चलचित्र हिरोज लिएर अभिनेत्री पुर्णीमा लामा तामाङ अष्ट्रेलिया
काठमाडौं – चलचित्र ‘हिरोज’ स्वदेश भन्दा पहिले अष्ट्रेलियाको बिभिन्न शहरमा प्रदर्शन हुने भएको छ । अष्ट्रेलिया प्रदर्शनका लागि नायिका तथा निर्माता पुर्णीमा लामा चलचित्र लिएर बिहिबार अष्ट्रेलिया गएकी छिन् ।
अष्ट्रेलियाको बिभिन्न शहरमा चलचित्रको ६ सो भन्दा प्रदर्शन ब्यवस्था मिलेको पुर्णीमाले बताइन् । अष्ट्रेलिया पछि युरोपको केही शहरमा चलचित्र प्रदर्शन हुने बताउने उनी अष्ट्रेलिया पछि युरोप यात्रा गर्ने छिन् । युरोपको पनि केही शहरमा चलचित्र प्रदर्शन पछि आफु स्वदेश फर्किने उनले सुनाइन् ।
‘हिरोज’को स्वदेश प्रदर्शन भने अहिलेतय गरिएको छैन । एनबी महर्जनको निर्देशन रहेको चलचित्रमा पूर्णिमा र संजोग राणा, मुकेश ढकाल, करिश्मा मानन्धर, जय किशन बस्नेत, दिल कृष्ण श्रेष्ठलगायतको अभिनय रहेको छ ।
चलचित्रको केही पहिले ‘पग्लु–पग्लु’ बोलको गीत समेत सार्वजनिक गरिएको थियो । बलिउड फ्लेबर निर्माण गरिएको गीत दर्शकको मन जित्न सफल देखिएको छ । चलचित्रमा अभिनेत्री पुर्णिमाको निक्कै बोल्ड लुक्स पनि देख्न पाइन्छ ।युवराज लामा, द पाल्म ग्रुप र संजोग राणा चलचित्रका निर्माता रहेका छन् ।
