तेलअविव – नेपाल तामाङ घेदुङ इजरायलले संस्थाको तेश्रो वार्षिकोत्सव र सोनाम ल्होछार २०१८ कार्यक्रमको लागि मिति तय गरेको छ |

संस्थाको तेश्रो वार्षिकोत्सव कार्यक्रम आउँदो १७ नोभेम्बर २०१७ (शुक्रबार) र तामाङ समुदायको धार्मिक तथा सांस्कृतिक महान पर्व सोनाम ल्होछार २८५४ नागी ल्हो (कुकुर वर्ग) को पावन अवसरमा साँस्कृतिक कार्यक्रम आगामी १९ जनवरी २०१८ (शुक्रबार) का दिन आयोजन गरी भव्यताको साथ तेलअविवमा मनाउने भएको छ |

घेदुङ इजरायलका अध्यक्ष माया तामाङ (दिप्मा) को अध्यक्षतामा १ अक्टोबर २०१७ (आइतबार) बसेको अनलाइन बैठक द्वारा दुवै कार्यक्रमको मितिबारे निर्णय गरेको हो | कार्यक्रम स्थल भने यथासिघ्र तय गरी सार्वजनिक गर्ने भएको छ |

इजरायलमा रहनु भएका सम्पूर्ण तामाङ नानाभुरिंङ र ज्योज्यो आलेहरुलाई एकै थलोमा साझा रुपमा ल्होछार कार्यक्रम मनाउन घेदुङले सबैलाई आव्हान र निमन्त्रणा गर्ने बैठकले निर्णय गरेको छ |

बैठकमा घेदुङ इजरायलका संरक्षक बी बी लामा तामाङ , प्रमुख सल्लाहकार कल्पना मोक्तान तामाङ,सल्लाहकार मिश्री योन्जन तामाङ,अन्तराष्ट्रिय तामाङ परिषदको केन्द्रिय सदस्य (इजरायल प्रतिनिधि) सुन्दर सिंह लामा तामाङ,धार्मिक विभाग प्रमुख लामा थुप्तेन योन्जन तामाङ,अनुशासन विभाग प्रमुख उर्मिला लामा पाख्रिन तामाङ लगायत घेदुङ इजरायलका पदाधिकारीहरुको अनलाइन उपस्थित रहेको थियो |

घेदुङको अनलाइन बैठक महासचिव गोमा ख्युङबा तामाङ र उपमहासचिव अनिला मोक्तान तामाङले पालैपालो संचालन गरेका थिए |