एमालेले प्रतिनिधिसभा र प्रदेशसभामा मुस्ताङबाट एकैपटक खाता खोल्यो
काठमाडौं । प्रतिनिधिसभातर्फ मुस्ताङबाट नेकपा एमालेले खाता खोलेको छ । एमालेका प्रेमप्रसाद तुलाचनले कांग्रेसका रोमी गौचन थकालीलाई हराएका हुन् । तुलाचनले ३५४४ मत ल्याएर विजयी भए भने प्रतिद्वन्द्वी थकालीले ३१८१ मत ल्याए ।
तुलाचन संघीय नेपालको पहिलो निर्वाचित प्रतिनिधि सभा सदस्य बनेका छन् ।
प्रदेशसभामा पनि मुस्ताङबाट नै एमालेले नै खाता खोलेको थियो । प्रदेशसभा (क) मा इन्द्रधारा डादु विष्ट विजयी भएका हुन् । एमालेका बिष्टले ११६९ मत ल्याएर विजयी भएका हुन् भने उनका प्रतिस्पर्धी कांग्रेसका मिक्युर गुरूङले ६५७ मत ल्याएको मुख्य निर्वाचन अधिकृत बलराम त्रिपाठीले जानकारी दिए । प्रदेशसभा (ख)को मतगणना जारी छ ।
मुस्ताङमा ९ हजार ४२७ मतदाता छन् ।
« समानुपातिकको सिट बाँडफाँट कसरी ? (Previous News)
(Next News) कांग्रेसले पनि प्रदेशसभामा खाता खोल्यो »
