हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

चुनाबको मुखमा कसले लगातार हानीरहेको बम ?

 

मंगलबार प्रधानमन्त्री शेरबहादुर देउवाले दाङमा भाषण गरिरहदाँ डेढ सय मिटर टाढा बम पड्कियो। मोटरसाइकलमा आएका २ जनाले बम राखेर गएको केहीबेरमा पड्किदा म्यादी प्रहरी विनोद चौधरी घाइते भए।

गम्भीर घाईते उनको उपचारको क्रममा बुधबार बिहान निधन भयो।

बुधबार उदयपुरको नेपालटारमा बम पड्कदा क्षेत्र नम्बर २ का निवर्तमान कांग्रेस सांसद तथा प्रतिनिधि सभाका उम्मेद्वार नारायण कार्कीसहित चार जना गम्भीर घाईते भएका छन्। कार्कीलाई बुधबारै हेलिकप्टरबाट काठमाडौं ल्याईएको छ।

मंगलबार पनि उदयपुरमा प्रदेश सभा सदस्यका उमेद्वार तथा अर्का कांग्रेस नेताको घरमा बम विस्फोट गरिएको थियो।

चुनावलाई लक्षित गर्दै उम्मेद्वार र तीनका घरमा दिनहुँजसो पड्कासरी बम पड्कन थालेका छन् ।

अहिलेसम्म पछिल्लो १ महिनाको अवधिमा ६० भन्दा बढी स्थानमा बम पड्केको प्रहरी प्रधान कार्यालय स्रोतले जानकारी दिएको छ। राजनीतिक पार्टीका तीन दर्जन नेता तथा कार्यकर्ता घाइते भइसकेका छन्।

केही दिन अघिसम्म खैलाचीझैं लाग्ने बम बिस्फोटका घटना गम्भीर हुन थालेका छन्।

मंगलबार दाङमा एक निर्दोष नागरिकको ज्यानै गएपछि विभिन्न प्रश्न उब्जिएका छन्।

यसरी जथाभावी बम पड्काउने को हो? त्यसको निराकरण के हो? यो श्रृखंला कहाँ पुगेर रोकिन्छ? राज्यले यसको नियन्त्रणका लागि के गर्दैछ।

यी कुनै पनि प्रश्नको यकिन जवाफ छैन।

बम पड्कने क्रम नरोकिएपछि प्रहरी प्रधान कार्यालयले त्यसबारे अनुसन्धान गर्ने जिम्मा विशेष ब्यूरोलाई दिएको छ।

प्रहरीले नेत्र विक्रम चन्द नेतृत्वको नेपाल कम्युनिष्ट पार्टीलेनै बम पड्काएको दाबी गरेको छ।

‘बम पड्काउने अरु कुनै समूह हुनै सक्दैन,’ प्रहरी प्रधान कार्यालयका एक उच्च अधिकारीले भने, ‘यो विप्लवकै कार्यकर्ताले गराएका हुन्, किन भने उनीहरुले चुनाव भाड्ने निर्णय पार्टी बैंठकबाटै गराएको हामीले पत्ता लगाएका छौं।’

ती अधिकारीले देशका विभिन्न स्थानमा विस्फोटक पदार्थसहित विप्लवका कार्यकर्ता पक्राउ परेको पनि दावी गरे। ‘उनीहरुबाट चुनाव भाड्ने किसिमका पर्चा पम्प्लेट पनि बरामद गरेका छौं,’ उनले भने।

चुनावमा भाग नलिन, मतदान नगर्न विप्लवका कार्यकर्ताहरुले उमेद्वार र सर्वसाधारणलाई समेत तर्साइरहेका बेला बम पड्काउने अरु को हो भनेर सोचिरहनु नपर्ने अर्का प्रहरी अधिकारीले  भने ।

त्यही भएर नेपाल प्रहरीले विप्लवका कार्यकर्ता पक्रन मातहतका निकायलाई निर्देशन दिएको छ।

अहिलेसम्म देशभरबाट झण्डै ५ सयको हाराहारीमा विप्लवका कार्यकर्ता पक्राउ परेको ती प्रहरी अधिकारीले बताए।

बम पड्कने क्रम भने रोकिएको छैन।

प्रहरीले विप्लवका कार्यकर्ता पक्राउ गरे पनि माथिल्ला तहका नेताहरु पक्राउ गर्न सकेको छैन। विप्लव आफ्ना शीर्ष नेतासहित भूमिगत भएको प्रहरी बताउँछ।

तर बम पड्काउनेमा विप्लवका कार्यकर्ता मात्र सामेल नभएको अर्का प्रहरी अधिकृत बताउँछन् ।

चुनावको मौका पारेर पूर्वी पहाडी जिल्लाहरुमा लिम्बुवान र मधेसमा मधेसकै असन्तुष्ट पक्षहरु बम पड्काउने कार्यमा सरिक भएको ती सुरक्षा अधिकारीले जानकारी दिए।

‘चुनावमा आफ्नौ प्रभाव देखाउन लिम्बुवान र जनजाति संगठनहरु पनि आपराधिक कृयाकलापमा सक्रिय भएको हामीले पाएका छौं,’ उनले भने।

मुलुका बिभिन्न भागमा फरक फरक समूहले बम पडकाउन थालेपछि त्यसले बिस्तारै सुरक्षाको वातावरण बिगार्दै लैजाने प्रहरी अधिकृत बताउँछन्।

‘यस्ता छिटपुट समूहहरु पनि एक अर्काका कारण उत्साही हुँदै जान्छन्,’ ती प्रहरी अधिकृतले भने, ‘त्यसले थप चुनौती बढाउँदै लैजान्छ।’

विप्लवको बम पडकाउने काम कहाँ पुगेर, कहिले रोकिन्छ? त्यसको उत्तर कसैसँग पनि छैन।

यो बम श्रृंखला चुनावलाई लक्षित गरेर मात्र चलाईएको र चुनाव पछि कम हुनसक्ने आँकलन नेपाल प्रहरीको छ।

तर प्रहरी भित्रकै कतिपय अधिकृत बम पड्काएर भूमिगत भइसकेका चन्दका नेता कार्यकर्तालाई अब खुल्लम खुल्ला हिड्न सहज नहुने बताउँछन्।

‘आफूले पडकाएको बमले मान्छे नै मरिसकेपछि उनीहरुलाई फर्किन झनै अप्ठा्यारो पर्छ,’ उनले भने।

तर सधैंका लागि भूमीगत भएर माओवादीले जस्तो अर्को ‘युद्व’ गर्न पनि अव विप्लवलाई सजिलो नभएको ती अधिकृत बताउँछन्।

‘उनका सबै कार्यकर्ता चिनिएका छन्, भू-राजनीति पनि हिजो जस्तो सजिलो छैन,’ उनी तर्क गर्छन्।

चिन्दैमा प्रहरीले पक्रन सक्छ भन्ने हैन। त्यसो हुँदो हो त अहिले विप्लवका सबै मुख्य नेता कार्यकर्तानै जेलमा वा कम्तिमा थुनामा हुनुपर्ने हो।

दोस्रो चरणको चुनाव आउन लाग्दा जसरी बम पड्कने क्रम तिब्र भएको छ, जसरी मानिसहरु घाइते हुने क्रम बढेको छ, या ज्यानै जान थालेको छ, त्यसले गम्भीर प्रश्न र चुनौति खडा गरेको छ। @ सेतोपाटी






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution