हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

काठमाडौंमा स्वतन्त्र उमेदवार भीड़,चुनाव जित्न नभई जिताउन

काठमाडौं । दोस्रो चरणमा हुने प्रतिनिधिसभा र प्रदेशसभाको निर्वाचनका लागि काठमाडौँमा थुप्रै ‘डमी उमेदवार’ खडा भएका छन् । काठमाडौंका विभिन्न क्षेत्रबाट स्वतन्त्र उमेदवारी दिएका त्यस्ता उमेदवारहरू चुनाव जित्न नभई जिताउने प्रयोजनका लागि खडा गरिएका हुन् ।

निर्वाचन आचारसंहिता छल्न र उमेदवारले पाउने सेवा सुविधा प्रयोग गरेर चुनावको परिणाम हत्याउने दाउमा ठूला दलहरूले त्यसरी स्वतन्त्र उमेदवार खडा गरेका हुन् ।

निर्वाचन आचारसंहिताअनुसार एउटा उमेदवारले दुई वटा गाडी र चारवटा मोटरसाइकलसम्म चुनाव प्रचारमा खर्च गर्न पाउँछ । त्यस्तै मतदानका दिन बुथ एजेन्ट पनि दुई भन्दा बढी राख्न पाउँदैनन् । यही सीमाभित्र बसेर निर्वाचन जित्न गाह्रो हुने भएकाले ठूला दलहरूले डमी उमेदवार उठाउने ‘चोरबाटो’ प्रयोग गरेका हुन् ।

प्रतिनिधिसभाका लागि काठमाडौँ क्षेत्र नम्बर ४ मा २१ जनाको उमेदवारी परेको छ । जसमध्ये ६ जना स्वतन्त्र उमेदवार छन् । काठमाडौँ जस्तो भूगोलमा स्वतन्त्र उठ्न कठिनमात्रै होइन जमानतसमेत जोगाउन सकिँदैन । तर, दशहजार धरौटी बुझाएर प्रतिनिधिसभामा उमेदवार बन्नुको पछाडि अमुक दललाई चुनाव जिताउने चोरबाटो भएको स्वयम् उमेदवार स्वीकार्छन् ।

“दशहजार तिरेर नजित्ने ठाउँमा किन उमेदवार दिनू, पार्टीलाई सहयोग गर्न उमेदवारी दिएको हुँ,” एक उमेदवारले भने ।
उनका अनुसार ठूला दल कांग्रेस, एमाले, माओवादी केन्द्रले यस्ता थुप्रै स्वतन्त्र उमेदवार उठाएका छन् । जसको प्रयोजन चुनाव जिताउने मात्रै हो ।

कहाँ कति स्वतन्त्र ?

बिहीबार काठमाडौँको राष्ट्रिय सभागृहमा हामीले त्यस्ता थुप्रै स्वतन्त्र उमेदवार भेट्यौँ । जुन कुनै न कुनै दलसँग आवद्ध थिए । “उमेदवारमात्रै स्वतन्त्र हामी त पार्टीकै कार्यकर्ता हौँ नि,” उनीहरूम    ध्ये अधिकांश ठट्टा गर्थे ।

काठमाडौँ क्षेत्र नम्बर १ मा  प्रतिनिधिसभातर्फ २३ जनाको उमेदवारी परेको छ, त्यसमध्ये ७ जना स्वतन्त्र उमेदवार छन् । तीमध्ये अधिकांश कांग्रेस र कम्युनिस्ट गठबन्धनका ‘डमी उमेदवार’ रहेको बताइएको छ ।

एमाले वरिष्ठ नेता माधवकुमार नेपालसहित २५ जनाको उमेदवारी परेको काठमाडौँ क्षेत्र नम्बर २ मा पनि ७ स्वतन्त्र उमेदवार छन् । प्रतिनिधिसभातर्फ काठमाडौँ क्षेत्र नम्बर ३ मा १९ जनाको उमेदवार परेको छ । त्यहाँ पनि ५ जना स्वतन्त्र उमेदवार छन् ।

प्रदेशसभातर्फ भने खासै स्वतन्त्र उमेदवारी परेको छैन । मुख्य दलहरूको प्राथमिकतामा प्रतिनिधिसभा परेका कारण प्रदेशसभामा स्वतन्त्र उमेदवारी कम परेको अनुमान गर्न गाह्रो हुँदैन ।

यसअघि पटकपटक ‘डमी उमेदवार’ बनिसकेको एमालेका एक नेताले पार्टीबीच डमी उमेदवारीको होड हुने दाबी गर्छन् । उनकाअनुसार सर्वदलीय छलफलदेखि मतगणनासम्ममा यस्ता डमी उमेदवार निर्णायक हुने गर्दछन् । डमी उमेदवार र तिनका प्रतिनिधिले कतिपय ठाउँमा फर्जी मत खसाल्नसमेत सघाऊ पुर्याउने भएकाले पार्टीले नै उमेदवार खडा गर्ने उनले बताए ।

त्यस्ता स्वतन्त्र उमेदवार पार्टीका चिनिएका कार्यकता हुँदैनन् । र, उनीहरूले चुनाव प्रचारप्रसारसमेत गर्दैनन् । चुनाव चिह्न लिएर एकैपटक सर्वदलीय बैठकमा सहभागी हुने गर्दछन् ।

अघिल्ला निर्वाचनमा जसका डमी उमेदवार बढी भए त्यसैको पक्षमा परिणाम गएकाले पनि ‘स्वतन्त्र’ उमेदवार उठाउन दलहरू कस्सिएको उनले बताए ।@barhakhari






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution