हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

भारत–पाकिस्तान विवाद :‘आक्रमण गरे कडा प्रतिरोध’

पाकिस्तानले भारतले आफ्ना परमाणु केन्द्रमाथि हमला गरे त्यसको कडा प्रतिकार गर्ने चेतावनी दिएको छ । विदेशमन्त्री ख्वाजा मोहम्मद आसिफले वासिङ्टनको तीनदिने भ्रमणका क्रममा भारतले ‘सर्जिकल स्ट्राइक’ अर्थात् परमाणु केन्द्रित आक्रमण गरे पाकिस्तानले धैर्यता नराख्ने धम्की दिएका हुन् । ‘यदि कुनै आक्रमण भयो भने हामीबाट कसैले धैर्यताको अपेक्षा नगरे हुन्छ ।’ पाकिस्तानी सरकारको प्रवक्ता भएको स्पष्ट पार्दै उनले भने, ‘यो नै मैले प्रयोग गर्न सक्ने उच्च कूटनीतिक भाषा हो ।’

भारतीय वायुसेना प्रमुख वीरेन्द्रसिंह धनोआले भारतसँग पाकिस्तानी परमाणु केन्द्र पहिचान गरी ध्वस्त पार्ने क्षमता रहेको बताएपछि आसिफको प्रतिक्रिया आएको हो । भ्रमणका क्रममा विदेशमन्त्री ख्वाजाले अमेरिकी समकक्षी रेक्स टिलर्सन र राष्ट्रिय सुरक्षा सल्लाहकार एचआर म्याकमास्टरसँग पनि भेटवार्ता गरेका छन् ।

विदेशमन्त्री आसिफले पाकिस्तानले पछिल्ला दिनमा केही परमाणु हतियार निर्माण गरेको जनाए । भारतसँगको सम्बन्धबारे उनले भने, ‘वर्तमान अवस्थामा पाकिस्तानले सम्बन्ध सुधारका लागि भारतको तर्फबाट कुनै पनि सकारात्मक पहल भएको छैन ।’ उनले सम्बन्ध सुधारका लागि पाकिस्तानी पूर्वप्रधानमन्त्री नवाज सरिफले भारतको भ्रमण गरेको जनाउँदै भारतले निरन्तरता नदिएको आरोप लगाए । उनले विगत दुई वर्षयता पाकिस्तानले आतंककारी समूहलाई ध्वस्त पारेको दाबी गरे । उनले अमेरिकासँग मिलेर पाकिस्तानले आतंकवादविरुद्धको लडाइँ अझ क्रियाशील पार्ने इच्छा व्यक्त गरे ।

आसिफले अक्टोबर २ मा पाकिस्तानी टेलिभिजन अन्तरवार्तामा भारतीय प्रधानमन्त्री नरेन्द्र मोदीलाई आतंककारीको संज्ञा दिएका थिए । उनले भारतीय विदेशमन्त्री सुषमा स्वराजले पाकिस्तानलाई आतंकवादलाई प्रश्रय दिएको आरोप लगाउने गरेको उल्लेख गर्दै उनकै प्रधानमन्त्री आतंकवादी भएको बताएका थिए । भ्रमण पाकिस्तान र अमेरिकाबीच पछिल्लो समयमा देखिएको तनावपूर्ण सम्बन्ध अन्त्य गर्न केन्द्रित रहेको सञ्चारमाध्यमले जनाएका छन् । गत अगस्टमा दक्षिण एसियासम्बन्धी नीतिबारे बोल्दै राष्ट्रपति डोनाल्ड ट्रम्पले ‘आतंकवादीलाई पाकिस्तानले आश्रय दिन रोक्नुुपर्ने’ बताएका थिए । उनले त्यस विषयमा अमेरिका ‘चुप लागेर बस्न नसक्ने’ चेतावनीसमेत दिएका थिए । ट्रम्पको अभिव्यक्तिपछि दुई भारतले पाकिस्तानलाई आतंकवादलाई संरक्षण दिएको आरोप लगाएको थियो ।

गत सेप्टेम्बर पहिलो साता न्युयोर्कमा भएको राष्ट्रसंघीय महासभामा बोल्दै भारतीय विदेशमन्त्री सुषमा स्वराजले पाकिस्तान ‘आतंकवादको जननी’ भएको बताएकी थिइन् । भारतले पाकिस्तानी प्रधानमन्त्री साहिद खकान अब्बासीको राष्ट्रसंघीय महासभामाको सम्बोधनको आपत्ति जनाउँदै टेररिस्तान’ को संज्ञा दिएको थियो । अब्बासीले भारत प्रशासित कश्मीरमा भारतीय फौजले सर्वसाधारणलाई मारेको र पाकिस्तानका चरमपन्थी समूहलाई भारतले सहयोग गरेको बताएका थिए । पछिल्लो समय दुई परमाणु शक्ति सम्पन्न राष्ट्रबीच सीमापार आतंकवाद र कश्मीर विवादका कारण सम्बन्ध झनै बिग्रिएको छ । अधिकारीका अनुसार दुई देशबीचको सम्बन्ध हालसम्मकै जटिल बनेको छ । सन् १९४७ मा बेलायतबाट स्वतन्त्रतासँगैको विभाजनपछि भारत र पाकिस्तानले तीनवटा सीमा युद्ध लडिसकेका छन् ।

अमेरिका–पाकिस्तान सम्बन्ध ‘गम्भीर संकटमा’

पाकिस्तानी विदेशमन्त्रीको तीनदिने अमेरिका भ्रमणले दुई देशबीचको सम्बन्धमा ‘गम्भीर संकट’ उत्पन्न भएको विज्ञहरूले जनाएका छन् । अमेरिका–पाकिस्तान सम्बन्धका जानकार तथा अमेरिकी शान्ति संस्थाका वरिष्ठ विज्ञ मोइद युसुफले विदेशमन्त्रीको पछिल्लो भ्रमणले ‘गहिरो अविश्वास’ उत्पन्न भएको जनाए । उनले भने, ‘अमेरिका पाकिस्तानको आतंकवादसम्बन्धी प्रतिबद्धताभन्दा पनि कार्यको प्रतीक्षा गरिरहेको छ ।’ उनले पाकिस्तानको अफगान नीतिले पनि अमेरिका तथा पाकिस्तानसँगको सम्बन्ध भर पर्ने जनाए ।

 

 

बीबीसी






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution