इस्लामाबादमा स्थिति नियन्त्रणमा लिन सेना परिचालन
पाकिस्तानको राजधानी इस्लामाबादमा प्रदर्शनकारी र सुरक्षाकर्मीहरुबीच झडप हुँदा ६ जनाको मृत्यु भएको छ २ सय भन्दा बढी प्रदर्शनकारीहरु घाइते भएको अन्तर्राष्ट्रिय सञ्चारमाध्यमहरुले जनाएका छन् ।
मुख्य राजमार्ग घेराबन्दी गरेर प्रदर्शन गरिरहेका कट्टरपन्थी धार्मिक समूहलाई हटाएर सडक खाली गर्न खोज्दा झडप भएको अन्तर्राष्ट्रिय सञ्चारमाध्यमहरुले उल्लेख गरेका छन् । स्थिति गम्भीर बनेपछि सरकारले तत्कालै सेना परिचालन गरेको छ भने पाकिस्तानको पछिल्लो राजनीतिमा फेरि उथलपुथल देखिएको छ ।
सुरक्षा व्यवस्थालाई लिएर प्रधानमन्त्री शाहिद खाकान अब्बासी र सेना प्रमुख जनरल कमर जावेद बाजवाबीच फोनमा वार्ता भएको पाकिस्तानी सञ्चारमाध्यमले जनाएका छन्। सरकारले बढ्दो हिंसालाई नियन्त्रणमा राख्न निजी टेलिभिजन च्यानल, फेसबुक, ट्विटर र युट्युब जस्ता सोसल मिडियामा रोक लगाएको छ ।
« बिहेको ३ दिनमै दम्पतीको मृत्यु (Previous News)
