हेडलाईन

तामाङ समाज क्यानाडाको तेश्रो अधिवेशन सम्पन्न         तामाङ सोसाईटी अफ सिड्नीको अध्यक्षमा विशाल तामाङ चयन         नेफिन इजरायलको अध्यक्षमा कुमार आङ्देम्बे चयन         ग्याल्थुमकी मृगौला पिडितलाई वडाअध्यक्ष द्वारा सकलित रकम हस्तान्तरण         नेफिन इजरायलको ११ औ वार्षिकोत्सव तथा साधारण सभा हुदै         रोमानियामा पहिलो पटक बुद्ध जयन्तीको पावन अवसरमा शान्तिपुर्न -याली सुसम्पन्न ।         क्यानाडाको मिस्सीसागामा २५६७ औं बुद्ध जयन्ती समारोह सम्पन्न         नेवा: खल: इजरायलले साधारण सभा तथा फोटो प्रतियोगिताको आयोजन गर्दै         नेपाल तामाङ घेदुङ रोमानियाको पहिलो अधिवेशन भव्यताका साथ सम्पन्न         रोमानियामा निधन भएका तामाङको शब नेपाल पुग्यो         मृगौला पिडितलाई आर्थिक सहयोग         तामाङ सोसाइटी अफ अमेरिकाको अध्यक्षमा बुद्धिमान तामाङ निर्वाचित         प्रतिभाशाली तामाङ संचारकर्मी दीपेन्द्र दोङ तामाङको निधन         प्रदेश नम्बर १ को पुन:नामाकरण आन्दोलनका घाइते लिम्बुको मृत्यु ,शहिद घोषणा गर्न माग         क्यानाडामा छक्का पन्जा-४ पहिलो दिन हाउसफूलको साथ् प्रदर्शन        

चुनाव २०७४ मा हार्ने हेभिवेट नेताहरू : बामदेव गौतमदेखि रवीन्द्र मिश्र सम्म

काठमाडौं– दुई चरणमा भएको प्रदेश तथा प्रतिनिधिसभा निर्वाचनको मतगणना जारी रहेको छ ।  मतगणना चल्दै गर्दा विभिन्न दलका हेभिवेट उम्मेदवारहरु पराजित बन्न पुगेका छन् ।
आज प्राप्त अन्तिम नतिजाअनुसार नेकपा एमालेका प्रभावशाली नेता, पूर्व गृहमन्त्री तथा बाम गठबन्धनका सूत्राधार बामदेव गौतम समेत बर्दिया क्षेत्र नं. १ बाट पराजित भएका छन् ।

उनको यो पराजयलाई अप्रत्याशित रुपमा लिइएको छ । उनी वर्तमान सिंचाई मन्त्री समेत रहेका सञ्जयकुमार गौतमसँग ७ सय ७५ मतले पराजित भएका हुन् । सञ्जयले ४४ हजार ८ सय २९ मत ल्याँउदा गौतमले ४४ हजार ७६ मत ल्याए ।

डा. रामशरण महत

पटक पटक अर्थमन्त्री समेत बनेका र नुवाकोटबाट अविछिन्न रुपमा जित हासिल गर्दै आएका नेपाली कांग्रेसका नेता डा. रामशरण महतले यसपटको प्रतिनिधी सभाको निर्वाचनमा हार बेहोर्नु परेको छ । उनले नुवाकोपट क्षेत्र नं. १ बाट माओवादीका हितबहादुर तामाङ सँग ९ हजार मतान्तरले पराजित भएका हुन् । तामाङले ३६ हजार ४ सय ७३ मत ल्याँउदा महतले २७ हजार ९ सय २० मत पाएका हुन् ।

दमननाथ ढुङ्गाना

भक्तपुर क्षेत्र नं.२ मा बाम गठबन्धनका उम्मेदवार महेश बस्नेतले नेपाली कांग्रेसका पूराना नेता दमननाथ ढुङ्गानालाई भारी मतले पराजित गरेका छन् । एमालेका यूवा नेता बस्नेतले ३६ हजार ४ सय १३ मत ल्याएर बिजयी भएका हुन् । पराजित भएका ढुङ्गानाले १८ हजार ६ सय ३५ मत ल्याएका छन् ।

कमल थापा

मकवानपुर क्षेत्र नं. १ बाट राप्रपा अध्यक्ष कमल थापा पराजित भएका छन् । एमालेका कृष्ण दाहालले ४० हजार ६ सय ३१ मत ल्याँउदा थापाले ३४ हजार ६ सय ५८ मत ल्याएर पराजय भोगेका हुन् ।

अर्जुन नरसिंह केसी

नुवाकोट क्षेत्र नं. २ मा बाम गठबन्धनका उम्मेदवार एमालेका नेता नारायण खतिवडासँग नेपाली कांग्रेसका नेता अर्जुन नरसिंह केसी पराजित भएका छन् । उनी १० हजार मतान्तरले पराजित भएका हुन् । खतिवडाले ३६ हजार ८ सय ९२ मत पाँउदा केसीले २६ हजार ३ सय ३५ मत पाएका थिए ।

कृष्णप्रसाद सिटौंला

झापा क्षेत्र नं. ३ मा नेपाली कांग्रेसका प्रभावशाली नेता तथा पूर्वमन्त्री समेत कृष्णप्रसाद सिटौला राप्रपाका उम्मेदवार राजेन्द्र लिङदेनबाट पराजित भएका छन् । बाम गठबन्धनबाट सहयोग पाएका लिङदेनसँग सिटौला एक्लै चुनाव लडेका थिए । आइतबार सम्पन्न मत परिणाम अनुसार लिङदेनले ४४ हजार ६ सय १४ मत ल्याएका थिए भने सिटौलाले ३१ हजार १ सय ५६ मत ल्याएर पराजि त भएका थिए ।

विश्वप्रकाश शर्मा

नेपाली कांग्रेसका चर्चित यूवा नेता विश्वप्रकाश शर्मा झापा क्षेत्र नं. १ बाट पराजित भएका छन् । माओवादीका नेता राम कार्कीसँग उनले पराजय भोगेका हुन् । कार्कीले ३६ हजार १ सय ७३ मत ल्याउर जितको झन्डा गाडेका थिए भने शर्माले ३३ हजार ३ सय १० मत ल्याएर पराजित भएका थिए ।

रामचन्द्र पौडेल

तनहुँ क्षेत्र नंं. १ को प्रतिनिधीसभा निर्वाचनमा नेपाली कांग्रेसका वरिष्ठ नेता रामचन्द्र पौडेल पराजित भएका हुन् । झन्डै ४५ सय मतान्तरले एमालेका उम्मेदवार किसानकुमार श्रेष्ठले पौडेललाई पराजित गरेका हुन् । विजयी भएका श्रेष्ठले ३४ हजार ४ सय ८९ मत ल्याएका छन् भने पौडेलले २७ हजार ६ सय ७५ मत ल्याएका छन् । पार्टी सभापति र प्रधानमन्त्रीका आकांक्षी रहेका पौडेलको सपनामा यो चुनावले पूर्णबिराम लगाइदिएको छ  ।

आरजु राणा देउवा

कैलाली क्षेत्र नं. ५ बाट प्रधानमन्त्री शेरबहादुर पत्नी आरजु राणा पराजित भएकी छिन् । उम्मेदवारी दिएलगतै धनगढीमा ३ करोडको घर किनेर चुनावी प्रचारमा जुटेकी राणालाई एमालेका उम्मेदवार नारदमुनी रानाले पराजित गरेका हुन् । रानाले २७ हजार २ सय २ मत ल्याए भने कांग्रेस उम्मेदवार राणाले २२ हजार ३ सय २२ मत ल्याएकी थिइन् ।

विमलेन्द्र निधि

धनुषा क्षेत्र नं. ३ बाट प्रतिनिधीसभाको निर्वाचनका लागि प्रतिष्पर्धामा रहेका नेपाली कांग्रेसका प्रभावशाली नेता बिमलेन्द्र निधी राजपाका अध्यक्षमण्डलका सदस्य राजेन्द्र महतोसँग पराजित भएका हुन् । निधी महतोसँग २९ सय मतान्तरले पराजित भएका हुन् । निधीले २७ हजार ८ सय ४७ मत ल्याँउदा महतोले ३० हजार ७ सय ५० मत ल्याएका थिए ।

खगराज भट्ट

डडेल्धुराबाट प्रतिनिधीसभाको निर्वाचनमा माओवादी केन्द्रका नेता खगराज भट्ट पराजित भएका हुन् । उनी प्रधानमन्त्री तथा कांग्रेस सभापति शेरबहादुर देउवासँग झन्डै ७ हजार हाराहारी मतले हार्न पुगेका हुन् । देउवा २८ हजार ४४ मत पाएर विजयी भए भने भट्टले २१ हजार १ सय १५ मत ल्याएका छन् । यो क्षेत्रमा देउवाले २०४८ सालदेखि निरन्तर रुपमा विजयी हुँदै आइरहेका छन् ।

दीपकुमार उपाध्याय

भारतका लागि पूर्व राजदुत समेत रहेका नेपाली कांग्रेसका नेता दीपकुमार उपाध्याय कपिलबस्तु क्षेत्र नं. १ बाट पराजित भएका छन् । बाम गठबन्धनबाट प्रतिष्पर्धामा रहेका माओवादी केन्द्रका नेता चक्रपाणी खनाल बलदेवसँग उपाध्याय पराजित भएका हुन् । खनालले २९ हजार ७ सय ९९ मत ल्याएका छन् भने उपाध्यायले २८ हजार ८ सय ५३ मत ल्याएका छन् ।

नारायणकाजी श्रेष्ठ

माओवादी केन्द्रका प्रभावशाली नेता समेत रहेका नाराणकाजी श्रेष्ठ गोरखा क्षेत्र नं. बाट आफ्ना पूर्व सहकर्मी डा.बाबुराम भट्टराईसँग पराजित भएका छन् । एमालेसँगको गठबन्धनबाट श्रेष्ठ र कांग्रेससँगको सहकार्यबाट भट्टराई चुनावी मैदानमा आमने सामने भएका थिए ।

मतगणनाको प्रारम्भमा पटक पटक भट्टराई भन्दा अगाडि लागेका श्रेष्ठ अन्तत उनीसँग ६ हजार ८ सय ७४ मतान्तरले पराजित गरेका हुन् । भट्टराईले ३१ हजार ८ सय ७ र श्रेष्ठले २४ हजार ९ सय ३३ मत ल्याएका छन् ।

डा. शेखर कोइराला

नेपाली कांग्रेसका प्रभावशाली नेता डा. शेखर कोइराला एमालेका चर्चित नेता तथा पूर्वमन्त्री लालबाबु पण्डितसँग पराजित भएका छन् । मोरङ क्षेत्र नंं. ६ का उम्मेदवार कोइरालाले ३३ हजार २ सय ६६ मत ल्याए भने उनलाई पराजित गरेका लालबाबु पण्डितले ३३ हजार ९ सय ४१ मत ल्याएका छन् ।

पशुपति शमशेर राणा

सिन्धुपाल्चोक क्षेत्र नं. २ मा तेश्रो पटक पराजित भएर राप्रपा प्रजातान्त्रिकका अध्यक्ष पशुपति शमशेर राणाले हारको ह्याट्रिक गरेका छन् । उनी २०६४, ७० तथा ७४ को तीन ओटै निर्वाचनमा पराजित भएका हुन् । नेपाली कांग्रेसको लोकतान्त्रिक गठबन्धनबाट चुनाव लडेका राणालाई एमालेका शेरबहादुर तामाङले ८ हजार मतान्तरले पराजित गरेका हुन् । तामाङले ३८ हजार ४ सय १ मत ल्याँउदा राणाले ३० हजार ६९ मत ल्याएका थिए ।

रामहरि खतिवडा

२०७० को निर्वाचनमा ओखलढुङ्गाबाट निर्वाचित सांसद रामहरी खतिवडा आकर्षक ढंगले संसदमा प्रस्तुत हुने गर्दथे । संसदीय समितिमा खासगरी लेखा समितिमा कांग्रेसका अर्का पूर्व सांसद धनराज गुरुङ र रामहरी खतिवडा आमन्त्रित सरकारी कर्मचारी तथा मन्त्रीहरुलाई तथ्यपूर्ण रुपमा उनीहरुले गरेको कमजोरी औंल्याई झाँको झारेर पठाउँथे ।

प्रतिनिधी सभा निर्वाचनमा ओखलढुङ्गा क्षेत्र नं. १ बाट उम्मेदवारी दिएका खतिवडा एमालेका उम्मेदवार यज्ञराज सुनुवारसँग पराजित भएका छन् । सुनुवारले ३२ हजार ५ सय ८० मत ल्याएका छन् भने खतिवडाले २७ हजार ३ सय ३७ मत ल्याएका छन् ।

विक्रमबहादुर थापा

महिला बालबालिका तथा समाजकल्याण मन्त्री समेत रहेका राप्रपाका नेता काठमाडौं ७ मा पराजित भएका छन् । उनी एमाले नेता तथा पूर्व सांसद रामवीर मानन्धरसँग पराजित भएका हुन् । मानन्धरले १८ हजार १ सय २ मत ल्याएका छन् भने थापाले १० हजार ७९ मत ल्याएका छन् ।

उदयशमशेर राणा

नेपाली कांग्रेसका यूवा नेता तथा सरकारका अर्थराज्यमन्त्री उदयशमशेर राणा प्रहरीका पूर्व डिआइजी नवराज सिलवालसँग पराजित भएका छन् । ललितपुर क्षेत्र नं.१ मा बाम गठबन्धनको तर्फबाट उम्मेदवार बनेका सिलवालले २६ हजार ९ सय ४६ मत ल्याउदै जित निकालेका हुन् । पराजित भएका राणाले २० हजार ७ सय २९ मत ल्याएका छन् ।

अम्बिका बस्नेत

सहकारी तथा गरिबी निवारण मन्त्री समेत रहेकी कांग्रेस नेतृ अम्बिका बस्नेत काठमाडौं क्षेत्र नं. ३ मा एमाले नेता कृष्ण राईसँग पराजित भएकी छिन् । राईले १९ हजार १ सय ६९ मत ल्याए भने पराजित भएकी बस्नेतले १४,८८४  मत ल्याएकी छिन् । उनी यसअघि समानुपातिकबाट सांसद बनेकी थिइन् ।
दीपक प्रसाद कुँइकेल

नेपाली कांग्रेसका नेता दीपक प्रसाद कुँइकेल २०७० मा भएको निर्वाचनमा माधव कुमार नेपाल विजयी भएर छोडेको काठमाडौं २ मा निर्वाचित भएका थिए । माधव नेपाल विजयी भएर छोडेपछि भएको उपनिर्वाचनमा कुँइकेलले जित निकालेका थिए । लोकतान्त्रिक गठबन्धनबाट चुनाव लडेका उनले १४ हजार २ सय ९ मत पाए भने विजयी भएका माधव नेपाले २७ हजार ३ सय ६६ मत ल्याएका छन् ।

नवीन्द्रराज जोशी

नेपाली कांग्रेसका नेता तथा पूर्वमन्त्री नवीन्द्रराज जोशी काठमाडौं क्षेत्र नं. ८ मा एमालेका नेता जीवनराम श्रेष्ठसँग पराजित भएका छन् । श्रेष्ठले १३ हजार ३ सय ९७ मत ल्याएका छन् भने जोशीले १२ हजार ९ सय ९३ मत ल्याएका छन् ।

डा.राजन भट्टराई

एमालेका यूवा डा. राजन भट्टराई कांग्रेसका यूवा नेता गगन थापासँग पराजित भएका छन् । २०७० को निर्वाचनमा नेकपा एमालेबाट समानुपातिकबाट सांसद बनेका भट्टराई बौद्धिक नेताका रुपमा चिनिन्छन् ।

काठमाडौं क्षेत्र नं. ४ मा बाम गठबन्धनबाट उम्मेदवार बनेका भट्टराईले १८ हजार १ सय ४० मत ल्याए भने उनलाई पराजित गरेका गगन थापाले २१ हजार ५ सय ५८ मत ल्याएका छन् ।

झक्कु सुवेदी

काठमाडौं निर्वाचन क्षेत्र नं. ६ मा बाम गठबन्धनबाट उम्मेदवारी दिएका झक्कु सुवेदीलाई झड्का लागेको छ । उनी नेपाली कांग्रेसका नेता तथा रक्षामन्त्री भीमसेनदास प्रधानसँग पराजित भएका हुन् । प्रधानले १६ हजार ७ सय ८५ मत ल्याँउदा सुवेदीले १५ हजार ४ सय ८५ मत ल्याएका छन् । २०६४ सालमा भएको संविधान सभा निर्वाचनमा झक्कुले एमाले नेता माधवकुमार नेपाललाई पराजित गरेका थिए ।

रवीन्द्र मिश्र

बीबीसीका पूर्व पत्रकार विवेकशील साझा पार्टीका प्रमुख रवीन्द्र मिश्र नेपाली कांग्रेसका नेता प्रकाशमान सिंहसँग पराजित भए । काठमाडौं क्षेत्र नं. १ मा नेता सिंहले १० हजार ९ सय ३७ मत ल्याए भने विवेकशील साझाका मिश्रले १० हजार २ सय १८ मत ल्याए । निर्वाचन अगाडि यसबर्ष राष्ट्रिय दल बन्ने र अर्को पटक सरकारको नेतृत्व गर्ने नारा बनाएको उनको पार्टीलाई झड्का लागेको छ । सामाजिक सञ्जालबाट निर्वाचन प्रचार प्रसारलाई तीब्र बनाएको उनको दलले काठमाडौंका अन्य क्षेत्रहरुमा पनि जित निकाल्न सकेन ।






शुभकामना

भर्खरै...

लोकप्रिय

रोचक खबर

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

"प्रावास मा आफनो भाषा , धर्म कला र संस्कृति को जगेर्न गर्नै " भन्ने मुल नारालाई आत्मसात गर्दै सन् ०१।०१।२०२३ का... बाँकी यता

Phursang Lama / February 18, 2024

५५ वर्षपछि दुई देशबीच श्रम समझदारी कायम

५५ वर्षपछि दुई देशबीच श्रम समझदारी कायम

  रोमानिया । नेपालीहरुको आकर्षक गन्तव्य बन्दै गएको युरोपेली मुलुक रोमनियासँग नेपालले द्विपक्षीय श्रम... बाँकी यता

Phursang Lama / October 7, 2023

 Photo Gallery

  • अमेरिकास्थित दुई तामाङ संस्थाबिच एकता हुने

  • नेपाल तामाङ घेदुङको कोन्ज्योसोम घोषणा पत्र २०७४ सार्वजनिक

  • फोनिजको अध्यक्षमा डण्ड गुरुङ निर्विरोध निर्वाचित

  • अभिनेत्री पूर्णिमा लामा तामाड – म रुन्चे कहाँ हो र ?’

  • चर्चित मोडल स्मिताका सात कामुक फोटो सार्वजनिक(फोटोफिचर)

  • लुम्बिनीमा अन्तर्राष्ट्रिय बौद्ध सम्मेलन गर्ने तयारी

  • नेपाल तामाङ घेदुङको राष्ट्रिय बिधान-सभा चैत २३ र २४ गते

  • पहिचानको मुद्दा कहाँ पुगेर अत्कियो ?

  • यस्तो छ – नमस्कार गर्नुको कारण र महत्व

  • स्वयम्भुमा १३ पटक परिक्रमा र सरसफाई कार्यक्रम सम्पन्न (फोटो सहित)

  • महिलाले ध्यान दिने पुरुषका ७ चिज

  • प्रधानमन्त्री प्रचण्डले तामाङ संस्कृति भवन बनाउन सहयोग गर्ने घोषण,कुलमान घिसिङको प्रशंसा

  • राष्ट्रिय सोनाम ल्होछारको अवसरमा तामाङ ह्वाइखा (कविता ) प्रतियोगिता हुने

  • तमु ल्होसार के हो र कसरी मनाईन्छ ?

  •  Music videos

  • नेपालले गर्यो नयाँ नक्सा सार्वजनिक

  • भारतले जबरजस्ती हटाउन लगायो नेपाल भारत सम्बन्धि बीबीसीको डकुमेण्टी

  • तामयिक लिपी र सम्भोटा लिपीमा फरक के छ ? लेख्ने तरिका सहित

  • ‘तिम्रो घरको वरिपरि’ युट्युब ट्रेन्डिङ नम्बर १ मा (भिडियो)

  • मिस तामाङ २०१८ का सहभागीहरु तामाङ भुषभुषा र डम्फुको साथमा तामाङ भाषाको गीत गाउदै

  • तीनकुनेमा आयोजित सोनाम ल्होछार कार्यक्रममा सुरक्षाकर्मीले हस्तक्षेप किन गर्यो ? भिडियो हेर्नुहोस् …

  • मिस तामाङ प्रतियोगिता २०१८ को भाग -१ , मन पर्नेलाई भोट हाली जिताऊ (भिडियो)

  • तामाङ सेलो ‘ल्होछार पर्वमा …. सुनिता पाख्रिन तामाङ

  • बालवालिका केन्द्र खोलेर बाल ब्यापार गर्ने प्रशासनको नियन्त्रणमा (जनतासंग सिधा कुरा)

  • बिज्ञापनका लागि:
     [email protected]
    लेख, रचना र समाचारका लागि:
     [email protected]
    सामाजिक संजाल तर्फ:
    सर्वाधिकार © 2012 - 2024: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution