हेडलाईन

प्रदेश नम्बर १ को पुन:नामाकरण आन्दोलनका घाइते लिम्बुको मृत्यु ,शहिद घोषणा गर्न माग         क्यानाडामा छक्का पन्जा-४ पहिलो दिन हाउसफूलको साथ् प्रदर्शन         इजरायलमा चर्चित राष्ट्रिय गायिका मेलिना राईको साथ उभौली साकेला चाड मनाउदै         क्यानाडामा गायक मिलन लामा तामाङलाई मायाको चिनो सहित सम्मान         अन्तर्राष्ट्रिय तामाङ परिषद्को पाँचौ सम्मेलन थाइल्याण्डको बैंककमा हुने         नेपाली नारी समाज पोर्तुगल द्वारा “Embrace Equity” विषयक गोष्ठी ८ मार्च बुधबारका दिन सम्पन्न         तामाङ समाज पोर्चुगलद्वारा “बिमला तामाङ” लाई नेपाल पठाऊन सहयोग ।         भक्तपुरको आर्शिवादमा कोरियन भाषा सञ्चालन हुँदै         रोमानियामा ई–पासपोर्ट नवीकरण सम्पन्न         रोमानिया मा निधन भएका युवाको पार्थिव शरीर नेपाल पुर्याइयो।         रोमानियामा कार्यरत एक जना नेपाली युबाको निधन         बुद्धभूमिमा हिन्दू रामकथा प्रवचन रोक्न घेदुङको माग         शेर्पा किदुग रोमानियाको दोस्रो अधिवेशन सम्पन्न         रोमानियामा पहिलोपटक सोनाम ल्होछार (तावार ल्हो) भव्य र सभ्य रुपमा सम्पन्न         तामाङ समाज पोर्तुगलले विविध कार्यक्रम गरी मनायाे सोनाम ल्होसार !        

शेर्पा समुदाय र पत्रकारिता

शेर्पा समुदाय विशेषतः हिमाली विकट क्षेत्रमा बसोवास गर्ने र जोखिमपूर्ण पर्वतहरूमाथि विजयी हुने जाति हो । विश्वको सर्वोच्च शिखर र जोखिमपूर्ण अरू पर्वतहरूको सफल आरोहण गरेका शेर्पा समुदायले पत्रकारिताको पहाडलाई भने छिचोल्न सकिरहेका छैनन् । अर्थात्, हामी मूलभूत विषयमा पछि परिरहेका छौँ । सञ्चारसँग टाढिनुले हामी शारीरिक रूपमा अब्बल भए पनि बौद्धिक रूपमा भने ‘निर्धो’ नै छौँ । सामाजिक, आर्थिकसँगै जोडिएर आउने प्रमुख एजेन्डा राजनीतिक अधिकार हो । आर्थिक रूपमा सम्पन्न, सामाजिक प्रतिष्ठाहरू आर्जन गरे पनि त्यो क्षणिक नै हुन्छ । तर, सञ्चारको शक्तिले राजनीतिक अधिकार प्राप्तिका खातिर हामी अघि बढ्न नसक्ने हो भने समुदाय पछि पर्छ । यसलाई नजर अन्दाज गर्न मिल्दैन ।

शेर्पा समुदायले अहिले पनि मूलधारका मिडियाहरूमा स्थान पाउन सकिरहेका छैनन् । र, विद्यमान अवस्थामा सक्तैनन् पनि । उत्तरआधुनिक युगमा हामी समाचारका लागि जर्नलका ‘कोलम’हरू खरिद गरी आफ्नो नाम लेखाउन आतुर हुन्छौँ तर हामीमा नै राष्ट्रियस्तरमा पहुँच राख्ने गरी पत्रकार उत्पादन र ‘मिडियाहाउस’ सञ्चालन गर्न किन सक्दैनौँ ? प्रश्न सधैँ अनुत्तरित नै छ । समुदायको विकासलाई आर्थिक पाटोसँग मात्रै जोडेर विश्लेषण गर्ने गर्छौं । जस्तैः घर, घडी, गाडी, घडेरी ।

शेर्पा समुदायमा सञ्चारमाध्यम स्थापना, विकास र दिगोपनका विषयमा समय समयमा सामान्य छलफल भने हुन्छ । यसले आकार लिन सकेको भने छैन । बौद्धिक व्यक्तित्वको जन्म हुन लागेको संकेत चाहिँ मिलेको छ । समय सापेक्ष परिवर्तन, विधिपद्धतिलाई शिरोपर गर्दै अघि बढ्ने सन्दर्भको बहस अघि बढाउँदा पत्रकारितामा हाम्रो उपस्थितिलाई पहिलो सूचकांकका रूपमा जबसम्म हेरिन्न, तबसम्म अघि बढ्न सक्दैनौँ ।
सञ्चारमाध्यमको स्थापना मात्रै पनि प्रधान विषय बन्दै जानुलाई अस्वाभाविक रूपमा नहेरिनुपर्ने अवस्था शेर्पा समुदायमा छ । हामी सञ्चारमाध्यमको भूमिकालाई अहिले पनि बुझ्न सकिरहेका छैनौँ । बरू, उही पुरानै ‘कट्वाल’ प्रथाको पिछा गर्छौं । अहिले पनि समुदायका अग्रज, बुद्धिजीवी भन्नेहरूले समुदायबारे कलम चलाएको पढ्न पाउँदैनौँ । अनगन्ती सञ्चारमाध्यम छन् । समयको विकासक्रमसँगै अनलाइन पत्रिकाहरू व्यक्तिपिच्छे छन् तर त्यहाँ हाम्रा भावना, विचार, दृष्टिकोण लिपिबद्ध हुन सकेको छैन । हामीले इतिहास अध्ययन गरेका छौँ । यहाँ व्यक्तिले इतिहास कायम गरेर दस्तावेजीकरण गरेका छन् तर समुदायको भने ‘हरहमेसा हालत दयनिय’ नै छ ।

समुदायमा मिडिया विकास र पत्रकारितामा प्रवेशको प्रसंगलाई मनोगत विश्लेषणका आधारमा मात्रै हेर्ने हो भने पनि ‘कर्पोरेट+विज्ञापन+बजार+बुझाइ+बौद्धिकता’मध्ये कुनै एक मात्रै सक्षम रहे पनि ‘मिडियाहाउस’ केही समय बाँच्न सक्छ तर त्यो अवस्था शेर्पा समुदायमा बनिसकेको छैन । ‘ल्होसारको शुभकामना, प्रवासीहरूको आशीर्वाद’ले मात्रै मिडिया हाउसहरूको दिगोपन असम्भव देखिन्छ । अर्कोतर्फ मिडियामा बुझेर लाग्ने, मिडियालाई बुझ्ने जमात अत्यन्तै न्यून छ । पत्रकारितामा जीवन खोज्ने, समुदायको समृद्धि चाहनेहरूले अनेकन् चुनौती खेप्नुपरेको छ ।

राष्ट्रिय मिडियामा आबद्ध भएकाहरू पनि समुदायका बीचमा भन्दा बाह्य रूपमा र अन्य क्षेत्रमै बढी केन्द्रित हुने र सकेसम्म समुदायसँग घुलमिल नै नगर्न पाए हुन्थ्यो भन्ने मानसिकताका साथ अघि बढ्नुपर्ने दुःखद अवस्था छ । अब हाम्रो मानसिकतालाई परिवर्तन गरेर समुदायबाट मिडियाप्रतिको बुझाइमा परिवर्तन र सोचलाई फराकिलो बनाउनु जरुरी छ । सञ्चारलाई नबुझ्दा हामीले उठाउन खोजेका अनेक ‘अजेन्डा’, सपना, योजनाहरू दिवासपनामै रहन्छन् । तथापि, मिडियामा हाम्रो सहभागिता र बुझाइलाई तत्काल व्यापक मात्रमा संशोधन र पुनर्विचार गर्न आवश्यक छ । उप्रान्त, शेर्पा समुदायमा पत्रकारिताको विकास र बुझाइबीचको अन्तद्र्वन्द्वलाई समाधान गर्नु नितान्त जरुरी छ ।

लेखक- लाक्पा जी. शेर्पा






शुभकामना

भर्खरै...

लोकप्रिय

रोचक खबर

लुँडोमा पराजित गरेको भन्दै श्रीमतीको ढाड भाँचियो

नयाँदिल्ली, बैशाख २४ । घटना केहि दिन पहिलेको हो । भारतमा जारी लकडाउनका कारण घरेलु हिंसा बढिरहेको ओरोपबिच एक... बाँकी यता

tamang online / May 6, 2020

२ सय जनासँग डेटिङ, कोहीपनि चित्त नबुझेपछि कुकुरसँग बिहे

कोही मानिसका आकांक्षाहरु विचित्रकै हुन्छन् । अहिले एकजना ४९ वर्षकी महिलाको बिहेको कहानी निकै चर्चित बनेको छ... बाँकी यता

tamang online / August 3, 2019

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2023: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution