हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

एनआरएनए भिजन २०२० : केही प्रबृतिहरु र अबका चुनौती

-रन्जु थापा वाग्ले

बिदेशमा बस्ने नेपालीहरुको साझा संस्था गैरआवासीय नेपाली संघको आठौं बिश्वसम्मेलन आउन अब केही दिनमात्र बाँकी रहँदा बिश्वभरीबाट हजारौं प्रतिनिधिहरु यतिबेला काठमाण्डौ आउने क्रममा हुनुहुन्छ ।

सामान्यतयाः विश्व सम्मेलन र अधिवेशनका लागि बेला चुनावी चटारोले गैरआवासीय नेपाली संघका मुद्दाहरु ओझेल पर्ने गरेको बिगतका अनुभवहरु छन् । तर, यो सम्मेलनमा भने चुनावी चटारोसँगै ‘एनआरएनए भिजन २०२० एण्ड बियोण्ड’ को प्रस्तावमाथि पनि बहस भइरहेको छ ।

गैरआवासीय नेपाली संघको आगामी कार्यदिशाका रुपमा संघका अध्यक्ष शेष घलेले अगाडी सार्नुभएको यो मार्गचित्रप्रति गैरआवासीय नेपालीहरु निकै उत्साहित देखिए पनि केही पक्षबाट भने यसमाथि प्रहार गर्ने काम भइरहेको छ ।

मलाई के लाग्छ भने कतिपय साथीहरुले यो कार्यदिशाको भावना बुझ्नै खोज्नुभएको छैन र सतही आलोचनामात्र गरिरहनुभएको छ । केही साथीहरुले बुझ्न खोज्दा पनि बुझ्न सकिरहनुभएको छैन् होला । जतिले बुझ्नुभएको छ, उहाँहरुले यसले प्रस्ताव गरेको प्राबधान र संरचनाहरुबारे खुलेर समर्थन गरिरहनुभएको देखिन्छ ।

पहिलो प्रबृत्ति यस्तो छ कि, उहाँहरुलाई संघको मार्गदर्शक प्रस्ताव ल्याउनु नै ठिक लागेको छैन् । यो प्रस्ताव सही छ कि गलत भन्नेतिर उहाँहरुलाई चासो हैन, मुख्य कुरा वर्तमान अध्यक्षले संस्थाका संरचना सुधारका लागि कुनै पनि प्रस्ताव ल्याउनुहुँदैन् भन्ने उहाँहरुको मान्यता देखिन्छ ।

त्यही कारण उहाँहरुले यो प्रस्ताव नाम सुनेदेखि नै बिरोध गर्नुभयो । यो प्रस्तावको कन्टेन्ट हेर्न पनि खोज्नुभएन् । न्यूजर्सी सम्मेलनमा प्रारम्भिक खाका पेश गरियो ।

त्योभन्दा पहिले नै एनआरएनए आईसीसीका साथीहरुलाई सुझावका लागि खाका पठाइयो । त्यसपछि एनसीसीहरुलाई पनि खाका पठाइयो । तर, उहाँहरुले यसमा कुनै सुझाव दिनै आबश्यक ठान्नुभएन । किनकी उहाँहरुलाई संस्था बलियो बनाउने, लक्ष्य र कार्यक्रमहरु प्रष्ट पार्ने कुराहरु मन परेकै थिएन । कन्टेन्ट राम्रो होस् कि नराम्रो, उद्देश्य जतिसुकै पवित्र होस् उहाँहरुलाई त्यसको मतलव भएन ।

एक वर्षसम्म बिरोधका लागि बिरोधमात्र गरेर बसिरहनुभयो, अनि जब सम्मेलन आउन थाल्यो आफ्ना फिडब्याक संस्थालाई नपठाई सार्वजनिकरुपमा गालीगलौजमा उत्रिनुभयो ।

कुनै नीति र कार्यक्रम नै ल्याउन पाइन्न, ल्याइयो भने जतिसुकै राम्रो भए पनि बिरोध गर्छु र गुटबन्दी गर्छु भन्नु राम्रो संस्कार हैन् । यस्तो पूर्वाग्रहले ‘नेपालीका लागि नेपाली’ को मूल लक्ष्यलाई पुरा गर्न सकिदैन ।

हामी आफै यस्तो संकीर्णता र पूर्वाग्रहबाट ग्रसित भएपछि हामीले कसरी नेपालमा पूँजी, सीप विस्तार गरेर उदाहरण बन्न सकौंला ?
संस्थालाई समायानुकुल परिवर्तन गर्नै पाइन्न भन्नु विवेकसम्मत कुरा हैन् । उहाँहरुले यति मूर्ख तर्क पनि गर्नुहुन्न जस्तो लाग्छ । यो संस्थाको आबश्यकता र भिजन २०२० को मर्मलाई बुझेर पनि बुझ पचाउनु चाहिं संस्थाका लागि निकै हानिकारक हो ।

दोस्रोथरी साथीहरुले यो प्रस्ताव के हो भनेर जान्न त खोज्नुभयो तर कार्यक्रम र संरचना निर्माणको प्रकृयामा सहभागीता जनाउनुभएन । त्यसैले उहाँहरुले प्रारम्भिक खाकाका आधारमा धारणा बनाउनुभयो र केही शंकाको नजरले हेर्नुभयो ।

प्रारम्भिक अबधारणाबाट अगाडी बढ्दै प्राप्त सुझाव सल्लाह लिएर यसलाई कार्यक्रमको लेभलमा विकाश गर्ने काम भइसक्दा साथीहरुका धेरै आशंकाहरु निवारण भएको मैले देखेकीछु ।

खासगरी साथीहरुलाई यो प्रस्तावले अध्यक्षलाई धेरै अधिकार दिन खोजेको हो कि, प्रेसिडेण्सियल काउन्सिलको अबधारणाले अन्य पदाधिकारीलाई केवल सहयोगीमा मात्र सिमित गर्न खोजेको हो कि भन्ने आशंका गर्नुभएको थियो । तर, वास्तविकता त्योभन्दा ठिक बिपरित थियो ।

हालै अध्यक्ष घलेले दिनुभएको एक अन्तर्वार्तामा अध्यक्षका अधिकार बढाउने नभई घटाउने प्रस्ताव गरिएको बताउनुभएको छ । सम्पूर्ण संस्था अध्यक्षमाथि एकल निर्भर रहेको अबस्थामा उपाध्यक्ष, पदाधिकारी र सचिवालयलाई निश्चित अधिकार बाँड्ने प्रस्ताव भिजन २०२० मा ल्याइएको उहाँले जानकारी दिनुभएको छ ।

प्रेसिडेण्सियल काउन्सिलका बिषयमा पनि धेरै साथीहरुलाई मनकै बाघले खाएको रहेछ भन्ने अध्यक्षको अन्तरवार्ताबाट प्रष्ट देखिन्छ । समग्रमा यो प्रस्तावले अधिकारमात्र हैन, धेरै पदाधिकारीमा जिम्मेवारी पनि बाँडने प्रस्ताव गरेको हो, जुन संस्थाका लागि निकै स्वागतयोग्य बिषय हो ।

सँगसँगै हाम्रो सचिवालयलाई बलियो बनाउने, बिभिन्न बिभागमा काम गर्नका लागि डेडिकेटेड स्टाफहरुको ब्यबस्था गर्ने, परोपकारी कामलाई प्राथमिकतामा राख्ने लगायतका बिषयलाई हामी एनआरएनहरुले कसरी नराम्रो भन्न मिल्छ ? संस्था बलियो हुनु, संस्थाको इज्जत बढ्नु त हामी संसारभरका एनआरएनहरुको इज्जत बढ्नु हैन र ?
एनआरएनभित्रका बहुसंख्यक साथीहरुले चाहिँ संस्थालाई बलियो, आत्मनिर्भर र लक्ष्यमुखी बनाउने यो प्रस्तावलाई सुरुदेखि नै मुक्तकण्ठले प्रसंसा गर्दै यो प्रस्तावको पक्षमा समर्थन जनाउँदै आउनुभएको थियो । संस्थाको आग्रहअनुसार उहाँहरुले केही रचनात्मक सुझावहरु दिनुभयो, बहस र छलफलमा सहभागी हुनुभयो र यो प्रस्तावलाई अझै सम्बृद्ध बनाउने काममा उहाँहरुको महत्वपूर्ण भूमिका रह्यो ।

यी तीन प्रबृत्तिमध्ये पछिल्ला दुई खाले गैरआवासीय नेपाली साथीहरुले भिजन २०२० को उदेश्य, लक्ष्य र कार्यक्रम बुझिसक्नुभएको छ । एनआरएनको संस्थागत विकाशका लागि कुनै प्रस्ताव ल्याउन पाइन्न भन्ने निषेधकारी अबधारणा राख्ने सानो समूहबाहेक अब कसैले पनि यो प्रस्तावको कन्टेन्ट र उदेश्यलाई गलत सावित गर्न सक्दैन् ।

