सोसियल इकमर्श साइट सगुनको एप आउने तयारी
नेपालीले अमेरिकामा स्थापना गरेको सोसियल इकमर्श साइट सगुनले आफ्नो मोवाइल एपको पहिलो डेमो भारतमा रहेको कार्यालयबाट लाइभ गर्दै सार्बजनिक गरेको छ ।
अमेरिकी बजारमा मिनी आइपिओ जारी गरेर दोस्रो चरणको लगानी जुटाइ रहेको आइटी स्टार्टअप कम्पनी सगुनले मोवाइल एपको परिक्षण गरिरहेको छ ।
सगुन एपमा नै एक नयाँ प्रयोग गर्न कम्पनी लागि परेको छ । एप चलाउदा नै मोवाइल पनि रिचार्ज हुने प्रविधिको विकास गर्नेतर्फ सगुन भारतको टिमले आइआइटीसग सहकार्य गरि काम गरिरहेको जनाएको छ । केहि ढिलो भएपनि विशेष र उत्कृष्ट एप सार्वजनिक गर्नेतर्फ कम्पनीले काम गरिरहेको सगुनले जनाएको छ ।
नेपालीले स्थापना गरेको सोसियल इकमर्स कम्पनी सगुनले दक्षिण एशियाली बजारलाई लक्षित गरेर मोवाइल एप ल्याउन लागेको हो । ‘ हामीले सगुनको मोवाइल एप करिव तयार पारेका छौं ’ कम्पनीका संस्थापक गोविन्द गिरीले भने, ‘ आन्तरिक रुपमा परीक्षण भइरहेको छ ।
परीक्षण सफल हुनासाथ सार्बजनिक गर्छौं ।’ एन्ड्रोइड प्लेटफर्ममा उपलब्ध हुने एप केही समयपछि आइफोनको एप्पल स्टोरमा समेत उपलब्ध गराउने गरी काम भइरहेको सगुनले जनाएको छ ।
डेस्कटप भर्सनमा उपलब्ध नभएका सुविधासमेत एपमा हुनेछन् । मोवाइल एप ल्याएपछि प्रयोगकर्ता बढ्ने अपेक्षा सगुनले गरेको छ । सगुनको एपमा सेक्रेट म्यासेज पठाउने, आफ्नो दैनिकी सेयर गर्ने, मुड अनुसार कुरा गर्ने मुड टक, ओपन सेक्रेटलगायतका विशेषता रहेको छ ।
अहिले कम्पनीले दोश्रो चरणको लगानीको लागि विदेशमा रहेका नेपालीहरुको लागि पुन आग्रह गरेको छ ।