हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

८८ किलो सुनका मालिक भगाउन नेताको सक्रियता !

काठमाडौं । गएको साता काठमाडौंको क्षेत्रपाटीबाट बरामद भएको ८८ किलो अवैध सुनका मालिक भनिएका काठमाडौं वान होटलका सञ्चालक चिनियाँ नागरिक वान विई मिङ नेपालबाट हुने डलर तस्करीका पनि मुख्य नाइके भएको खुलेको छ । प्रहरी उच्च स्रोतका अनुसार सुन समातिएपछि फरार मिङले होटल काठमाडौं वानलाई देखावटी व्यापार बनाएर भित्री रुपमा नेपालबाट डलर चीन सप्लाइ गर्ने र उताबाट भन्सार छलीको सुन काठमाडौं भित्र्याउने गरेको प्रहरी आशंका छ ।

ठमेल क्षेत्रमा अवैध रुपमा संकलन हुने अमेरिकी डलर उनै मिङको हातमा पुग्ने र उनले नै चीन सप्लाइ गर्ने गरेको स्रोतले बाह्रखरीलाई जानकारी दियो ।

स्रोत भन्छ, “वानको डबल रोल छ, भन्सार छलीको सुन काठमाडौं ल्याउने र काठमाडौंमा संकलन भएका अवैध डलर चीन कटाउने । उनले यो धन्दा लामो समयदेखि गर्दै आएका थिए ।” ज्याठामा रहेको होटल बेइजिङ पनि वान र याङ वेन चिङले आफैं सञ्चालन गर्दै आएका थिए । होटल बेइजिङ अवैध डलर संकलनको अखडा भएको सुइँको पाएपछि पटक¬–पटक प्रहरीले उक्त होटलमा निगरानी बढाउँदै आएको थियो । त्यसपछि वान र चिङले दुई होटल बेचेर काठमाडौं वान नामक होटल खोलेका हुन् ।

स्रोतका अनुसार प्रधानमन्त्री माधवकुमार नेपालका पालामा प्रहरीले होटलमा छापा मार्न खोज्दा प्रहरीमाथि नै आक्रमण प्रयास भएको थियो । ‘माथीको आदेश’ पछि प्रहरी त्यतिबेला वान दम्पतिलाई कारबाही नगरी निस्केको थियो । उक्त होटल अवैध डलर जम्मा हुने केन्द्र र भन्सार छलीको सुन, तथा रक्तचन्दन कारोबारको केन्द्र नै बनेको प्रहरी प्रशासनलाई थाहा भएपछि उनीहरुले अर्को होटल खोलेको जानकार स्रोतले बतायो ।

वानको नेपालका उच्च सरकारी अधिकारी तथा दलका नेताहरुसँग राम्रो सम्बन्ध रहेको प्रहरी आशंका छ । नेपालस्थित चिनियाँ दूतावाससँग राम्रो सम्बन्ध भएका कारण नेपालका केही उच्च अधिकारीको उनीसँग नियमित भेटघाट हुने गरेको स्रोतको दाबी छ ।

८८ किलो सुन प्रकरणपछि वान पक्राउ परे अन्य सबै पोल खुल्ने डरले उनलाई नेपालबाट भगाउन केही प्रभावशाली नेताहरु नै लागेको स्रोत दाबी गर्छ ।

वानले नै बनाएका थिए लुम्बिनीमा गुम्बा

लुम्बिनीमा चीनले निर्माण गरेको गुम्बाको मुख्य जिम्मेवारी पनि वान विई मिङले पाएका थिए । स्रोतका अनुसार उनी चीनका पूर्व सरकारी कर्मचारी हुन् । त्यसकारण चीनले लुम्बिनीमा निर्माण गरेको गुम्बाको सम्पूर्ण जिम्मेवारी उनैले पाएका थिए । त्यसबेला उनी भारतीय खुफिया एजेन्सी रअको निगरानीमा रहेको बताइएको छ ।

 

वानजस्ता १० तस्कर छन् ठमेलमा
स्रोतका अनुसार वान विई मिङजस्ता १० भन्दा बढी तस्कर ठमेल क्षेत्रमा बस्छन् । उताबाट ल्याएको सुन भारतीय बजारमा पुर्याउने तथा ठमेल क्षेत्रमा जम्मा भएको अवैध विदेशी मुद्रा मिङको हातमा पुर्याउनेहरु व्यापारीको आवरणमा ठमेलमा रहेको स्रोतले जानकारी दियो ।

ठमेल क्षेत्रमा रहेका मनी एक्सचेन्ज र केही ट्राभल एजेन्सीले जम्मा पारेको डलरको अन्तिम गन्तव्य वानको होटल नै रहेको बताइएको छ । जानकार स्रोतका अनुसार उनीसँग माओवादी केन्द्रका केही उच्च नेताहरुको पनि बाक्लो उठबस छ । अनुसन्धानकै क्रममा रहेकाले अहिले नै धेरै कुरा खोल्न नमिल्ने प्रहरी स्रोत बताउँछ ।@barhahari






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution