इजराइलको राजधानी जेरुसेलमलाई मान्यता दिने अमेरिका पहिलो राष्ट्र
अमेरिकी राष्ट्रपति डोनाल्ड ट्रम्पले जेरुसेलमलाई इजराइली राजधानीको रुपमा मान्यता दिने भएका छन्। राष्ट्रपति ट्रम्पका एक बरिष्ठ प्रशासकीय अधिकारीले ट्रम्पले जेरुसेलमलाई राजधानीको मान्यता दिएको बताए।
तर, प्यालेस्टाइनले भने जेरुसेलमा आफ्नो भूमि भएको भन्दै इजराइली राजधानीको मान्यता दिने भन्ने ट्रम्प भनाइको कडा विरोध गर्दै आएको छ।
ती अधिकारीले ट्रम्पले तत्कालै तेलअभिवमा रहेको अमेरिकी दूतावासलाई जेरुसेलमा भने नसार्ने बताए। ट्रम्पले यसबारे आजै सम्बोधन गर्न सक्ने पनि बताइएको छ।
खाँडी मुलुका नेताहरुले भने दूतावास जेरुसेलम सार्ने ट्रम्प कदमको चर्को आलोचना गरेका छन्। उनीरुले यसलाई मुस्लिमलाई ‘खुल्ला उकसाहाट’ भनेका छन्।
इजराइलले जेरुसेलमलाई आफ्नो राजधानी मान्दै आएको छ भने प्यालेस्टाइनले पनि पूर्वी जेरुसेलमलाई आफ्नो देशको भविष्यको राजधानी भन्ने गरेको छ।
सन् १९४८ मा स्थापना भएको इजराइलको राजधानी जेरुसेलमलाई मान्यता दिने अमेरिका पहिलो राष्ट्र हो।
इजराइल र प्यालेस्टाइनबीच यही बिषयलाई लिएर लामो समयदेखि द्वन्द्व जारी छ। अमेरिकाले इजराइललाई साथ दिइरहेको छ भने अन्य खाँडी मुलुकले प्यालेस्टाइनलाई समर्थन गरिरहेका छन्।@ एजेन्सी