वास्तवमा हामीले वर्तमान अध्यक्ष शेष घलेलाई हृदयदेखि नै धन्यबाद दिनुपर्छ कि संस्थालाई चार बर्षसम्म नेतृत्व प्रदान गरेर संस्थालाई विश्वासयोग्य बनाउने काम उहाँले गर्नुभयो ।

एनआरएनलाई यो उचाईमा पुर्‍याउन उहाँले पूर्णकालिन प्रमुख कार्यकारीका रुपमा संस्थामा झण्डै ४८ महिना सेवा गर्नुभयो ।
सँगसँगै आफुले गरेका सुधार कामको निरन्तरता र आगामी दिनमा यो संस्थालाई कस्तो बनाउने भन्ने प्रष्ट मार्गदर्शनसहितको खाका हामी नयाँ पुस्तालाई छाडेर जाँदै हुनुहुन्छ । यसको अर्थ उहाँको मार्गचित्र अनुसार हिड्ने हो भने हामी आगामी दुई तीन कार्यकालमा यो संस्थालाई बिश्वकै उदाहरणीय सामाजिक संस्थाका रुपमा रुपान्तरण गर्न पक्कै सफल हुने छौं ।

हामी गैरआवासीय नेपालीहरुका लागि यो उहाँले दिएको अमूल्य उपहार हो र यसलाई ग्रहण गरेर हामीले संस्थालाई बलियो र भरोसायोग्य बनाउनुको विकल्प छैन् । आगामी विश्वसम्मेलनमा यो प्रस्तावलाई एक मतले पारित गरेर यसको कार्यन्वयन सुरु गर्नु नै हामी सवै गैरआवासीय नेपालीहरुको हितमा हुनेछ ।
यदि हामीले हाम्रा निहीत स्वार्थ र इगोका आधारमा यति सुन्दर प्रस्तावलाई लत्यायौं भने यसका प्रस्तावकलाई त केही फरक पर्दैन तर हामी गैरआवासीय नेपालीहरुका लागि भने खराव दिनको सुरुवात हुने छ ।

किनकी एउटा सानो समूहलाई संस्था दर्ता गरेको, संस्थागत संरचना सुधार गर्दै आफ्नै केन्द्रीय कार्यालय भवन निर्माण गरेको, संस्थालाई स्रोतसाधन सम्पन्न बनाएको, नेपाल सरकारसँग सहकार्य गरेर वास्तविक काम गरेको, भूकम्प, नाकाबन्दी र बाढीका बेला नेपाललाई आपतकालिन सहयोग गरेको केही पनि मन परेको छैन् ।

यो भिजनलाई अस्वीकार गर्नुको अर्थ हामी एनआरएनलाई भर्चुअल क्लव बनाउने दिशामा जाने हो । त्यसो गर्दा सानो समूहको स्वार्थ पुरा भए पनि लाखौं गैरआवासीय नेपालीको इज्जतमा धक्का लाग्ने छ ।

गैरआवासीय नेपाली संघमा रहेर यो संस्थामा आबद्ध हजारौं सदस्यहरुसँग संगत गरिरहँदा मलाई के बिश्वास छ भने, उहाँहरुलाई यो संस्थाको निकै माया छ र यसको भलाईका लागि नै उहाँहरुले आफ्नो म्याण्डेट दिनुहुनेछ ।

एनआरएनए आईसीसी पदाधिकारीका रुपमा चार बर्ष काम गर्दा मैले गरेको अनुभव के हो भने अब हामीले यो संस्थालाई नियम कानुन र संरचनामा बाँध्न सकेनौं भने अराजकतातिर जान्छ । हाम्रो संरचना ठूलो भइसक्यो, सदस्य संख्या नै ६० हजार नाघिसक्यो । हामीले गर्ने कामको क्षेत्र निकै बढ्यो । यस्तो बेलामा पुरानै संरचनाले संस्था चलाउँदा दुर्घटना हुन्छ ।

त्यसैले यो प्रस्तावलाई कसले ल्यायो भन्ने कुरा नहेरी यसको कन्टेन्ट हेरेर, संस्थाको आबश्यकता हेरेर आगामी महाधिवेशनले निर्णय गर्ने छ भन्ने मैले बिश्वास लिएकी छु ।

–लेखक गैरआवासीय नेपाली संघ, अन्तराष्ट्रिय समन्वय परिषद्की प्रवक्ता हुन् ।






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution