हेटौडा, २८ कात्तिक— मकवानपुरमा एक व्यक्तिले अन्धाधुन्ध खुकुरी चलाएर तीन जनाको हत्या गरेका छन् । जिल्लाको मनहरी—७ विजौनाका ३२ वर्षीय सुमन बराइलीले ५५ वर्षीय सीताराम धिताल, १६ वर्षीय सुदन धिताल र ६५ वर्षीय जीतबहादुर ब्लोनको हत्या गरेका हुन् ।
मृतक सीताराम र सुदन बाबुछोरा हुन् ।

प्रत्यक्षदर्शीका अनुसार छिमेकी सुमले एकाएक खुकुरी लिएर आएर उनीहरुलाई गर्धनलगायत शरीरको विभिन्न भागमा प्रहार गरेर हत्या गरेका हुन् ।

मकवानपुरका प्रहरी उपरीक्षक विकासराज खनालले घरबाट खुडा लिएर निस्केका बराइलीले तीन जनाको हत्या गरेको पुष्टि गरे ।
प्रहरीका अनुसार बराइलीलाई नियन्त्रण लिन गएको प्रहरी टोलीलाई समेत उनले आक्रमणको प्रयास गरेका थिए । पछि उनलाई घेरा हालेर नियन्त्रणमा लिन प्रहरी पसफल भएको थियो ।

प्रहरीका अनुसार उनको मानसिक सन्तुलन ठीक थिएन भने यसअघि पनि सो परिवारलाई खुकुरी देखाउँदै तर्साउने गरेका थिए ।

प्रहरीले घटनाबारे थप अनुसन्धान भइरहेको जनाएको छ । @ लोकन्तर |