अष्ट्रेलियाको संसद भवनबाट नेपालीलाई टिका थाप्न निमन्त्रणा
नेपालीहरुको पर्व वडादशैं यसबर्ष अष्ट्रेलियास्थित संसदन भवनमा मनाइने भएको छ । नेपालीहरुको मुख्य पर्व दशैं मनाउनका लागि अष्ट्रेलियास्थित संसद भवनबाट नेपालीहरुलाई निमन्त्रणा पठाइएको छ ।
नेपालीहरुको जनसंख्या बढेसँगै नेपालीहरुले आफ्नो अलग स्थान बनाउँदै गएका छन् । यसवर्ष भने दक्षिण अष्ट्रेलियाको संसद भवनमा नै नेपालीहरुले दशैंको टीका लगाउने अवसर पाउने भएका हुन् ।
लेजिस्लेटिभ काउन्सिलका अध्यक्ष डाना वाट्लीले यहाँ रहेका नेपालीहरुलाई दशैं मनाउनका लागि सार्वजनिक निमन्त्रणा गरेका हुन् । उनले नेपालीहरुको महान पर्व दर्शैंको टीका संसद भवनमा आयोजना गरिएको कार्यक्रममा थाप्न नेपालीहरुलाई आग्रह गरेका छन् ।
यो हाम्रो लागि महत्वपुर्ण अवसर मात्र नभएर नेपाली कला तथा संस्कृतीलाई विदेशमा विस्तार गर्ने सुमधुर अवसर समेत हो’, एनआरएन अष्ट्रेलियाका उपाध्यक्ष अशोक केसीले कान्तिपुरसँग भने । उनले नेपालीको जनसंख्या बढेसँगै यहाँका राजनीतिज्ञहरुले समेत नेपालीहरुलाई महत्व दिदै गएको उनले सुनाए । दक्षिण अष्ट्रेलियामा पहिलोपटक संसदीय समितीका अध्यक्षबाट नेपालीको पर्वका लागि निमन्त्रणा आएको पहिलोपटक भएको उनले सुनाए ।
दक्षिण अष्ट्रेलियामा रहेका नेपालीहरुलाई यहाँका संसदीय समितीका अध्यक्ष डाना वाट्लीले नेपालीहरुलाई निमन्त्रणा पठाउँदै नेपालीहरुको महान पर्व वडादशैं मनाउन र उक्त पर्वको आशिर्वाद लिनका लागि आग्रह गरेका छन् ।
यहााका नेपालीहरु समेत अष्ट्रेलियाको संसद भवनमाबाट निमन्त्रणा आउनु गर्व र खुशीको कुरा भएको बताउँछन् । अन्तराष्ट्रिय कलाकार समाज (इनास) का महासचिव मिलन दहालले नेपालीहरुलाई यहाँको संसद भवनबाट यो किसिमको प्राथमिकता दिनु महत्वपुर्ण मात्र नभई गर्वको बिषय भएको सुनाए ।
नेपालीहरु सानो संख्यामा भएपनि यहाँका राजनीतीज्ञहरुले जुन प्राथमिकता दिएका छन् त्यसले नेपाली कला संस्कृती मात्र नभएर नेपालीहरुको अष्ट्रेलियामा योगदानको समेत उच्च कदर गरिएको उनले दाबी गरे ।@ekantipur
