रुकुम – पहिलो चरणको प्रतिनिधिसभा र प्रदेशसभाको निर्वाचनस्थलमा राखिएको दुई मतपेटिकामा आगलागी भएको छ । बाँफिकोट गाउँपालिकाको काँडा र आठबीसकोट नगरपालिकाको गत्तसैनामा स्थानीयहरुले एसिड हालेर मतपेटिका आगो लगाएको छ।

बाँफिकोट गाउँपालिका वडा नं. ५ को रत्न आधारभूत प्रावि काँडाको क मतदान केन्द्रमा रहेको प्रतिनिधि सभा सदस्यको मतपेटिका आगलागी भएको कांग्रेसका प्रतिनिधि तारकप्रतिभा केसीले जानकारी दिए । उनका अनुसार दुई सय ५० मतपेटिका खसेको थियो । त्यस्तै आठबीसकोट नगरपालिकाको गत्तासैनामा रहेको प्रतिनिधि सभाको मतपेटीमा आगलागी भएको जानकारी प्रमुख जिल्ला अधिकारी बंशीकुमार आचार्यले दिएका छन् ।