हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

आज लक्ष्मीपूजा-देशभर बिजुली नकाटिने, पुरा समय कुलमान घिसिङ आफै खट्ने

२ कात्तिक, काठमाडौं । आज लक्ष्मीपूजा, बेलुकी झिलिमिली बनाउन अधिकांश घरमा बत्ती सजाउने काम हुँदैछ । विद्युत् प्राधिकरण भने वर्षमै सबैभन्दा बढी बिजुलीको माग हुने भएकाले आज कुनैपनि हालतमा बत्ती नजाने व्यवस्था गर्न विभिन्न कामको चटारोमा व्यस्त छ ।

मध्यान्ह भक्तपुर सबस्टेशनमा समस्या अाएको खबर पाएपछि प्राधिकरणका प्रवन्ध निर्देशक कुलमान घिसिङ आफैं त्यहाँ पुगेर मर्मतको काम गराइरहेका छन् ।

आजका लागि प्राधिकरणको एउटै लक्ष्य छ- बिजुली जोडिएका कुनैपनि घरमा बत्ती ननिभाउने ।

त्यसैअनुसार प्राधिकरणले आवश्यक तयारी अन्तिम चरणमा पुर्‍याएको छ । अपरान्हसम्म सबै व्यवस्थापकीय काम सकेर प्राधिकरण बेलुकीको प्रतिक्षामा रहनेछ ।

प्राधिकरणका प्रवक्ता प्रबल अधिकारीका अनुसार हालसालै सबै जलविद्युत् गृह, सबस्टेसन, प्रसारणलाइन तथा ट्रान्सर्फमरको मर्मत गरिएको छ ।

कुनै स्थानमा समस्या आउने बित्तिकै आधा घन्टाभित्रै सम्बन्धित स्थल पुगेर मर्मत गर्न नो-लाइटको ‘प्रोम्प्ट सप्लाई रेसपोन्स टिम’ (पीएसआरटी) पनि तयारी अवस्थामा छ । यो टिम कतै समस्या आए त्यहाँ तुरुन्तै पुग्नेछ ।

लक्ष्मीपूजाको दिन सबैभन्दा बढी विद्युतको माग काठमाडौं उपत्यकामा हुन्छ । काठमाडौंसँगै ललितपुर, भक्तपुर, रसुवा, नुवाकोट, काभ्रेपलान्चोक, दोलखा, सिन्धुपाल्चोक र रामेछापमा ३ सय ५० देखि ३ सय ६० मेगावाटसम्म बिजुलीको माग हुने प्राधिकरणको पूर्वानुमान छ । समस्या नआओस् भनेर प्राधिकरणले यस क्षेत्रका सबै सबस्टेसनको मर्मत पनि गरिसकेको छ ।

काठमाडौ केन्द्रका स्युचाटार, बालाजु, बानेश्वर, लैनचौर, टेकु, पाटन, सिंहदरवार, चाबहिल, चपली, मातातीर्थ, बनेपा र पाँचखाल सबस्टेशनलाई चुस्त अवस्थामा राखिएको छ ।

सबस्टेशनको भार सारियो

क्षमताभन्दा बढी माग हुनसक्ने भन्दै प्राधिकरणले आज विभिन्न सबस्टेसनको भार अन्तै सारेको छ । बढी विद्युत् माग हुने क्षेत्रका सबस्टेसनबाट कम विद्युत माग हुने क्षेत्रका सबस्टेसनमा लोड सारिएको प्रवक्ता अधिकारीले जानकारी दिए ।

उनकाअनुसार बानेश्वर सबस्टेसनमा उच्च विद्युत् माग हुनसक्ने भन्दै यसको ४ मेगावाट बराबरको लोड सिंहदरवारको सबस्टेशनमा सारेको छ । बानेश्वर सबस्टेसनको क्षमता ३६ मेगावाट छ ।

त्यस्तै बालाजु सबस्टेसनको भार पनि अन्य फिडरमा सारिएको छ । सबस्टेसनदेखि ट्रान्सर्फमरसम्म लगिएको विद्युतको लाइनलाई फिडर भनेर बुझिन्छ ।

उच्च माग हुने क्षेत्रका सबस्टेसनको भार फिडरहरुमा सार्दा बिजुलीको माग र आपूर्तिको सन्तुलन मिलाउन सहज हुने अधिकारीले बताए ।

इन्जिनियरको भूमिकामा कुलमान

गत वर्ष स्युचाटारको भारप्रेषण केन्द्रमा बसेर उपत्यका लोडसेडिङ नगर्ने परीक्षण गरेका प्राधिकरणका प्रवन्ध निर्देशक घिसिङ आज पनि मास्टर स्टेशन पुग्नेछन् ।

विद्युत प्राधिकरणको प्रवन्ध निर्देशकको पदमा बसेर काम गर्दै आएका कुलमान आज भने साँझमा भारप्रेषण केन्द्रको इन्जिनियरको भूमिका निभाउनेछन् ।

उनीसँगै प्राधिकरणका उच्च अधिकारीहरु पनि भारप्रेषण केन्द्रमा पुग्नेछन् । विद्युत ब्यापार विभागका प्रमुख रहेका प्रवक्ता अधिकारी भारतबाट आयात हुने विद्युतको लागि भारतका ऊर्जासम्बद्ध विभिन्न कार्यालयसँग प्रत्यक्ष संवाद गरिरहेका छन् ।

कहाँ-कहाँबाट आउँदैछ काठमाडौंमा विद्युत् ?

काठमाडौंमा ८ वटा प्रसारणलाइनबाट विद्युत् भित्रिने गरेको छ । मर्स्याङ्दी करिडोरबाट १ सय १२ मेगावाट, त्रिशुली-बालाजु करिडोरबाट ३८ मेगावाट, देवीघाट-चपली प्रसारण लाइनबाट १५ मेगावाट, कुलेखानी १- स्युचाटार प्रसारण लाइनबाट ६० र कुलेखानी २-मातातीर्थबाट ३० मेगावाट आयात हुन्छ ।

साथै सुनकोसी-पाँचखाल प्रसारणलाइनबाट १० मेगावाट आयात हुन्छ । यसरी आज काठमाडौंमा ३ सय ६६ मेगावाट विद्युत आयात हुँदैछ ।

यसरी धानिनेछ माग

देशभर आज कुल १५ सय ५० मेगावाट विजुलीको माग हुने अनुमान छ । लक्ष्मीपूजा भएकाले ३ सय मेगावाटको हाराहारीमा विद्युत् खपत गर्ने उद्योगहरु भने आज बन्द हुन्छन् ।

अहिले प्राधिकरणका आयोजनाहरुबाट ४ सय ४२ मेगावाट विद्युत् उत्पादन भइरहेको छ । त्यस्तै निजी आयोजनाबाट ३ सय ६० मेगावाट उत्पादन हुँदैछ । आज भारतबाट ४ सय ५० मेगावाट विद्युत् आयात गर्ने प्राधिकरणको तयारी छ ।

एक वर्षपछि हेटौंडा डिजल प्लान्ट चल्दै

प्राधिकरणले आज बेलुका देशभर लाइन नकाट्न बन्द रहेको डिजेल प्लान्ट पनि चलाउँदैछ ।
धेरै खर्चिलो भएका कारण सञ्चालनमा नरहेको हेटौंडाको डिजल प्लान्टबाट १० मेगावाट विद्युत उत्पादन गरिनेछ ।

१४ मेगावाट क्षमताको यो प्लान्टबाट आज १० मेगावाट मात्रै बिजुली उत्पादन गरिने प्रवक्ता अधिकारीले जानकारी दिए ।

उनले भने, ‘अघिल्लो वर्षको लक्ष्मीपूजामा पनि चलाएका थियौं । यो डिजल प्लान्ट आज फेरि चलाइँदैछ । परीक्षण गरिसक्यौं ।’

होटल र मललाई विशेष आग्रह

प्राधिकरणले आज विभिन्न ठूला होटल, मल तथा व्यापारिक प्रतिष्ठानहरुलाई जेनेरेटर चलाउन आग्रह गरेको छ ।

सर्वसाधारणको घरमा विद्युतको माग बढी हुने हुँदा आज एक दिनका लागि जेनेरेटर चलाएर सहयोग गरिदिन प्राधिकरणले आग्रह गरेको हो ।

एक सूचना जारी गर्दै प्राधिकरणले सर्वसाधारणहरुलाई पनि बेलुकी बत्ती मात्रै बाल्न र अन्य मोटर तथा आइरन, हिटर लगायत विजुली उच्च खपत गर्ने उपकरण नचलाउन आग्रह गरेको छ । @ अनलाइनखबर |






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution