हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

हेलिकप्टर चढ्न दलका प्रतिनिधिबीच हानथाप, मतपेटिका नलिई फर्कियो हेलिकप्टर

 

हेलिकप्टर चढ्ने विषयमा राजनीतिक दलका प्रतिनिधिबीच विवाद भएपछि दुर्गम गाउँपालिका काँडाको मतपेटिका नलिई हेलिकप्टर फर्किएको छ । मतपेटिका संकलन गर्न गएको हेलिकप्टरमा आफूहरु पनि चढ्न पाउनुपर्ने माग दलका मतदान प्रतिनिधिले राखेका थिए । ६ जना मात्र चढ्न मिल्ने हेलिकप्टरमा ठाउँ अभाव भएका कारण क्याप्टेनले दलका सबै प्रतिनिधि नअटाउने बताएपछि विवाद बढेको थियो ।

काँडा गाउँपालिकामा ५ वटा मतदान केन्द्र छन् । नेपाली सेनाको हेलिकप्टरले पहिलो पटक धुलि निम्न माध्यमिक विद्यालयमा रहेको २ वटा मतदान केन्द्रबाट ६ वटा मतपेटिका र दुई जना मतदान अधिकृतलाई ओसारेको थियो । दोस्रो पटकमा काँडाकै धलौन माध्यमिक विद्यालय मतदान स्थलमा रहेका दुई वटा मतदान केन्द्रका ६ वटा मतपेटिका र २ जना मतदान अधिकृतलाई लिएर हेलिकप्टर काँडा माध्यमिक विद्यालयमा रहेको मतदान स्थलमा पुगेको थियो ।
‘२ जनाको सिटमा धलौनको मतपेटिका राखिएको थियो । खाली रहेका ४ सिटमध्ये ३ सिटमा धलौनकै मतदान अधिकृत र पत्रकार थियौ’  मतपेटिका संकलनको छायाँकन गर्न काँडा पुगेका कान्तिपुर टेलिभिजनका पत्रकार सुवास कठायतले विवादको कारणबारे भने ‘हेलिकप्टरमा एक जना मान्छे र ३ वटा मतपेटिकाको लागि मात्र ठाउँ थियो । तर दलका प्रतिनिधिले कि त हामीलाई पनि हेलिकप्टरमा लैजानु पर्छ हैन भने मतपेटिका सहित सबै हिंडेर जानुपर्छ भनेर जिद्दी गर्न थाले ।’

को चढ्ने भन्ने विषयमा विवाद भएपछि काँडा माध्यमिक विद्यालयको प्राङगणमा आधा घण्टा भन्दा बढी हेलिकप्टर रोकेर राख्नु परेको थियो । वाम गठवन्धनका तर्फबाट मतदान प्रतिनिधि बसेका व्यक्तिले आफूले हेलिकप्टरमा जान पाउनु पर्ने माग राखेपछि लोकतान्त्रिक गठबन्धनका प्रतिनिधिले आफू पनि जान पाउनु पर्ने अडान लिएका थिए ।

धलौनका मतदान अधिकृत र हेलिकप्टरका क्याप्टेनले सिट खाली नभएका कारण एक जना मतदान अधिकृत र मतपेटीका मात्र लैजान सकिने भन्दै लामो समय उनीहरुलाई सम्झाउने प्रयास गरेका थिए ।
विवादका कारण हेलिकप्टरबाट ओसार्न नसकेपछि काँडा माध्यमिक विद्यालय मतदान केन्द्रको मतपेटिका स्थलमार्गबाटै ल्याउने तयारी गरिएको मुख्य निर्वाचन अधिकृत पूर्ण प्रसाद बाँस्तोलाले बताए । ‘काँडाबाट हिंडेको दुई दिनमा सदरमुकाम आइपुग्छ । कहिले हिड्ने भन्ने बारेमा छलफल गर्दै छौ,’ उनले भने, ‘रातदिन गरेर भएपनि छिटो मतपेटिका ल्याउने कोसिसमा छौ ।’ विवाद भएको मतदानस्थल सदरमुकामबाट ९० किलोमिटरको दुरीमा छ ।






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution