गैरआवासीय नेपाली संघ अमेरिका क्यालिफोर्निया च्यापटरको अध्यक्ष  राम बाबु पाण्डेको अध्यक्षतामा बसेको कन्फरेन्स कल बैठकले १ डलर अभियान संचालन गर्ने निर्णय गरेको क्यालिफोर्निया च्यापटरका सचिब रोशन अधिकारीले तामाङअनलाइनलाई जानकारी दिनु भएको  छ ।

बैठकले नेपालीहरुको दु:खमा सहयोग गर्नको लागि आकस्मिक कोष खडा गर्दै कार्यसमितिका पदाधिकारीहरुबाट शुरुमा $२५० र प्रत्येक महिना $१० जम्मा गर्ने निर्णय  गरेका छन् |

सचिब अधिकारीका अनुसार  गैरआवासीय नेपाली संघ (NRNA)को $१५ डलर तिरेर किन मेम्बेर बन्ने एसले हामीलाई के गर्छ भन्ने प्रश्नको उतरको लागि यो कामको शुरुबात गरेको कुरा बताउनु भयो । १ डलर अभियान संचालन गर्नको लागि क्यालिफोर्नियामा भएको सबै संघसंस्थाहरुसंग सहकार्य गरी गदै बढ्ने निर्णय समेत गरेका छन् |   एनआरएन विभिन्न कार्यक्रममा पुगी आफुलाई बस्ने मंच र भाषण गर्ने  ठाउँ मात्रा  नबनाएर हरेक कार्यक्रममा हेल्पडेस्क राखी उपस्थितीत महानुभाबहरुको नाम ,ठेगाना ,फोन नं ,इमेल आईडी संकलन गर्नुको साथै उनीहरुबाट $ १ डलर संकलन गरी क्यालिफोर्नियामा बस्ने नेपाली हरुको डाटा संकलनको साथै आकस्मिक  फण्डलाई वृद्धि गर्ने लक्ष्य राखेका छन् |