“तामाङ जातीको उत्थान,भाषा,धर्म र संस्कृतिको सम्वर्द्धन “भन्ने मुल नाराका साथ गत साल स्थापना भएको नेपाल तामाङ घेदुङ साईप्रसको   प्रथम एेतिहासिक वार्षिकोत्सव तथा शुभकामना आदान प्रदान कार्यक्रम भव्य र सभ्य रुपमा सम्पन्न गरेको छ |

संस्थाको अध्यक्ष नानु गोम्जा तामाङको सभापतित्वमा  भएको कार्यक्रमको प्रमुख अतिथि होनारी कन्सुलेटका डा. रामजीवन पन्जियार , विशेष अतिथि एनआरएनए साईप्रसका उपाध्यक्ष श्री योवाङ्ग घले, अतिथिहरु एनआरएनए साईप्रसकी महिला प्रतिनिधि तथा चितवन सेवा समाज साईप्रसकी अध्यक्ष जसुमाया पुन मगर, एनआरएनए साईप्रसका सल्लाहकार सुरेश शाह,ब्रिटिस गोर्खा साईप्रसका  सुरेश परियार,राई सेवा समाज साईप्रसकी अध्यक्ष ध्रुब राई ,नेपाल तमाङ घेदुङ साईप्रसकी सक्रिय सदस्य तथा अन्तराष्ट्रिय कलाकार मञ्च साईप्रसकी उपाध्यक्ष हिरामाया बोम्जन तामाङ , एनआरएनए साईप्रसका महासचिव अन्तेस राउत र मिडियाकर्मीहरुको उपस्थित रहेको थियो |

प्रथम एेतिहासिक वार्षिकोत्सव तथा शुभकामना आदान प्रदान कार्यक्रममा थप नयाँ सदस्यहरु पनि सहभागी भएको छ । नयॉं सदस्यहरुलाई घेदुङ सदस्यता प्रमाण पत्र वितरण गर्दै खादा ओडाएर भव्य रुपमा स्वागत गरेको थियो  |

श्रोत:नेपाल तामाङ घेदुङ साइप्रसको फेसबुकबाट