हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

नेपाली भाषी भारतीय नायिका उदिता भन्छिन्– ‘नेपालमा झन्डै मरेको

सपनाको शहर मुम्बई, जहाँ लाखौ युवायुवती सुनौलो भविष्यको खोजीमा पुग्ने गर्छन्। तर मुम्बईको फिल्म इन्डस्ट्रिमा सफलता हात पार्न सोचे जस्तो सजिलो छैन। धेरै कम व्यक्तिले मात्र आफ्नो सपना साकार पार्न सफल हुन्छन्। यिनै सफल कलाकारमा पर्छिन्, नायिका उदिता गोस्वामी। बलिउडकी बोल्ड र सेक्सी नायिका उदितालाई भेट्न सोचे जस्तो सजिलो छैन। तर, हामीले मुम्बईमै बसोबास गर्ने नेपाली पण्डित अत्री गौतमको सहयोगले उदितासँगको भेटलाई सम्भव तुल्यायौं।

उदिताको मामा घर भारतको पूर्वी पहाडी जिल्ला सिलोङकाे मेघालयमा पर्दो रहेछ। बुवाको घर पर्छ, नेपाली भाषी बसोबास गर्नेे हरिद्वारमा। उनको हजुरआमा नेपालका पूर्व प्रधानमन्त्री तथा पञ्चायतको आमा भनेर चिनिने तुलसी गिरीको बहिनी हुन्। त्यसैले उनी चलनचल्तीको नेपाली भारतीय लवजमा राम्रोसँग बोल्न सक्छिन्।

उनलाई थुप्रै नेपाली लोकगीत अहिले पनि कण्ठस्थै रहेछ। अन्तर्वार्ताकै क्रममा गाउन थालिन्, ‘पानको पात माया तिमीलाई सम्झिन्छु दिनको रात, सिमसिमे पानीमा।’ उनलाई सानोमा नेपाली फिल्म प्रेमपिण्डको चर्चित गीत ‘गैरी खेतको शिरै हान्याे, वर्षायामको दराैदीले’ कण्ठै रहेछ।

उदिताले बलिउडमा दर्जनौ फिल्ममा अभिनय गरिसकेकी छिन्। बलिउडमा उनको आफ्नै पहिचान छ। उनको पहिलो हिन्दी फिल्म ‘पाप’ निकै चर्चित बनेको थियो। यो फिल्ममा उनले जोन इब्राहिमको जाेडीको भूमिका निर्वाह गरेकी थिइन्। जसमा उनी ‘आनी’ बनेकी थिइन्।

उनले ‘जहर’, ‘अक्सर’, ‘दिल दिया हे’, ‘अगर’जस्ता फिल्म खेलेकी छिन्। उनले २०१३ मा ‘आशिकी–२’ का निर्देशक मोहित सुरीसँग विवाह गरेकी थिइन्। मोडलिङबाट फिल्मी संसारमा प्रवेश गरेकी उदिता आफूले फिल्म क्षेत्रमा आउन धेरै मेहनत गर्नु नपरेको बताउँछिन्।

‘५ वर्षदेखि दिल्लीमा मोडलिङ गरिरहेको थिएँ, मेरो तस्विर पत्रिकामा छापिएको थियो। त्यही तस्विर हेरेर मलाई प्रस्ताव गर्न पुजा भट्ट दिल्ली आउनु भएछ। उहाँले फोन गरेर मलाई भेट्न बोलाउनु भयो,’ उनले हिन्दी फिल्म क्षेत्रमा पाइला टेक्दाकाे अनुभव सुनाइन, ‘तीन चरणको वार्तापछि उहाँले मलाई ‘पाप’ फिल्ममा पक्का गर्नुभयो।’

काठमाडौंमा हुर्किएकी उदितालाई नेपालको सबै कुरा मन पर्दोरहेछ। सानोमा काठमाडौंको सडक उनलाई ठूलो लाग्थ्यो रे। तर, ठूलो भएपछि काठमाडौं घुम्न जाँदा सानोमा आफूले महसुस गरेको ठूलो बाटो उनलाई सानो लागेछ। हाँस्दै भनिन्, ‘सानो मान्छेको आँखाले काठमाडौंको बाटो ठूलो पो देखेको रहेछु।’

उदितालाई काठमाडौंको थुप्रै गल्लीहरुको नाम समेत थाहा छ। धेरैअघि जनकपुरबाट काठमाडौंतर्फ जाँदै गर्दा आफू ठूलो दुर्घटनाबाट जोगिएको उनले बताइन्। यतिबेला उनको दाहिने पाखुराको माथि घाउ भएको थियो। त्यो दुर्घटनामा उनले घाउको खत बोक्न बाध्य भएकी थिइन्।
‘अहिले पनि मेरो पाखुरामा बसेको दाग देखेर सबैले सोध्छन्। घटना बताउने क्रममा म फेरि नेपाल फर्किहाल्छु’, उनले भनिन्।

उदितालाई काठमाडौंको तितौरा र गुदँपाक खुब मनपर्छ। नेपालबाट कोही आउन लागेको थाहा पाइन् भने उनी तितौरा र गुदँपाक मगाइहाल्छिन्। उनलाई पिरो अचार खुब मिठो लाग्दो रहेछ।

उनी अहिले पनि घरमा मःम र चाउमिन खाने गर्छिन्। दालभात उनको प्रियः खानाभित्र पर्छ। नेपाली भाषा राम्रोसँग बोल्ने भए पनि उनलाई नेपाली फिल्म खेलिहाल्ने कुनै मोह छैन। तर, उनी राम्रो कथा र निर्देशक भएको खण्डमा नेपाली फिल्म खेल्न सक्ने बताउँछिन्। @नेपाललाईभ






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution