हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

जीवनबाट प्रेम र यौन हटाउने हो भने त्यो उराठलाग्दो हुन्छ

पत्रकार तथा लेखक अश्विनी कोइरालाको ‘प्रेमालय’ हालै बजारमा आएको छ । यो उनको पहिलो उपन्यास तथा तेस्रो कृति हो ।

यसअघि कोइरालाका उनी (अन्तर्वार्ता संग्रह) एवं जुकरबर्ग क्याफे (कथा संग्रह) प्रकाशित छन् । विशेषगरी प्रेम र यौनलाई मुख्य विषय बनाएर उनले लिएका अन्तर्वार्ता तथा लेखहरू पाठकहरूले रुचाएका छन् ।

नयाँ पुस्तक बजारमा आउँदा डर बढी लाग्छ कि खुसी ?

खुसी धेरै लाग्छ तर, पाठकप्रति न्याय गर्न सकिन कि भनेर अलिअलि डरसमेत लाग्छ ।
झन्डै २८ महिनापछि तपाईंले नयाँ पुस्तक बजारमा ल्याउनुभएको छ ।

किन यति लामो ग्याप ?

राम्रो पुस्तक लेख्न समय लाग्छ । मलाई त्यति ढिलो भयो भन्ने लागेको छैन ।

नयाँ उपन्यास प्रेमालय कुन समयमा लेख्नुभयो ?

दिउँसोको समयमा । घरका मानिसहरू आ–आफ्नो काममा निस्किन्छन्, वातावरण शान्त हुन्छ । मैले त्यही समयमा लेखें ।

प्रेमालय कसका लागि लेखिएको हो र, यो उपन्यास किन पढ्ने ?

‘प्रेमालय’ हरेक युवाका लागि हो जो प्रेम गर्छन् वा प्रेम गर्न चाहन्छन् । जो आफूलाई यौनमा सक्षम छु भन्ने मान्छन् यो उपन्यास तिनका लागि पनि हो । प्रेम र यौनलाई कसरी सबल एवं समृद्ध बनाउने भनेर पढ्ने हो । जीवनबाट प्रेम र यौनलाई हटाइ दिने हो भने त्यो उराठलाग्दो हुन्छ । प्रेम, यौन र जीवनलाई बुझ्न पनि यो पुस्तक पढ्नुपर्छ ।

तपाईं पत्रकारितामा समेत प्रेम र यौनलाई महत्व दिनुहुन्छ किन ?

बाहिर जतिसुकै परिवर्तन भए पनि, आर्थिक रूपमा सम्पन्न भए पनि मानिसले जबसम्म प्रेममा सन्तुष्टि पाउँदैन, यौनमा सन्तुष्टि प्रास्त गर्न सक्दैन तबसम्म उ बाहिर जतिसुकै खुसी देखिए पनि भित्रि रूपमा खुसी र सुखी, सम्पन्न हुन सक्दैन । जुन दिन मैले यो कुरा बुझें, त्यही दिनदेखि यस्ता विषयवस्तुमा अलि बढी चाँसो राखेर रिपोर्टिङ गर्न थालें ।

लामो समय पत्रकारितामा खर्चिनुभयो । अहिले पुस्तक लेखनमा सक्रिय हुनुहुन्छ । यी दुईबीच के भिन्नता पाउनुभयो ?

पत्रकारितामा समयको सीमा हुन्छ । समय सीमाभित्र रहेर काम गर्नुपर्ने हुन्छ । पुस्तक लेखन गम्भीर कुरा हो र, यसमा समय सीमा हुँदैन ।

पुस्तक लेख्न कत्तिको चुनौती हुँदोरहेछ ?

उपन्यास लेख्न गार्‍है रै’छ । लेख्न नसकेर भने होइन । पत्रिकामा छोटो–छोटो लेख्ने बानी हुन्छ । त्यही कुरा पुस्तकमा सन्दर्भ मिलाउन, विषयवस्तुसँग जोडिएका कुरा खोज्न, पात्रको प्रवृत्ति केलाउन अनि त्यसलाई शब्दमा उतार्न भने गार्‍हो हुँदो रहेछ ।

तपार्इं कसरी लेखनमा आउनुभयो ?

लभ लेटर लेखेर । सुरुमा ५ कक्षा पढ्दा लेखें । अहिलेसम्म लेखिरहेको छु । कागज नै पठाउनुपर्छ भन्ने छैन । कसैलाई इमेल, कसैलाई म्यासेज लेखेर पठाइन्छ । गाउँको स्कुलमा लाइब्रेरी थियो । त्यहाँ पत्रपत्रिका पढेर नै मेरो लेखनको सुरुवात भयो ।

तपाईंलाई सबैभन्दा प्रभाव पारेका लेखक को–को हुन् ? 

सुरुमा शंकर लामिछानेलाई पढियो । धु्रवचन्द्र गौतम, बीपी कोइराला, पारिजात, सरुभक्त । पछिल्लो पुस्तामा कुमार नगरकोटी, बुद्धिसागर तथा अमर न्यौपानेको लेखन मन पर्छ ।

आफ्नो लेखनमा कुनै लेखकको छाप पाउनुहुन्छ ?

खुसवन्त सिंह र अमृता प्रितम मन पर्छन् । नढाँटीभन्दा उनीहरूको कपि गर्न मन लाग्छ । म उनीहरूकै शैली पछ्याउँछु ।

तपाईंलाई मन परेका पुस्तक ? 

ओशोको दर्शन मनपर्छ । खुसवन्त सिंह, अमृता प्रितम तथा धु्रवचन्द्र गौतमका सबैजसो पुस्तक मन पर्छन् ।

तपाईंले दोर्‍होयाएर पढेको पुस्तक ?

बीपीको सुम्निमा र नरेन्द्र दाइ । धच गोतामेको संस्मरण । बीपीको सोच्ने शैली र विचार मलाई उच्च लाग्छ । हरेक पटक कुनै पुस्तक पढ्न बस्दा मैले बीपीको कुनै न कुनै पुस्तक फेरि एक पटक पढेकै हुन्छु ।

@कोइरालासँग कान्तिपुर साप्ताहिकका लागि नरेन्द्र रौलेले गरेको कुराकानी






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution