हेडलाईन

इजरायल घेदुङको सातौं अधिवेशनबाट अध्यक्षमा पेमा लामा पाख्रिन तामाङ चयन         इजरायलमा चासोक तङ्नाम (उधौली/न्वागी पुजा ) येले तङ्बे ५०८१ भव्यताको साथ मनाउने         इजरायलमा राष्ट्रिय पर्व तमू ल्होसार २०७८ भव्यताको साथ मनाउने         नेफिन दक्षिण कोरियाको अध्यक्षमा विक्रम राना निर्बिरोध चयन         नेपाल तामाङ घेदुङ कुवेतको छैटौं अधिवेशनबाट अध्यक्षमा नाराण ग्लान तामाङ निर्विरोध चयन         तामाङ समाज स्पेनको अध्यक्षमा अजय लोप्चन तामाङ         इजरायलमा पाँचौ संस्करणको वलिहाङ कप २०२१ फुटबल खेल हुदै         बागमती प्रदेशको सामाजिक विकास मन्त्रालयमा कुमारी मोक्तान तामाङ नियुक्ति         इजरायलमा नेपाल सम्बत ११४२ स्वन्ति नख: तथा म्ह:पुजा कार्यक्रम हुदै         प्रवासी सृजनशील महिला समूह इजरायलले चाडपर्वको अवसरमा शुभकामना आदानप्रदान कार्यक्रम गर्दै         नेपाली समाज (नेसो)इजरायलले “सुज”अभियान कार्यक्रम गर्दै         जनसंम्पर्क समिति इजरायलले चाडपर्वको अवसरमा शुभकामना आदानप्रदान कार्यक्रम गर्दै         नेफिन:अन्तर्राष्ट्रिय प्रवास समन्वय समिति गठन         इजरायल घेदुङको सातौं वार्षिकोत्सव तथा एकता दिवस साथै अधिवेशन हुदै         इजरायल जान यसरी ११७५ जनाको नामावली सार्वजनिक (छनौटको भिडियो सहित)        

बेलायती राजकुमार ह्यारी र अमेरिकी अभिनेत्री मेघन मार्कलको इन्गेजमेन्ट

सन् १९३६ को कुरा हो, बेलायती राजा एडवार्ड आठौं प्रेममा थिए, एक अमेरिकी ‘डिभोर्सी’ सँग।

दरबारले एडवार्डलाई गैरबेलायती र डिभोर्सी प्रेमिकासँग विवाह गर्न अनुमति दिएन। एडवार्डले प्रेमिका र राजपाठमध्ये एउटा छोड्नुपर्ने भयो।

उनले राजपाठ त्यागे।

राजगद्दी छाडेर फ्रान्स निर्वासनमा गएका उनले १९३७ मा प्रेमिका वालिस सिम्पसनसँग विवाह गरे।

एडवार्डले आफूले मन पराएकी महिलासँग विवाह गर्न राजपाठ त्याग्नुपरेको ८१ वर्षपछि बकिंघम दरबार अमेरिकी महिलालाई राजकुमारी बनाउन राजी भएको छ।

गत सोमबार बेलायती राजपरिवारले राजकुमार ह्यारी र अमेरिकी अभिनेत्री मेघन मार्कलको ‘इन्गेजमेन्ट’ भएको र उनीहरूको आउने बसन्तमा विवाह हुने जनाएको छ। राजपरिवारको यो निर्णयले बेलायती मिडियामा ठूलो चर्चा पाएको छ।

ह्यारी र मेघन ‘डेटिङ’ जान थालेको त्यतिबेला सार्वजनिक भएको थियो, जतिबेला कुनै समय घाम नअस्ताउने साम्राज्य बनेको बेलायत युरोपियन युनियनबाट समेत छुट्टिने निर्णयमा पुगिसकेको थियो।

उग्रराष्ट्रवादको हावा चलिरहेको बेला राजकुमार ह्यारीको प्रेमसम्बन्ध सुनेर धेरैले जिब्रो टोकेका थिए। किनकि, ह्यारीसँग डेट जाने मेघन न बेलायती थिइन् न त उनको परिवार सम्भ्रान्त गोरा थियो।

मेघनका आमातिरका पुर्खा दास बनेर अमेरिका पुगेका थिए।

लैंगिक समानता र मानवीय सहायतामा पनि संलग्न मेघन तीन वर्षअघि सम्बन्धविच्छेद गरेर बसेकी थिइन्।

उनी ह्यारीभन्दा तीन वर्ष जेठी हुन्। गैरबेलायती, गैरगोरी र डिभोर्सी मेघनसँग प्रेम गरे पनि राजकुमार ह्यारीले विवाह नै गर्छन् वा राजपरिवारले अनुमति दिन्छ भन्नेमा धेरैलाई विश्वास थिएन।

बेलायती राजपरिवारले धेरैको त्यो अविश्वासलाई गलत साबित गरिदियो।

ह्यारी र मेघनबीच विवाह नै हुने भएपछि यसले झन् ठूलो चासो बढाएको छ।

मेघन बेलायतकी महारानी हुने सम्भावना लगभग छैन, किनकि राजा हुने क्रममा ह्यारी पाँचौं नम्बरमा छन्।

उनी रानी हुने सम्भावना नभए पनि बकिंघम प्यालेसमा उनको प्रवेशले विभाजित विश्वलाई एक गहिरो सन्देश दिएको छ। बेलायती राजपरिवारकी सदस्य बन्ने मेघन पहिलो गैरगोरी महिला हुनेछिन्।

यसअघि सामान्य परिवारकी क्याथरिनले बेलायती राजपरिवारमा प्रवेश पाएकी थिइन्। राजकुमार विलियम र क्याथरिनको सन् २०११ मा विवाह भएको थियो।

नाइजेरियन मूलकी बेलायती लेखक इरेनोजेन ओकोजीलाई परम्परागत रूपमा चल्ने बेलायती राजपरिवारबारे कहिल्यै चासो भएन। तर गत वर्ष जब राजकुमार ह्यारीको प्रेम सम्बन्धबारे उनले थाहा पाइन्, त्यसपछि पनि बेवास्ता गरिरहन सकिनन्।

ह्यारी र मेघनको इन्गेजमेन्टपछि उनले न्यूयोर्क टाइम्समा लेखेकी छन्, ‘ब्रेक्जिटपछि र ट्रम्पले अमेरिका हाँकिरहेको अनि सबैतिर जातीय अपराध, घृणा र डर फैलिरहेको समयमा राजकुमार ह्यारी र मेघनको मिलन साहासिक प्रतिरोध हो।’

ह्यारी त्यस्ता राजकुमार हुन् जो आफ्नो कामलाई गम्भीरतापूर्वक लिन्छन् तर आफू कहिल्यै गम्भीर हुँदैनन्। ओकोजीका विचारमा मेघनसँग विवाह गर्ने निर्णय गरेर ह्यारीले संकुचित हुँदै गएको दुनियाँका लागि खुलापनको गहिरो सन्देश दिएका छन्।

न्यूयोर्क टाइम्सले यो इन्गेजमेन्टलाई ‘सिम्बोलिक’ घटना भनेको छ। बेलायती राजपरिवार आधिकारिक रूपमै २१ औं शताब्दीमा प्रवेश गरेको रूपमा अथ्र्याएको छ।

धेरैका लागि ह्यारी र मेघनको इन्गेजमेन्ट जातीयता र आप्रवासीका विषयमा विभाजित संसारमा खुलापन र समावेशिताको उदाहरण बनेको छ।

बेलायती सांसद डेभिड लाम्मीले ह्यारी र मेघनको इन्गेजमेन्ट आधुनिक बेलायतका लागि ऐतिहासिक क्षण भएको बताए। ‘यो अल्पसंख्यक जातीय समुदायका लागि हृदय छुने क्षण हो र यसले सन् २०१७ का काला बेलायती हुनुको अर्थ के राख्छ भन्ने धेरै बलियो सन्देश दिएको छ,’ ल्यामीले भने।

(एजेन्सीको सहयोगमा)






शुभकामना

Warning: यो Categories मा कुनै पनि आर्टिकल नहुनाले खाली देखिएको छ त्यसैले कृपया अहिले नै पोस्ट गरिहाल्नुहोला

भर्खरै...

लोकप्रिय

रोचक खबर

राष्ट्रपतिद्वारा ओली र देउवा दुवैलाई प्रधानमन्त्रीमा नियुक्त गर्न अस्वीकार

याम्बु - राष्ट्रपति विद्यादेवी भण्डारीले नयाँ प्रधानमन्त्री नियुक्तिका लागि दावी पेश गर्ने दुबै प्रतिनिधिसभा... बाँकी यता

tamang online / May 22, 2021

चर्चित गायिका मेलिना राई र विरेन्द्र श्रेष्ठको ‘जाले रुमाल’ सार्वजनिक (भिडियो)

याम्बु - चर्चित गायिका मेलिना राई र गायक तथा वरिष्ठ ईन्जिनियर विरेन्द्र श्रेष्ठको स्वरमा रहेको जाले रुमाल... बाँकी यता

tamang online / October 2, 2020

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2021: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution