हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

समानुपातिकमा सीट छाडेर प्रत्यक्षमा भिड्दै : सीता गुरुङ

दोश्रो चरणमा मंसिर २१ गते हुने प्रतिनिधी र प्रदेशसभा निर्वाचनका लागि मनोनयन दर्तापछि तेह्रथुममा पनि चुनावी माहोल बढेको छ । यहाँबाट प्रतिनिधि सभाका लागि ठुला तथा साना गरी ११ राजनीतिक दलका उम्मेदवारहरुको मनोनयन दर्ता छ । त्यसमध्ये एक्ली महिला उम्मेदवार हुन्, भौतिक पुर्वाधार तथा यातायात राज्यमन्त्री सीता गुरुङ ।

यसअघि दुई वटै संविधान सभामा समानुपातिकबाट सभासद बनेकी राज्यमन्त्री गुरुङले प्रतिनिधिसभा सदस्यका लागि प्रत्यक्षतर्फ कांग्रेसबाट उम्मेदवारी दिएकी छिन् । गुरुङ हाल नेपाली कांग्रेसको केन्द्रीय सदस्य समेत रहेकी छिन् । उनलाई कांग्रेस, जिल्ला कार्यसमितिले प्रतिनिधिसभामा सर्वसम्मत उम्मेदवार बनाउने निर्णय गरेको थियो । जिल्लामा दलहरुले प्रतिनिधिसभामा प्रत्यक्षतर्फ महिलालाई अगाडि सारेका छैनन् । अधिकांश दलहरुले जिल्लाबाट सिफारिस गर्दै पनि महिलाको नाम प्रत्यक्षतर्फ पठाएनन् । एमालेले पुर्वसभासद विष्णुमाया विकको नाम प्रत्यक्षतर्फ सिफारिस गरेर पठाए पनि टिकटका लागि योग्य ठानेन । जिल्लामा राजनीतिमा पुर्णकालीन भएर लागेका महिलाहरुको समेत प्रत्यक्षतर्फ दलहरु भित्र खासै चर्चा भएन ।

त्यसो त देशैभरिको तथ्यांक हेर्दापनि दलहरुले प्रत्यक्षतर्फ महिलालाई कमैमात्र उम्मेदवारी दिएका छन् । कांग्रेस युवा नेतृ तथा भौतिक पुर्वाधार राज्यमन्त्री सीता गुरुङ योग्य र क्षमतावान् महिलाहरु हुँदा–हुँदै पनि पुरुषवादी चिन्तनका कारण महिलामाथि दमन गरेर टिकट नदिने गरिएको बताउछिन् । ‘समानुपातिक तर्फ ५० प्रतिशत महिला सीट सुरक्षित नगरिएको भए संसदमा महिलाको सहभागिता शुन्य जस्तै हुन्थ्यो,’ उनले भनिन् ।

उनले समावेशी समानुपातिकको व्यवस्थाबाटै आफु दुई पटक सांसद भएको बताइन् । जिल्लामा सर्वाधिक लोकप्रिय महिला नेतृको रुपमा परिचित गुरुङ कांग्रेसको केन्द्रीय समितिमा समेत राम्रो प्रभाव राख्ने महिला युवा नेतृ हुन् । ‘जिल्लाबाट प्रत्यक्षतर्फ सर्वसम्मत सिफारिस भएपछि पनि मलाई केन्द्रीय समितिले महिला कोटाबाट समानुपातिकमा सिट सुरक्षित गर्न भनेकै हो,’ नेतृ गुरुङ भन्छिन्, ‘तर मैले कमसेकम म पछाडिको पुस्तालाई महिला र युवाले पनि गर्न सक्छन् भन्ने सोचको विकास गराउन प्रत्यक्षतर्फको टिकट लिएकी हुँ ।’

‘म महिला हुँ । तर मैले सधैँ महिलामात्रै भएर बस्नुहुँदैनँ, अझैपनि कतिपय महिलाको दैनिकी राज्यको पुहँच भन्दा टाढा चुलो चौका सम्हालेर र घुम्टो ओढेरै बितिरहेको छ । मैले आत्मनिर्भर र क्षमतावान् महिला सहितको समाजको कल्पना गर्न सक्नुपर्छ,’ उनी भन्छिन् ‘संवैधानिक रुपमा महिलाका थुप्रै अधिकारहरु स्थापित भइसकेको भन्दै नेतृ गुरुङले अब तिनको कार्यान्वयनका लागि महिला प्रतिनिधिहरुको पहुँच वृद्धि गर्न भावनात्मक एकताको खाँचो रहेको बताइन् । कांग्रेसमा विद्यार्थी राजनीति देखिनै क्रियाशील गुरुङ नेपाल महिला संघ, तेह्रथुमको अध्यक्ष हुँदै केन्द्रीय सचिव, पार्टीको महासमिति सदस्य र केन्द्रीय सदस्य भएकी हुन् ।@नयाँपत्रिका






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution