हेडलाईन

तामाङ समाज क्यानाडाको तेश्रो अधिवेशन सम्पन्न         तामाङ सोसाईटी अफ सिड्नीको अध्यक्षमा विशाल तामाङ चयन         नेफिन इजरायलको अध्यक्षमा कुमार आङ्देम्बे चयन         ग्याल्थुमकी मृगौला पिडितलाई वडाअध्यक्ष द्वारा सकलित रकम हस्तान्तरण         नेफिन इजरायलको ११ औ वार्षिकोत्सव तथा साधारण सभा हुदै         रोमानियामा पहिलो पटक बुद्ध जयन्तीको पावन अवसरमा शान्तिपुर्न -याली सुसम्पन्न ।         क्यानाडाको मिस्सीसागामा २५६७ औं बुद्ध जयन्ती समारोह सम्पन्न         नेवा: खल: इजरायलले साधारण सभा तथा फोटो प्रतियोगिताको आयोजन गर्दै         नेपाल तामाङ घेदुङ रोमानियाको पहिलो अधिवेशन भव्यताका साथ सम्पन्न         रोमानियामा निधन भएका तामाङको शब नेपाल पुग्यो         मृगौला पिडितलाई आर्थिक सहयोग         तामाङ सोसाइटी अफ अमेरिकाको अध्यक्षमा बुद्धिमान तामाङ निर्वाचित         प्रतिभाशाली तामाङ संचारकर्मी दीपेन्द्र दोङ तामाङको निधन         प्रदेश नम्बर १ को पुन:नामाकरण आन्दोलनका घाइते लिम्बुको मृत्यु ,शहिद घोषणा गर्न माग         क्यानाडामा छक्का पन्जा-४ पहिलो दिन हाउसफूलको साथ् प्रदर्शन        

शीर्ष नेताहरुकै जित अनिश्चित

कात्तिक १६, काठमाण्डौ । आगामी मंसिरमा हुने प्रदेशसभा र प्रतिनिधिसभाको चुनावमा सबैजसो दलका शीर्ष नेताहरु प्रत्यक्ष चुनाव लड्ने भएका छन् । राष्ट्रिय राजनीतिको केन्द्रविन्दुमा रहँदै आएका केही शीर्ष नेताको चुनावी क्षेत्र, प्रतिस्पर्धी र चुनौति हेर्दा चुनाव जित्न निकै कठिन देखिएको छ ।

नेपाली काग्रेसका सभापति तथा प्रधानमन्त्री शेरबहादुर देउवा डडेलधुराबाट उम्मेदवार बनेका छन् । देउवाले वारेसनामामार्फत डडेल्धुराबाट प्रतिनिधिसभा सदस्यका लागि उम्मेदवारी दिएका छन् ।
प्रधानमन्त्री देउवाको वारेसनामा दिएर उनकै पूर्व स्वकीय सचिव गणेश पन्तले उम्मेदवारी दर्ता गराएका हुन् ।

वाम गठबन्धनका तर्फबाट प्रतिनिधिसभा सदस्यका लागि नेकपा माओवादीका तर्फबाट खगराज भट्टले उम्मेदवारी दिएका छन् । एमाले र माओवादी केन्द्रका एकल उम्मेदवार भट्टले देउवालाई चुनौति दिएपछि जित कसको हुन्छ भन्ने निश्चित छैन ।

देउवालाई आफु चुनाव जित्ने वा हार्ने मात्र नभै समग्र कांग्रेसकै इज्जत जोगाउने चुनौति पनि छ । वाम गठबन्धनका कारण यसपटक कांग्रेसको नतिजा राम्रो नआउने अनुमान गरिएको छ । जसले गर्दा देउवा तनामा छन् ।

नेकपा एमालेका अध्यक्ष केपी शर्मा ओली बाम गठबन्धन निर्माण गर्न सफल भएसँगै एमालेका उनको अध्यक्षको कार्यकाल पनि सफल भएको टिप्पणी गर्न थालिएको छ । तर झापाबाट उम्मेदवारी दिएका ओली पनि पूर्ण सुरक्षित छैनन् । ओलीले झापा ५ बाट प्रतिनिधिसभाका लागि उमेदवारी दर्ता गराएका छन् ।

