आदिवासी लिम्बू र दसैं” विषयक अन्तरकृया कार्यक्रम सम्पन्न
२०७४ असोज ८
धरान – लिम्बुवान स्टडी सेण्टरले चुम्लुङहिमको केन्द्रीय सम्पर्क सचिवालयमा”आदिवासी लिम्बू र दसैं ” विषयक अन्तरकृया कार्यक्रम सम्पन्न गरेको छ । नरप्रसाद लुम्फुङवाको अध्यक्षतामा भगत हुक्पा चोङवाङको मोडरेर्टरमा सम्पन्न कार्यक्रममा प्रस्तोताहरु भरत तुङघङ र कमल तिगेला रहेका थिए ।
१. “रणबहादुर शाहको पालामा गोवध नगर्नु गोवध गरे शासना होला आफ्नो खातीरजमासित जग्गा भोग्य गर । इति सम्बत १८४३ साल फाल्गुण सुदी ८ रोज शुभम् ” भन्ने लालमोहरले आदिवासी लिम्बूहरुलाई १८४३ बाट गाई गोरु काट्न र खान प्रतिवन्ध लगाएको रहेछ ।
२. “आगे अरुण पूर्व मेची पश्चिम भर लिम्बूवानका सुब्बा गैह्र जुन १८४३ सालदेखि ६१ सालसम्म दशैंमा सुब्बाहरूलाई राँगा काटनमा टंटा लागेको थिएन ६२ सालमा हेम कर्ण थापा सुब्बा भै आउँदा तिमीहरूले राँगा काट्न पर्छ भनी टंटा लाउँदा” भन्ने लालमोहरले १८४३ बाट लिम्बूहरुमा दशैं लादिएको रहेछ । अझै १८६२ सालमा हेमकर्ण थापाले दसैंमा राँगा काट्न लिम्बूहरुलाई वाध्य पारेका रहेछन भन्ने पुष्टि हुन्छ ।
३. “किपटभित्रको ठेकी ४ दाम असार दशैँ ठेगमा दरियाको बमोजिमको दस्तूर पनि नयाँ पुराना सुब्बाले बराबर गरी बाँडी खानू” भन्ने वाक्यले सुब्बालाई लिम्बू समुदायमा दसै लागू गराउन दसैंया ठेगको व्यवस्था पनि गरेका रहेछन भन्ने पनि प्रष्ट छ ।
४. दसैं लिम्बूको चाड होइन चासोक मुख्य चाड हो भनेर २०४९ सालमै दस लिम्बुवान १७ थुमका तुम्याङहाङहरुको धरानको सैनिक भवनको चुम्लुङले निर्णय गरिसकेको पनि प्रष्ट नै छ ।
५. अब रहयो दसै मान्ने कि नमान्ने भन्ने यहाँको स्वतन्त्र विचार ।
साभार: Aawaj Limbu Lekwa को फेसबुकबाट