मलेसिया –  तामाङ बौद्ध महासंघ मलेसियाको पहलमा सिर्जना तामाङ बचाऊ अभियान्तहरुद्वारा संकलित रकम ६७ हजार ४ सय ०४ रुपैयाँ वितरण गरेको छ ।

तामाङ बौद्ध महासंघ केन्द्रिय समितिका कार्यबाहक अध्यक्ष धर्मगुरु आचार्य सर्वजित गोङ्बा तामाङ ,सचिब टेक राज मोक्तान तामाङ  महासंघ सदस्य  कुमार थोकर तामाङ लगायतको सहभागितामा सिर्जना तामाङलाई अस्पतालमा पुगी हस्तान्तरण गरिएको हो । यस पुण्य कार्यको उच्च मुल्यांकन गर्दै सहयोगी दाताहरु सम्पूर्णलाई तामाङ बौद्ध महासंघ केन्द्रीय समितिको तर्फबाट हार्दिक आभार एवं धन्यवाद प्रकट गर्दै बिरामीको शिघ्र स्वास्थ्य लाभको कामना समेत गरिएको तामाङ बौद्ध संघ मलेसियाका महासचिव सोनम नोर्बु तामाङले जानकारी दिएको छ ।

भक्तपुर चाङगुनारायण-५, निवासी सृजना तामाङ आन्द्रा र पाठेघर क्यान्सर रोग लागि गत बर्ष देखि भक्तपुर क्यान्सर अस्पातलमा उपचाररत छिन् । डेढवर्ष पहिला क्यान्सरको शल्यक्रिया गरेकी सिर्जना वि.स २०७० सालमा बैदेशिक रोजगारीका लागि मलेसिया पुगेकी थिइन् ।

२ वर्षपछि  ठूलो आन्द्रामा क्यान्सर हुँदा मलेसियामै शल्यक्रिया पछि थप उपचारका लागि साथीहरूको सहयोगमा नेपाल फर्केकी  थिईन् |