चलचित्र विकास बोर्डले हरेक वर्ष प्रदान गर्ने अवार्डको यस वर्षको संस्करणमा ‘कालोपोथी’ र ‘घामपानी’ ले ‘विशेष चलिचत्र अवार्ड’ प्राप्त गरेका छन् । थोरै प्रचार भए पनि प्रदर्शनपछि माउथ पब्लिसिटीका कारण राम्रो व्यापार गर्न सफल ‘कालोपोथी’ तथा ठिकै व्यापार गरेर पनि राम्रो प्रतिकृया पाएको ‘घामपानी’ले अवार्डका साथमा २–२ लाख रुपैयाँ प्राप्त गरेका छन् । अवार्डका अघिल्ला संस्करणमा भने ‘विशेष चलिचत्र अवार्ड’ एक चलचित्रले मात्रै प्राप्त गर्ने गरेका थिए ।

विकास बोर्डमै बुधबार सम्पन्न कार्यक्रममा ‘घामपानी’ निर्देशक दीपेन्द्र लामा र ‘कालोपोथी’ का प्रतिनिधिलाई प्रमाणपत्र प्रदान गरिएको छ ।

२०७३ वैशाख १ देखि २०७३ चैत मसान्तभित्र केन्द्रीय समितिबाट सेन्सर भएका फिल्ममध्ये उक्त दुईलाई विशेष अवार्ड दिइएको हो । अवार्डका लागि ३७ फिल्मले आवदेन दिएका थिए । चलचित्र निर्देशक ऋषि लामिछाने, कलाकार उत्तम केसी, निर्माता शक्ति बल्लव घोरासैनी र पत्रकार विष्णु शर्माको निर्णायक टोलीले विशेष चलचित्र छनोट गरेका हुन् ।