तामाङ  आउनु  हुने भएको छ |इजरायलमा रहेका चर्चित गायक गायिकाहरु साथै अन्य थप कलाकारहरुको मनोरञ्जन- का साथ सांगेतिक प्रस्तुति संगै रात्रीभोजको ब्यबस्था रहेको छ |

कार्यक्रमलाई अझै मनोरञ्जनात्मक बनाउनको निमित्त टिकट काटेर आउनु हुनेहरूबाट सिरियल नम्बर गोला प्रथाद्वारा लक्की ड्र मार्फत  उपहार स्वरूप Samsung j 7 Nxt राखिएको संस्थाको महासचिब गोमा ख्युङबा तामाङले  जानकारी दिनु भएको छ |

इजरायलबासी सम्पूर्ण  तामाङ ज्योज्यो-आले ,नाना आङाहरु लगायत सम्पूर्ण ल्होछारप्रेमी नेपाली दाजु-भाइ तथा दिदि-बहिनीहरुमा सोनाम ल्होछार साँझ-२०१८ कार्यक्रममा  गरिमामय उपस्तिथीको लागि नेपाल तामाङ घेदुङ,इजरायल द्वारा सबैलाई  हार्दिक निमन्त्रणा गरेको छ |

कार्यक्रमको प्रवेश शुल्क टिकट जम्मा २०० सेकेल मात्र रहेको छ | तेलअविव लेवेन्सकी पार्क देखि कार्यक्रम स्थलसम्मको लागि नि:शुल्क बसको व्यवस्था समेत रहेको छ |