ओलीले एमाले–माओवादीको संयुक्त गठबन्धनबाट उमेदवारी दिएका हुन् । उनीविरुद्ध नेपाली कांग्रेसका खगेन्द्र अधिकारीले उमेदवारी दिएका छन् । यसअघि झापा ७ बाट उमेदवार बन्दै आएका ओली नयाँ संरचनाअनुसार पाँच क्षेत्र भएपछि सो क्षेत्रमा पुगेका हुन् ।
नेकपा माओवादी केन्द्रका अध्यक्ष पुष्पकमल दाहाल चितवन क्षेत्र नम्बर ३ बाट उम्मेदवार बनेका छन् । यसअघि अन्य जिल्लाबाट उम्मेवार बने पनि यसपटक उनी गृह जिल्ला फर्किएका छन् । तर उनलाई चुनाव जित्न सहज छैन । एमालेकोसमेत भोट पाउने भए पनि कांग्रेसको सर्मथनमा माओवादी केन्द्रका अध्यक्ष पुष्पकमल दाहालसँग चुनावी प्रतिस्पर्धामा रहेका राप्रपा प्रजातान्त्रिका उपाध्यक्ष विक्रम पाण्डेले चितवन–३ मा आफूले जित्ने दावी गरेका छन् ।
कांग्रेसका नेताको दलबलसहित उम्मेदवारी दर्ता गर्न पुगेका पाण्डेले चितवन ३ का जनताको माया र साथले माओवादी केन्द्रका अध्यक्ष प्रचण्डलाई पराजित गर्ने दावी गरेका छन् ।

नेपाली कांग्रेसका बरिष्ठ नेता रामचन्द्र पौडेलविरुद्ध पूर्व गृहमन्त्री गोविन्दराज जोशीले बागी उम्मेदवारी दिएका छन् । तनहुँ क्षेत्र नम्बर १ मा आफ्नै दलका बागी उम्मेदवारसहित बाम गठबन्धनका किसान गुरुङसमेत पौडेलका चुनौति हुन् ।

वाम गठबन्धनमा एमालेका बरिष्ठ नेता माधवकुृमार नेपालले नै बागीको सामना गर्नु परेको छ । काठमाडौं २ मा एमाले कार्यकर्ता एलपी श्रेष्ठले नेपालविरुद्ध बागी उम्मेदवारी दिएका हुन् । नेपालको चुनौति कांग्रेसका उम्मेदवार दिपक कुइकेल पनि हुन् । त्यही क्षेत्रमा ६४ को चुनावमा माओवादीको उम्मेदवार झक्कु सुवेदीले नेपाललाई पराजित गरेका थिए ।

एमाले वरिष्ठ नेता झलनाथ खनालले प्रतिनिधिसभाको चुनावमा नयाँ प्रतिष्पर्धी पाएका छन् । वाम गठवन्धनको तर्फबाट इलाम क्षेत्र नम्बर १ मा उम्मेद्वार बनेका खनाललाई चुनौती दिन कांग्रेसले पूर्व क्षेत्रीय सभापति भुपेन्द्र कट्टेललाई उम्मेदवार बनाएको छ ।

पाँचौ पटक केन्द्रीय संसदमा प्रतिनिधि बन्न प्रत्यक्ष चुनावी मैदानमा रहेका एमाले नेता खनाललाई नयाँ अनुहार कट्टेलले चुनौती दिने भएका हुन् । पूर्वसभामुख समेत रहेका एमाले संसदीय दलका उपनेता सुवासचन्द्र नेम्वाङसँग भने पुरानै अनुहार भिड्ने भएका छन् ।
पहिलो संविधानसभाको निर्वाचनमा नेम्वाङसँग चुनाव लडेका कांग्रेस नेता केशव थापालाई कांग्रेसले इलामको क्षेत्रनम्बर दुईबाट उम्मेदवार बनाएको छ । थापा पहिलो संविधानसभाको चुनावमा नेम्वाङसँग पराजित भएका थिए ।

संघीय समाजवादी फोरमका अध्यक्ष उपेन्द्र यादवले सुनसरी २ बाट मनोनयन दर्ता गराएका छन् । त्यस क्षेत्रबाट बाम गठबन्धनले उमेश यादवलाई उठाएको छ । राजपासँगको तालमेल गरेका यादवलाई बाम गठबन्धन चुनौतिको रुपमा देखिएको छ ।

लामो प्रयासका बावजुद पनि नेपाली कांग्रेस राजपा–फोरमसँग चुनावी तालमेल गर्न असफल भएपछि विमलेन्द्र निधी र राजेन्द्र महतोबिचको लडाई हेर्न लायक बनेको छ । कांग्रेसका निधी र रजपाका महतो दुवैले धनुषा ३ बाट उम्मेदवारी दर्ता गराएका छन् । यि दुवै उम्मेदवार एक अर्काका चुनौति हुन्

यसपटकको चुनावमा सबैभन्दा रोचक भिडन्त डा. बाबुराम भट्टराई र नारायणकाजी श्रेष्ठबिचमा हुने छ । दुवै नेता गोरखा क्षेत्र नम्बर २ बाट चुनाव लड्दैछन् । स्थानीय चुनावमा खसेको मतका आधारमा विश्लेषण गर्दा गोरखा क्षेत्र नम्बर २ मा नयाँशक्तिको भन्दा माओवादी केन्द्रको नै बढी मत देखिन्छ । तर, बाबुराम भट्टराई नै चुनाव लड्ने भएपछि उनले व्यक्तिगत भोटसमेत तान्ने सम्भावना हुन्छ ।

तर, राष्ट्रिय राजनीतिमा अहम भूमिका खेल्दै आएका पूर्वउपप्रधानमन्त्री नारायणकाजी नै चुनाव लड्न गइसकेपछि उनले पार्टीको संस्थागत भोटका साथै व्यक्तिगत भोटसमेत तान्न सक्ने अनुमान लगाउन सकिन्छ । यो स्थितिमा एउटै चुनाव क्षेत्रमा भिड्नु भट्टराई र श्रेष्ठ दुबैका लागि जोखिमपूर्ण छ ।

नेपाली कांग्रेसले भक्तपुर २ मा प्रतिनिधिसभा सदस्यमा पूर्वसभामुख दमननाथ ढुंगानालाई उम्मेदवार बनाएको छ । यद्यपि यसमा भक्तपुर कांग्रेसका सभापति दुर्लभ थापाको असहमति देखिएपछि ढुङ्गानालाई चुनाव जित्न कठिन छ ।

ढुंगाना ०४८ मा काठमाडौं २ बाट जितेका थिए । त्यसबेला पनि उनले वाम गठ बन्धनका मल्लके सुन्दरलाई हराएका थिए । मल्लके सन्दुरलाई एमालेको पनि समर्थन थियो । ०५१ मा भने ढुंगाना विद्या भण्डारीसँग पराजित भए । त्यसपछि ढुंगाना संक्रिय राजनीतिमा रहेनन् ।

लगातार ५ पटक चुनाव जितेका नेपाल मजदुर किसान पार्टीका अध्यक्ष नारायणमान विजुक्छे यो पटक उम्मेदवार नै बनेनन् ।
महोत्तरी क्षेत्र नम्बर ३ मा राष्ट्रिय जनता पार्टीका अध्यक्ष मण्डलका अध्यक्ष महन्थ ठाकुर विरुद्ध सोही पार्टीका नेता निवर्तमान सांसद चन्द्रेश्वर झा बागी उम्मेदवार बनेका छन् । यसअघि २०७० को संविधानसभा निर्वाचनमा स्वतन्त्र उम्मेदवार बनेर जितेका झा पुनः स्वतन्त्र उम्मेदवार बनेका हुन् । यसले ठाकुरको जित चुनौतिपूर्ण देखिएको छ । झा केही महिनाअघिमात्र राजपा प्रवेश गरेका थिए । राजपा प्रवेश गरेर महोत्तरीका स्थानीय तह चुनावमा राजपालपाई जिताउन सघाएका झालाई राजपाले टिकट नदिएपछि उनी बागी उम्मेदवार बनेका हुन् ।

राप्रपाका अध्यक्ष कमल थापाले गृहजिल्ला मकवानपुरको क्षेत्र नम्बर १ बाट प्रतिनिधिसभा सदस्यका लागि आफ्नो उम्मेदवारी दर्ता गरेका छन् । उक्त क्षेत्रमा कांग्रसकोसमेत समर्थन भए पनि थापालाई चुनाव जित्न सहज छैन । त्यहाँ बाम गठबन्धनको पनि संयुक्त उम्मेदवार छन् ।

राप्रपा प्रजातान्त्रिकका अध्यक्ष रहेका पशुपतिशमशेर राणाले पञ्चायतदेखि नै सिन्धुपालचोकबाट निर्वाचन जित्दै आएका छन् । पञ्चायतकालदेखी निरन्तरको यात्रामा गणतन्त्र नआएसम्म उनी पराजित भएका थिएनन् । तर, पहिलो र दोस्रो संविधानसभा निर्वाचनमा भने अध्यक्ष राणा पराजित भएका थिए । अब भने जसरी पनि चुनाव जित्ने योजना सहित अध्यक्ष राणा नेपाली कांग्रेसको साथमा चुनावी मैदानमा छन् । तर, राणाको जीत त्यति सहज छैन । जहाँ वाम गठबन्धनको तर्फबाट एमाले नेता शेरबहादुर तामाङ प्रतिस्पर्धामा छन् । स्थानीय तहको मतपरिणाम हेर्दा वाम गठबन्धन नै अगाडी देखिएको छ । त्यसैले, पुरानो विरासत दोर्होयाउन राप्रपा प्रजातान्त्रिकका अध्यक्ष पशुपतिशमशेर राणालाई त्यति सहज छैन ।
प्रतिनिधिसभा निर्वाचनका लागि पूर्व अर्थमन्त्री डा. रामशरण महत नुवाकोट–१ बाट उम्मेदवार बनेका छन् । उनको प्रतिस्पर्धीको रुपमा माओवादी नेता हितबहादुर तामाङ रहेका छन् । पहिलो र दोस्रो संविधानसभा निर्वाचनमा यी दुई नेताबीच नै प्रतिस्पर्धा भएको थियो । माओवादी नेता तामाङ भने दुबै निर्वाचनमा पराजित भएका थिए । त्यसैले, यस पटकको निर्वाचनलाई हितबहादुर तामाङका लागि पालो फर्काउने अवसरको रुपमा व्याख्या गरिएको छ ।

गुल्मीमा गठबन्धनबाट क्षेत्र नम्बर १ मा एमाले सचिव प्रदिप ज्ञवाली र क्षेत्र नम्बर २ बाट एमालेकै सचिव गोकर्ण बिष्टले मनोनयन दर्ता गराएका हुन् । नेपाली काँग्रेसबाट क्षेत्र नम्बर १ बाट नेता चन्द्र भण्डारी र क्षेत्र नम्बर २ बाट चन्द्र केसीले मनोनयन दर्ता गराएका छन् ।

गुल्मीमा क्षेत्र नम्बर १ बाट ज्ञवाली र भण्डारीबीच हुने चुनावी प्रतिस्पर्धा रोचक हुने देखिएको छ । उनीहरु दुबै जनालाई ‘हेवी वेट’ नेताका रुपमा हेरिएको छ ।

एमाले सचिव योगेश भट्टराईले पहिलो र दोस्रो संविधानसभा निर्वाचनमा काठमाडौं–६ बाट चुनाव लडेका थिए । तर, दुबै निर्वाचन उनको पक्षमा रहन सकेन । त्यसैले यस पटक भने भट्टराई आफ्नै जन्मथलो ताप्लेजुङ पुगेका छन् । नेकपा एमालेको पकड क्षेत्र ताप्लेजुङमा भट्टराईका लागि जित सहज हुने अनुमान गरिएको छ । तर, स्थानीय तह निर्वाचनको मतलाई आधार मान्ने हो भने वाम गठबन्धनको जीत त्यति सहज भने छैन ।

यता नेपाली कांग्रेका प्रभावशाली नेता गगन थापाले बाम गठबन्धनका उम्मेदवार राजन भट्टराईलाई प्रतिस्पर्धीको रुपमा पाएका छन् । काठमाडौं क्षेत्र नम्बर ४ मा थापा र भट्टराई चुनाव लड्दैछन् । ७० सालको चुनावमा थापाले हालका राष्ट्रपति नन्दबहादुर पुनलाई भारी मतान्तरले जितेका थिए । तर यसपटक बाम गठबन्धनसँगको लडाई सहज छैन ।@ reportersnepal






शुभकामना

भर्खरै...

लोकप्रिय

रोचक खबर

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

"प्रावास मा आफनो भाषा , धर्म कला र संस्कृति को जगेर्न गर्नै " भन्ने मुल नारालाई आत्मसात गर्दै सन् ०१।०१।२०२३ का... बाँकी यता

Phursang Lama / February 18, 2024

५५ वर्षपछि दुई देशबीच श्रम समझदारी कायम

५५ वर्षपछि दुई देशबीच श्रम समझदारी कायम

  रोमानिया । नेपालीहरुको आकर्षक गन्तव्य बन्दै गएको युरोपेली मुलुक रोमनियासँग नेपालले द्विपक्षीय श्रम... बाँकी यता

Phursang Lama / October 7, 2023

 Photo Gallery

  • अमेरिकास्थित दुई तामाङ संस्थाबिच एकता हुने

  • नेपाल तामाङ घेदुङको कोन्ज्योसोम घोषणा पत्र २०७४ सार्वजनिक

  • फोनिजको अध्यक्षमा डण्ड गुरुङ निर्विरोध निर्वाचित

  • अभिनेत्री पूर्णिमा लामा तामाड – म रुन्चे कहाँ हो र ?’

  • चर्चित मोडल स्मिताका सात कामुक फोटो सार्वजनिक(फोटोफिचर)

  • लुम्बिनीमा अन्तर्राष्ट्रिय बौद्ध सम्मेलन गर्ने तयारी

  • नेपाल तामाङ घेदुङको राष्ट्रिय बिधान-सभा चैत २३ र २४ गते

  • पहिचानको मुद्दा कहाँ पुगेर अत्कियो ?

  • यस्तो छ – नमस्कार गर्नुको कारण र महत्व

  • स्वयम्भुमा १३ पटक परिक्रमा र सरसफाई कार्यक्रम सम्पन्न (फोटो सहित)

  • महिलाले ध्यान दिने पुरुषका ७ चिज

  • प्रधानमन्त्री प्रचण्डले तामाङ संस्कृति भवन बनाउन सहयोग गर्ने घोषण,कुलमान घिसिङको प्रशंसा

  • राष्ट्रिय सोनाम ल्होछारको अवसरमा तामाङ ह्वाइखा (कविता ) प्रतियोगिता हुने

  • तमु ल्होसार के हो र कसरी मनाईन्छ ?

  •  Music videos

  • नेपालले गर्यो नयाँ नक्सा सार्वजनिक

  • भारतले जबरजस्ती हटाउन लगायो नेपाल भारत सम्बन्धि बीबीसीको डकुमेण्टी

  • तामयिक लिपी र सम्भोटा लिपीमा फरक के छ ? लेख्ने तरिका सहित

  • ‘तिम्रो घरको वरिपरि’ युट्युब ट्रेन्डिङ नम्बर १ मा (भिडियो)

  • मिस तामाङ २०१८ का सहभागीहरु तामाङ भुषभुषा र डम्फुको साथमा तामाङ भाषाको गीत गाउदै

  • तीनकुनेमा आयोजित सोनाम ल्होछार कार्यक्रममा सुरक्षाकर्मीले हस्तक्षेप किन गर्यो ? भिडियो हेर्नुहोस् …

  • मिस तामाङ प्रतियोगिता २०१८ को भाग -१ , मन पर्नेलाई भोट हाली जिताऊ (भिडियो)

  • तामाङ सेलो ‘ल्होछार पर्वमा …. सुनिता पाख्रिन तामाङ

  • बालवालिका केन्द्र खोलेर बाल ब्यापार गर्ने प्रशासनको नियन्त्रणमा (जनतासंग सिधा कुरा)

  • बिज्ञापनका लागि:
     [email protected]
    लेख, रचना र समाचारका लागि:
     [email protected]
    सामाजिक संजाल तर्फ:
    सर्वाधिकार © 2012 - 2024: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution