अदृश्य शक्तिको चुनाव सार्ने प्रयास सफल हुँदैन-सिंचाइमन्त्री गौतम
काठमाडौं, कात्तिक १२ । सिंचाइमन्त्री संजय गौतमले चुनाव कुनै पनि हालतमा नसर्ने दावी गरेका छन् ।
आइतबार काठमाडौंमा भएको कार्यकममा उनले तोकिएकै मितिमा चुनाव हुने भन्दै चुनाव नचाहने तत्वले नै चुनाव नहुने आशंका गरेको आरोप लगाए ।
मन्त्री गौतमले वाम गठबन्धनका कारण लोकतान्त्रिक गठबन्धनको आवश्यकता रहेको र लोकतान्त्रिक गठबन्धन मजबुत हुने दाबीसमेत गरे । राष्ट्रिय जनता पार्टीका महासचिव मनिष सुमनले कांग्रेस, एमाले र माओवादी मधेशविरोधी भएको आरोप लगाए ।
यस्तै, एमाले नेता सोमप्रसाद पाण्डेले अदृश्य शक्तिले चुनाव सार्ने प्रयास गरेको दाबी गर्दै वाम तालमेलबाट एमाले र माओवादीलाई दुई तिहाई बहुमत आउने दावी गरे ।@imagekhabar
« चुनाव सार्न प्रधानमन्त्री देउवामाथि पार्टीभित्रैबाट चर्को दबाव (Previous News)
