हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

फोरमलाई ३० हज़ार भोट,अशोक राईसँगको एकता उपेन्द्र यादवलाई के लाभ पुग्यो ?

काठमाडौं । संघीय समाजवादी फोरमले देशभर ४ लाख ७० हजार मत पाउँदा आदिवासी जनजाति बाहुल्य पहाडी जिल्लाबाट भने निराशाजनक मत हात पारेको छ ।

पहाडका जिल्लाबाट सो पार्टीले समानुपातिकतर्फ ३० हजार मत पनि कटाउन सकेन । यसमा झापाको मत समेत जोडिएको छ ।

पहाडमा संगठन र जनमत बिस्तारका लागि अशोक राईको संघीय समाजवादी पार्टीसँग एकीकरण गरेका उपेन्द्र यादवलाई अशोक समूहसँगको एकीकरणले केही मत थपे पनि अपेक्षित सफलता भने हात लागेन । एमालेबाट फुटे लगत्तै अशोक राईको पार्टीले देशभर १ लाख २० हजार मत पाएको थियो ।

५ वर्षअघि जातीय पहिचानको एजेण्डा नमिलेर एमालेबाट बाहिरिएका अशोक राई,राजेन्द्र श्रेष्ठ,रकम चेम्जोङ,अजम्बर काङमाङ,आङकाजी शेर्पा जस्ता नेताहरुको प्रभाव मध्य र पूर्वी पहाडका जिल्लाहरुमा यसपटक पनि देखिएन ।

२०७० को संविधानसभा निर्वाचनमा प्रत्यक्ष नजिते पनि समानुपातिकमा ५ सिट पाएको संघीय समाजवादी यसबीचमा मधेशी जनअधिकार फोरमसँग मिलेर सँंघीय फोरम बनेको छ ।
संघीय फोरमले पहाडबाट यसपटक पनि प्रत्यक्षतर्फ एक सिट जित्न सकेन । प्रतिनिधिसभामा अशोक राई स्वयं कांग्रेसको समर्थनमा सुनसरी १ मा उम्मेदवार थिए । तर उनी विपक्षी एमालेका जयकुमार राईसँग २२ हजार भन्दा बढी मतान्तरमा पराजित भए ।

त्यस्तै उपमहासचिव अजम्बर काङमाङमा भोजपुर १ बाट प्रदेशसभाको उम्मेदवार थिए । नेपाली कांग्रेसको समर्थन पाएका काङमाङ एमालेका राजेन्द्रकुमार राईसँग ८ हजार मतान्तरमा पराजित भए ।

त्यस्तै धनकुटा २ बाट प्रदेशसभा उम्मेदवार बनेका फोरम नेता अर्जुन थापा पनि एमालेका इन्द्रमणी पराजुलीसँग करिब तेब्बर मतान्तरले पराजित भए । उनलाई राप्रपा र कांग्रेसको समर्थन थियो । त्यसो त संघीय समाजवादीले स्थानीय तह चुनावमा पनि पहाडका जिल्लामा चुनाव जित्न सकेको थिएन ।

कुन नेताको जिल्लामा कति मत ?

पहाडका आदिवासी जनजाति समुदायमा पार्टीको प्रभाव देखाउन नसकेपछि समानुपातिक उम्मेदवारको अग्रपंक्तिमा रहेका फोरम नेता राजेन्द्र श्रेष्ठलाई सांसद नबनाउन पार्टीभित्रै उपेन्द्र यादवमाथि मधेशी नेताहरुले दबाब दिएका छन् ।

हुन त फोरमले समानुपातिकबाट पाएका सबै सिटमा महिला पठाउनुपर्ने देखिन्छ । राजेन्द्र श्रेष्ठ समानुपातिकबाट सांसद हुनकै लागि प्रत्यक्ष चुनाव लड्न मानेका थिएनन् । उनले चुनाव लड्न मानेको भए कांग्रेसले काठमाडौंमा फोरमलाई एक सिट छाड्ने भनेका थियो ।

राजेन्द्र श्रेष्ठको जिल्ला काठमाडौंबाट फोरमले समानुपातिकमा जम्मा ३ हजार ७ मत पाएको छ । त्यस्तै अशोक राईको जिल्ला खोटाङबाट २ हजार ४ सय मत समानुपातिकमा प्राप्त गरेको छ ।
अजम्बर राईले प्रदेशसभा ‘क’ बाट प्रत्यक्षमा ११ हजार मत पाएको भोजपुरमा जिल्लाभर फोरमले समानुपातिकमा जम्मा २६ सय मत पाएको छ । त्यस्तै रकम चेम्जोङको जिल्ला धनकुटामा समानुपातिकतर्फ संघीय समाजवादी फोरमले २५ सय मत पाएको छ ।

आङकाजी शेर्पाको जिल्ला सोलुखुम्बुमा सो पार्टीले जम्मा ३८१ मत पाएको छ । शेर्पा पनि समानुपातिक सूचीमा छन् ।

पहाडी जिल्लामध्ये संघीय समाजवादीले इलामबाट ३३ मत पाएको छ भने ताप्लेजुङबाट ५२० मत पाएको छ ।

त्यस्तै पाँचथरबाट २३८३ मत पाएको छ भने ओखलढुंगाबाट ६६२ र रामेछापबाट ३१६ मत प्राप्त गरेको छ । संखुवासभामा ८१८ मत पाएको संघीय समाजवादी फोरमले अर्को जनजाति बाहुल्य दोलखाबाट २१२ मत पाएको छ ।

सिन्धुपाल्चोकबाट ९६१ मत पाएको सो पार्टीले काभ्रेबाट ४९१ मत पाएको छ । संघीय समाजवादी फोरमले आदिवासी जनजातिको मात्र बसोबास रहेका जिल्लामध्ये समानुपातिकबाट मनाङमा २ र मुस्ताङमा एक मत पाएको छ ।

हिमाली जिल्लामा संघीय समाजवादीले उपस्थिति जनाउन नसकेको समानुपातिकको मतपरिणामले देखाएको छ । आदिवासी जनजाति आन्दोलनका अगुवा र हेबिवेट नेताहरु हुँदा पनि पहाड तथा हिमालमा संघीय समाजवादीले सो समुदायका मत आकषिर्त गर्न नसकेको नेताहरुले स्वीकार गरेका छन् ।

हिजो जातिवादी भने,आज मधेशवादीः शेर्पा

संघीय समाजवादी पार्टीका नेता आङकाजी शेर्पाले भने पहाडमा आफ्नो मत नघटेको दावी गरे । तर, पहाडका आदिवासी जनजातिमा फोरम भनेपछि मधेशी पार्टी भन्ने भ्रम परेकाले अपेक्षित मत ल्याउन नसकिएको उनले बताए ।

शेर्पाले भने-पहिलो चुनावमा हामीलाई जातिवादी पार्टी भनियो,बाहुन क्षेत्री विरोधीका रुपमा स्थापित गरियो । अहिले मधेशवादी पार्टी भन्ने भ्रम परेकाले पहाडका आदिवासी जनजातिको अपेक्षित मत पाइएन । तर, अब २ नम्बर प्रदेशमा हामीले चलाउने सरकारले त्यसको जवाफ दिनेछ ।

फोरमका मधेशी नेताले भने पहाडमा अशोक राई समूहको प्रभाव कमजोर देखिएको बताए । उनले भने-पार्टी एकताबाट राजेन्द्र श्रेष्ठजीहरुलाई त सांसद बन्न फाइदै होला तर समग्रमा पार्टीलाई एउटा सांसदको पनि योगदान भएको देखिएन । पहाडका आदिवासी जनजाति एमालेको भ्रमबाट मुक्त हुन सकेका रहेछनछन् ।

तर पनि पार्टीलाई राष्ट्रिय आकार ग्रहण गर्न अशोक राईसँगको एकीकरणले सहज भएको उनले बताए । ‘आज उपेन्द्र यादव रामेछापदेखि कास्कीसम्म गएर भाषण गर्न सक्छन्,यसको आधार भनेको अशोक राईहरुसँगको एकीकरणनै हो’ उनले भने ।






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution