हरियाणाको पंचकुलामा सीबीआई अदालतको फैसलाबाट बलात्कारी ठहरिएपछि गुरमीत राम रहीमका भक्तहरु बाबाबाट टाढिन थालेका छन्। तर अदालतको सो फैसलापछि पनि राम रहीमकी कथित छोरी हनीप्रीत इंसान भने बाबासँगै देखिएकी छन्।

संचारमाध्यमका अनुसार हनीप्रीत इंसानलाई गुरमीत राम रहीमसँग सरकारी हेलिकप्टरमा देखिएको थियो। हरियाणाका डिजीपी बीएस संधुले पत्रकार सम्मेलनमा हनीप्रीत बाबासँग हेलिकप्टरमा भएको विषयलाई अस्विकार गरेका थिए। समाजिक संजालमा राम रहीम सिंहकी कथित छोरीको प्रभुत्वलाई लिएर निकै चर्चा भइरहेको छ।

गृह मन्त्रालयको वेबसाइटमा उल्लेख भए अनुार २०१७ मा हनीप्रीत समेत बाबाका अधिकांश भक्तले गृह मन्त्रालयलाई बाबा गुरमीत राम रहीम सिंहलाई पद्म अवार्डबाट सम्मानित गर्न सिफारिस गरेका थिए। यद्यपी सरकारले सो प्रस्तावलाई अस्वीकार गरेको थियो।

हनीप्रीत इंसान आफ्नो वेबसाइटमा राम रहीमकै जस्तै गरी डेराको शरणमा आउनेहरुको हरसंभव सहयोग गरेको दाबी गर्छिन्। वेबसाइटका अनुसार हनीप्रीत इंसान मानिसलाई सहयो गर्न मेट्रो सहरदेखि जंगलसम्म जान पनि पछि पर्दिनन्।

हनीप्रीत इंसानको अधिकारिक वेबसाइटका अनुसार हनीप्रीतले कुनै पनि प्रकारको तालिक लिएकी छैनन्। तर उनी व्यवासायिक अभिनेताकै जस्तो अभियन गर्न सक्षम छिन्। र यो सबै गुरमीत राम रहीमकै कारण भएको उल्लेख छ।

हनीप्रीत इंसानको डेरा सच्चा सौदामा आउने भक्तहरुलाई युवाको संगठनमा ल्याउने काम गरिन्छ। फेसबुकमा करिव पाँच लाखले उनलाई फलो गरेका छन्।

हनीप्रीत इंसानका श्रीमान विश्वास गुप्ताले डेरा प्रमुख गुरमीत राम रहीममाथि आफ्नी श्रीमतीलाई आफूबाट टाढा लगेको आरोप लगाएका थिए। त्यसपछि हनीप्रीत सिंहले विश्वास गुप्तामाथि दाइजो उत्पीडनको मुद्दा दर्ता गराएकी थिइन्। त्यसपछि हनीप्रीत डेरा मुख्यालयमा नै बस्ने गर्छिन।@बीबीसी।