बहराइन-सुन्दर नेपालको प्राकृतिक सौन्दर्यतामा भौगोलिक भिन्नता जति पाइन्छ त्यति नै भिन्नता त्यहा बसोबास गर्ने जातजातिमा पाइन्छ,जुन जातजातिहरुलाई आफ्नै धर्म,संस्कृति र रितिरिवाजले फेरो लगाई त्यति नै सुन्दरता पनि थपि दिएको छ।

यिनै प्राकृतिक,भौगोलिक,सांस्कृतिक अनि धार्मिक सौन्दर्यताको भण्डारको सुन्दर हिमाली देश नेपालमा,आफ्नै धर्म र संस्कृतिको अपार चिनारी बोकि ढुंङ्गे युग देखि नै बसोबास गर्दै आएका जाती मध्य एक तामाङ जाती हुन।यस जातिले मनाउदै आइरहेक विविध पर्वहरु मध्यको एक महान पर्व ल्होछार परापुर्वकाल देखि नै मनाउदै आइरहेको हुनाले विश्वका जुन सुकै स्थानमा रहेता पनि यस पर्वलाइ संरक्षण तथा सम्बर्द्धन गर्ने प्रमुख उदेश्य अनुरुप बहराइनमा तामाङहरुले २००९ साल देखि नै हरेक बर्ष ल्होछार सहित विविध कार्यक्रमहरु आयोजन/ मनाउदै आइरहेको छ।

यसै सिलसिलामा बिगत बर्षहरुमा झै यस बर्ष पनि नेपालबाट आमन्त्रित ख्यातिप्राप्त तामाङ कलाकारहरु र स्थानिय उत्कृष्ट कलाकारहरुको साथमा सोनाम ल्होछार वैद्विक पुजापाठ लगायत विविध सांस्कृतिक मनोरञ्जनात्मक कार्यक्रम सहित आउदो १९ जनवरी २०१८ (शुक्रबार)का दिन,मानमा स्थित डेलमुन होटलको प्रांगणमा साँझ ठिक ६:०० बजे देखि मनाउने भएको छ |

उक्त मितिको आसपासमा कुनै पनि कार्यक्रम नजुधाइ दिनु हुन र कार्यक्रमलाई  सभ्य तथा भब्य रुपमा सम्पन्न गराउन महत्वपूर्ण भुमिका खेलिदिनु हुन सम्पुर्ण संघसंस्था समाजसेवि,बुद्धिजिवि,उधोग ब्यापारी ब्यबसायी,जातिय क्षेत्रीय,सामाजिक,राजनीति भातृसंगठन,पत्रकार लगायत सम्पुर्ण बहराइनबासी नेपाली दाजुभाइ तथा दिदिबहिनीहरुलाई आयोजक  द्वारा  हार्दिक बिनम्रताका साथ  निमन्त्रणा गरेको छ ।