कंलकीदेखि खसीबजारसम्मको अण्डरपास वे’को काम सकियो,साउनमा संचालनमा ल्याइने
काठमाडौं।नेपालको पहिलो अण्डरपास वेको कंलकी चोकदेखि खसीबजारसम्मको निर्माण कार्य पूरा भएको छ।
चक्रपथ विस्तार आयोजनाका अनुसार यो क्षेत्रमा कालोपत्रे गर्ने तयारी भएको छ।कंलकीदेखि सितापाइलातर्फको अण्डरपासको निर्माण सुरु भएको आयोजनाले जनाएको छ।आयोजना प्रमुख ज्ञानेन्द्रकुमार झाका अनुसार साउनमा अण्डरपास संचालनमा ल्याउने गरि निर्माणलार्इ तीब्रता दिएको बताए।
चीन सरकारको पाँच अर्व रुपैयाँ सहुलियत ऋण सहयोगमा बन्न लागेको यो अण्डरपासको काम चिनियाँ साँघार्इ कन्ट्रक्सनले गरिरहेको छ।आयोजनाका अनुसार अण्डरपासको काम ६० प्रतिशत सम्पन्न भैसकेको छ ।आयोजना प्रमुख झाले ‘वेसमेन्ट’का कारण अण्डरपासको काम ढिला भएको बताउँदै कठिन काम सकिएकोले साउनभित्रै संचालनमा आउने दाबी गरे।
यस्तो बन्ने छ अण्डरपास
कुल आठ सय मिटरको अण्डरपासमा जाने र आउने २/२ गरि चार लेन कायम हुनेछ। कंलकीदेखि सितापार्इलातिर ४ सय मिटर र बल्खुतिर ४ सय मिटर अण्डरपास निर्माण हुने छ।त्यसको दायाँ र बायाँ दुर्इ/दुर्इ लेनका सहायक सडक पनि बन्नेछन्।
अहिले बनिरहेको अण्डरपास बल्खुबाट स्वयम्भुतर्फ जाने/आउने सवारीसाधनले प्रयोग गर्ने छन्।अर्कातिरको सहायक सडक बल्खुतिरबाट थानकोटतिर जान आउन प्रयोग हुनेछ।अण्डरपास माथि निर्माण भएको सडक भने थानकोट-कालीमाटी तर्फ जान आउनका लागि प्रयोग हुनेछ।चक्रपथका सहायक लेनबाट आएका सवारीसाधनले पनि कालीमाटी तथा थानकोट जान सोही आठ लेनको सडक प्रयोग गर्नुपर्नेछ।
