हेडलाईन

तामाङ समाज क्यानाडाको तेश्रो अधिवेशन सम्पन्न         तामाङ सोसाईटी अफ सिड्नीको अध्यक्षमा विशाल तामाङ चयन         नेफिन इजरायलको अध्यक्षमा कुमार आङ्देम्बे चयन         ग्याल्थुमकी मृगौला पिडितलाई वडाअध्यक्ष द्वारा सकलित रकम हस्तान्तरण         नेफिन इजरायलको ११ औ वार्षिकोत्सव तथा साधारण सभा हुदै         रोमानियामा पहिलो पटक बुद्ध जयन्तीको पावन अवसरमा शान्तिपुर्न -याली सुसम्पन्न ।         क्यानाडाको मिस्सीसागामा २५६७ औं बुद्ध जयन्ती समारोह सम्पन्न         नेवा: खल: इजरायलले साधारण सभा तथा फोटो प्रतियोगिताको आयोजन गर्दै         नेपाल तामाङ घेदुङ रोमानियाको पहिलो अधिवेशन भव्यताका साथ सम्पन्न         रोमानियामा निधन भएका तामाङको शब नेपाल पुग्यो         मृगौला पिडितलाई आर्थिक सहयोग         तामाङ सोसाइटी अफ अमेरिकाको अध्यक्षमा बुद्धिमान तामाङ निर्वाचित         प्रतिभाशाली तामाङ संचारकर्मी दीपेन्द्र दोङ तामाङको निधन         प्रदेश नम्बर १ को पुन:नामाकरण आन्दोलनका घाइते लिम्बुको मृत्यु ,शहिद घोषणा गर्न माग         क्यानाडामा छक्का पन्जा-४ पहिलो दिन हाउसफूलको साथ् प्रदर्शन        

एनआरएनभित्रको राजनीति :

-मेघराज सापकोटा

अबको केही बर्ष गैरआबासीय नेपाली संघको राजनीति नाकको वरीपरी घुम्ने सम्भावना छ’,  दुवईमा भेट भएका एक एनआरएनकर्मीले पाक्तिकारसँग भनेका थिए । हाँसेर हल्का ढंगले आफ्नो चोर औंला नाक निर लगेर भनेको उनको यो भनाइले पक्कै केही अर्थ राख्दछ । उनले नाक भनेर अक्टोबर १४ देखि १६ तारिक सम्म काठमााडौमा हुन गईरहेको एनआरएनको सम्मेलनमा अबको नेतृत्व छनौटमा जातीय नाराले प्रभाब पार्ने साकेत गरेका थिए ।

त्यस बेलासम्म २०१५–२०१७ को कार्यकालमा मनोनित सदस्य बनाईएकी बर्तमान अध्यक्ष शेष घलेकी श्रीमती जमुना घलेले अध्यक्ष पदमा उम्मेद्वारी दिने हल्ला चल्न थालिसकेको थियो । जमुना घले आाफैमा सक्षम उमेद्वार होलिन् या नहोलिन् बहसको बिषय बन्न सक्ला तर एनआरएनका जानकारहरु अबको नेतृत्व नाकले पनि छान्ने भन्न थालिसकेका छन् । बिभिन्न देशहरुमा एनआरएन एनसीसीको अधिबेशनमा हुने नाकको प्रतिस्पर्धा हेर्दा यस्तै नहोला भनिहाल्न सक्ने स्थिति छैन । बर्तमान अध्यक्ष शेष घले जनजाति मात्र नभएर उनी आफैमा सक्षम हुनाले २ कार्यकालसम्म सबैको साझा अध्यक्ष बन्न सफल भएका हुन् । र, यस् अघिका सबै अध्यक्षहरु पनि नाक नभई क्षमताकै आधारमा चुनिएका थिए । तथापी जमुना घलेको उम्मेद्वारीको हल्ला उपाध्यक्षको लागि बार्गेर्निङको पत्ता भएको बताईन्छ । उनलाई अहिले उपाध्यक्ष पदमा जिताउने र अर्को कार्यकालको लागि अध्यक्ष बनाउने रणनीति अनुरुप अध्यक्षको उम्मेद्वारको रुपमा अघि बढाईएको एनआरएनकर्मीहरु बताउँछन् ।

एनआरएनको सम्मेलन नजिकिंदै गर्दा अबको अध्यक्ष को होला भन्ने चासो सर्बत्र छ । अक्टोबर १४ तारिख देखि काठमाडौंमा हुने अन्तर्राष्ट्रिय सम्मेलनले गैरआबासीय नेपालीको नेता चुन्ने छ । हालसम्म चुनाबी मैदानमा हालका बरिष्ठ उपाध्यक्ष भवन भट्ट र अर्का उपाध्यक्ष कुमार पन्त देखिएका छन् । पन्तले सहमतिको लागि आफुले उपाध्यक्षमा दोहोर्याउने बताईसकेका छन् । अघिल्लो अधिबेशनमा अध्यक्ष पदमा प्रत्यासी भई चुनाबी प्रतिस्पर्धामा हारेका पूर्व उपाध्यक्ष कतारका टिबी कार्कीले पनि अध्यक्ष पदको दाबेदारी गरेका छन् । तथापी कार्कीको उम्मेद्वारी पनि कुनै रणनीति र योजनामा आएको हुनसक्ने बताईन्छ । कतिपयले टिबी कार्कीलाई भवन भट्टको भोट काट्न उठाईएको ’डमी’ उम्मेद्वार समेत भन्ने गरेका छन्, जसको फाईदा जमुना घलेलाई हुनसक्ने छ । 
 
त्यसो भए अबको एनआरएनको बागडोर कसले हाँक्ला त ? यो प्रश्नको जवाफ खोज्नु भन्दा अघि एनआरएनको भित्री पाटाका अन्तर्यमा पुग्न जरुरी छ ।
एनआरएनका संस्थापक अध्यक्ष उपेन्द्र महतो अहिले पनि एनआरएनको नीतिगत कुराहरुमा निर्णायक मानिन्छन् । एनआरएन ज्ञाताहरुका अनुसार बर्तमान अध्यक्ष घले अघिल्लो कार्यकालमा महतोको मन्जुरी बिना नै अध्यक्ष बनेका थिए । त्यो बेलामा घलेलाई जीबा लामिछनेको साथ थियो । दोश्रो कार्यकालसम्म आईपुग्दा घलेसँग जिबा पनि रुस्ट बनिसकेका थिए । 
 
एनआरएन सम्मेलनमा राजनीतिक पार्टीहरुको आशिर्बाद र भूमिका पनि उत्तिकै हुने गरेको छ । अघिल्लो सम्मेलनमा समिकरण निर्माणमा एमाले निकट मानिएका पूर्व उपाध्यक्ष टिबी कार्कीलाई एमालेले साथ दिन सकेन । त्यस्तै अघिल्लो सम्मेलनमा उम्मेदवारको दौडमा रहेका अमेरिकाका रतन झा र उपेन्द्रले अघि सारेका रामेश्वर शाहको बल पनि तराई आन्दोलन, नाकाबन्दीसहित अन्य आन्तरिक र बाह्य यावत कारणले कमजोर बन्न पुग्यो । अध्यक्ष घले र महतो बीच यस अघि आपसी सल्लाह र सुझाबमा संस्थालाई चलाउने, चुनावमा हारेका केही ब्यक्तिहरुलाई सदस्य, सल्लाहाकारमा मनोनित गर्ने र प्रबक्ता छान्ने सहमति पनि भएको थियो तर सहमति कार्यन्वयन हुन सकेन ।

संस्थामा बर्तमान महासचिव बद्री केसी र अध्यक्ष घलेबीच लामो समय सम्म सम्बन्ध राम्रो हुन सकेन । उनीहरुबीच मनमुटाब र आपसी द्वन्द्व हुनुले यो कार्यकालमा घलेलाई काम गर्न निकै नै कठिनाई भएको थियो । सोही बेला जिबा लामिछानेलाई प्रमुख संरक्षक दिने सहमति र बाँकी अन्य सहमति पनि कार्यन्वयन नभएको बाहिरी हल्ला चलेको थियो । बेलाबेला अन्तर्वार्ताहरुमा घलेले आफ्नो कार्यकालमा आफुले निकै ठक्कर र हण्डर खाएको कुरा भन्ने गरेका छन् । मुलभुत रुपमा उनका ठक्कर यस्तै हुन् ।

कार्यकालको सुरुवातमै घले बहुमत र अल्पमतको खेलमा परे । केही जनजाति र अति नजिकका घनिस्टहरुले घलेलाई र घलेदेखि रुस्ट भएकाहरुले बद्री केसीलाई समर्थन गरे । संस्थाका हरेक ठाउँमा बिबादकाबीच घलेले भिजन २०२० अघि सारे । भिजन २०२० को आवगमन पश्चात जिबा लामिछाने र उपेन्द्र महतोहरु अरु तर्सिए । घलेले ल्याएको भिजन २०२० ले अध्यक्षलाई अझ निरंकुश बनाउने र यो कुनै स्वार्थले प्रेरित छ भन्ने बुझाई उनीहरुको रह्यो । घलेलाई भिजन २०२० कुनै पूर्व तयारी र छलफल बिना ल्याइएको आरोप लाग्ने गरेको छ । यही बीचमा उपेन्द्र महतो, जिबा लामिछाने भर्सेस शेष घले र समर्थकहरुको बीचमा अन्धाले पनि देख्ने र बहिराले पनि सुन्ने गरिको जुहारी पनि चलेको थियो । यही खेलले जिबा लामिछाने र उपेन्द्र महतोलाई साझा उम्मेदवार बनाउने रणनीतिका लागि एक ठाउँमा उभ्यायो । यस्तै यस्तै कुराहरुले एनआरएनका दुई प्रतिस्पर्धी कुमार पन्त र भबन भट्ट जो डेढ बर्षसम्म अध्यक्षको लागि दौडधुप गरेका थिए, उनीहरुलाई र उपेन्द्र अनि जिबालाई जर्मनीमा भएको क्षेत्रीय सम्मेलनले नजिक ल्याईदियो । सोही सम्मेलनमा भबन भट्टलाई निर्बिरोध अध्यक्ष बनाउने र कुमार पन्तलाई उपाध्यक्ष दोहोर्याउने सहमति भएको हो । यसरी कुमार पन्तले भवन भट्टलाई छोड्ने बित्तिकै बलिया देखिएका भट्टलाई साइजमा ल्याउन वा अप्रत्यासित नतिजा निकालेर जमुना घलेलाई जिताउन कतै घलेले नै टिबी कार्कीलाई अघि सारेका त हैनन भन्ने शंका पनि गरिन थालिएको छ ।

जमुना घलेलाई मनोनित सदस्य हुँदै २०१७–२०१९ कार्यकालमा उपाध्यक्ष बनाउने र २०१९–२०२१ कार्यकालमा अध्यक्ष बनाउने खेल चलिरहेको थियो । उस्तै परे यसैपालि पनि जनजाति र केहि भित्रिया किचेन क्याबिनेटको सहयोगमा जमुना घलेलाई अध्यक्ष पदमा लैजाने भन्ने रसियन अलायन्सको शंका जमुना घलेको अध्यक्ष पदमा उम्मेद्बारी घोषणाले सही साबित भयो । किनकी जब भबन भट्ट र कुमार पन्तले सहमति गरे, उपेन्द्र र जिबा लामिछने यो खेलमा ब्याक भए र सहमति गरे, सोही बेला अर्को तिर घले प्यानलले जमुना घलेलाई अघि सार्यो ।

तसर्थ एनआरएन भित्रको अबको खेल रसियन अलायन्स भर्सेस अस्ट्रेलियन हुने पक्का छ । सोही बमोजिम दुबै पक्षले आफ्नो आफ्नो रणनीति बनाउने छन् । उपेन्द्र महतोले खेल जिते अबका तीन कार्यकालमा क्रमश: भवन भट्ट, कुमार पन्त र बद्री केसीले नेतृत्वको बागडोर संचालन गर्ने छन् । अस्ट्रेलियन घले अलायन्सले जिते पनि हारे पनि अबको नेतृत्वमा जमुना घले अघि बढ्ने निश्चित छ र सोही बमोजिम अन्य उत्तराधिकारीहरुको निर्माण गरिनेछ । आफुलाई काम गर्न असहज बनाउने काम बद्री केसीले गरेको भन्ने बुझाई शेष घलेको र केही सानो गुटमा रमाएर आफ्नो जिम्मेवारीमा सधैं लगाम लगाउन खोजेको केसीको बुझाई रहेको छ । तसर्थ अहिले बऽी केसी जसरी पनि एनआरएनमा घलेको दबदबा कम गर्न चाहन्छन । एनआरएन भित्रको अन्तर्यका कथाहरु यिनै हुन् ।

अब के हुन्छ त ? भवन भट्ट अध्यक्ष र जमुना घले उपाध्यक्ष वा भवन भट्ट अध्यक्ष र कुमार पन्त उपाध्यक्ष ? सम्भावना दुइटै छ । भवन भट्टलाई कुनै पनि हालतमा जित्नु पर्ने छ । घलेलाई  लाप्राक बस्ती निर्माण र एनआरएनए भवन निर्माण अनि भिजन २०२० अघि बढाउनु छ । र, भिजन २०२० को कार्यन्वयनमा श्रीमती जमुना घलेलाई स्थापित गर्नु पनि छ । सरसर्ती हेर्दा जमुना घलेको तयारी कम र कमजोर उम्मेद्वारको रुपमा भएपनि अहिले आफ्नो हातमा बागडोरसहित भवन अध्यक्ष बनाएर आगामी नेतृत्वमा जमुनालाई लैजाने सहमति पनि नहोला भन्न सकिन्न । यिनै खेलहरुको बीचमा एनआरएन अलमलिदै यो सम्मेलनसम्म आईपुगेको छ ।

भवन भट्टले जित्ने निस्चित जस्तै भएपनि अहिलेसम्म दुबै पक्ष आश्वस्त हुन सकेका छैनन् । यस्तै खेलहरुले गर्दा संस्था भित्रका केही ईमान्दार ब्यक्तिहरुलाई एनआरएनए संस्था वास्तवमै निल्नु न ओकल्नु भएको छ । यही तरिकाले अघी बढे आगामी दिनहरुमा संस्था सिस्टम र भिजन भन्दा पनि गुटबन्दी तिर जानेछ । गुटबन्दीले प्रस्रय पाए हरेक सम्मेलनमा पैसाले नेतृत्व चुन्नेछ । संस्थाले सुरुवात गरेको नयाँ योजनाहरुको भविश्यमा प्रश्न चिन्ह खडा हुनेछ । पैसा, अतिबाद, जातीयता र संस्थापकहरुको लडाईंले तल्लोस्तरका एनआरएनकर्मीहरुलाई निरास तुल्याउने छ र घृणा पैदा गर्नेछ ।

तसर्थ यी यावत घटना परिघटनाहरुलाई केलाउँदा आगामी सम्मेलनमा भवन भट्टलाई सर्बसम्मतले अध्यक्ष बनाउँदै कुमार पन्त र जमुना घलेलाई उपाध्यक्ष बनाउने बिन्दुमा सहमती हुनसक्ने देखिन्छ । सम्मेलनले नेतृत्वको छनौटसँगै लाप्राक बस्ती र एनआरएन भवन निर्माण प्रोजेक्ट समय सीमा भित्र सम्पन्न गर्ने संकल्प गर्दै सिन्डिकेट सकिएको घोषणा गर्न सकिन्छ । यो भएको खण्डमा नाकको राजनीति सँगसँगै पैसाले भोट किनबेचको खेलमा पनि बिश्राम लाग्नेछ । यसले आगामी २ बर्ष एनआरएनलाई एक ढिक्का बनाउने छ भने अर्को कार्यकालमा काम र क्षमताको आधारमा नयाँ नेतृत्व चुन्न सकिने आधार तयार गर्नेछ ।

 






शुभकामना

भर्खरै...

लोकप्रिय

रोचक खबर

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

"प्रावास मा आफनो भाषा , धर्म कला र संस्कृति को जगेर्न गर्नै " भन्ने मुल नारालाई आत्मसात गर्दै सन् ०१।०१।२०२३ का... बाँकी यता

Phursang Lama / February 18, 2024

५५ वर्षपछि दुई देशबीच श्रम समझदारी कायम

५५ वर्षपछि दुई देशबीच श्रम समझदारी कायम

  रोमानिया । नेपालीहरुको आकर्षक गन्तव्य बन्दै गएको युरोपेली मुलुक रोमनियासँग नेपालले द्विपक्षीय श्रम... बाँकी यता

Phursang Lama / October 7, 2023

 Photo Gallery

  • अमेरिकास्थित दुई तामाङ संस्थाबिच एकता हुने

  • नेपाल तामाङ घेदुङको कोन्ज्योसोम घोषणा पत्र २०७४ सार्वजनिक

  • फोनिजको अध्यक्षमा डण्ड गुरुङ निर्विरोध निर्वाचित

  • अभिनेत्री पूर्णिमा लामा तामाड – म रुन्चे कहाँ हो र ?’

  • चर्चित मोडल स्मिताका सात कामुक फोटो सार्वजनिक(फोटोफिचर)

  • लुम्बिनीमा अन्तर्राष्ट्रिय बौद्ध सम्मेलन गर्ने तयारी

  • नेपाल तामाङ घेदुङको राष्ट्रिय बिधान-सभा चैत २३ र २४ गते

  • पहिचानको मुद्दा कहाँ पुगेर अत्कियो ?

  • यस्तो छ – नमस्कार गर्नुको कारण र महत्व

  • स्वयम्भुमा १३ पटक परिक्रमा र सरसफाई कार्यक्रम सम्पन्न (फोटो सहित)

  • महिलाले ध्यान दिने पुरुषका ७ चिज

  • प्रधानमन्त्री प्रचण्डले तामाङ संस्कृति भवन बनाउन सहयोग गर्ने घोषण,कुलमान घिसिङको प्रशंसा

  • राष्ट्रिय सोनाम ल्होछारको अवसरमा तामाङ ह्वाइखा (कविता ) प्रतियोगिता हुने

  • तमु ल्होसार के हो र कसरी मनाईन्छ ?

  •  Music videos

  • नेपालले गर्यो नयाँ नक्सा सार्वजनिक

  • भारतले जबरजस्ती हटाउन लगायो नेपाल भारत सम्बन्धि बीबीसीको डकुमेण्टी

  • तामयिक लिपी र सम्भोटा लिपीमा फरक के छ ? लेख्ने तरिका सहित

  • ‘तिम्रो घरको वरिपरि’ युट्युब ट्रेन्डिङ नम्बर १ मा (भिडियो)

  • मिस तामाङ २०१८ का सहभागीहरु तामाङ भुषभुषा र डम्फुको साथमा तामाङ भाषाको गीत गाउदै

  • तीनकुनेमा आयोजित सोनाम ल्होछार कार्यक्रममा सुरक्षाकर्मीले हस्तक्षेप किन गर्यो ? भिडियो हेर्नुहोस् …

  • मिस तामाङ प्रतियोगिता २०१८ को भाग -१ , मन पर्नेलाई भोट हाली जिताऊ (भिडियो)

  • तामाङ सेलो ‘ल्होछार पर्वमा …. सुनिता पाख्रिन तामाङ

  • बालवालिका केन्द्र खोलेर बाल ब्यापार गर्ने प्रशासनको नियन्त्रणमा (जनतासंग सिधा कुरा)

  • बिज्ञापनका लागि:
     [email protected]
    लेख, रचना र समाचारका लागि:
     [email protected]
    सामाजिक संजाल तर्फ:
    सर्वाधिकार © 2012 - 2024: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution