हेडलाईन

तामाङ समाज क्यानाडाको तेश्रो अधिवेशन सम्पन्न         तामाङ सोसाईटी अफ सिड्नीको अध्यक्षमा विशाल तामाङ चयन         नेफिन इजरायलको अध्यक्षमा कुमार आङ्देम्बे चयन         ग्याल्थुमकी मृगौला पिडितलाई वडाअध्यक्ष द्वारा सकलित रकम हस्तान्तरण         नेफिन इजरायलको ११ औ वार्षिकोत्सव तथा साधारण सभा हुदै         रोमानियामा पहिलो पटक बुद्ध जयन्तीको पावन अवसरमा शान्तिपुर्न -याली सुसम्पन्न ।         क्यानाडाको मिस्सीसागामा २५६७ औं बुद्ध जयन्ती समारोह सम्पन्न         नेवा: खल: इजरायलले साधारण सभा तथा फोटो प्रतियोगिताको आयोजन गर्दै         नेपाल तामाङ घेदुङ रोमानियाको पहिलो अधिवेशन भव्यताका साथ सम्पन्न         रोमानियामा निधन भएका तामाङको शब नेपाल पुग्यो         मृगौला पिडितलाई आर्थिक सहयोग         तामाङ सोसाइटी अफ अमेरिकाको अध्यक्षमा बुद्धिमान तामाङ निर्वाचित         प्रतिभाशाली तामाङ संचारकर्मी दीपेन्द्र दोङ तामाङको निधन         प्रदेश नम्बर १ को पुन:नामाकरण आन्दोलनका घाइते लिम्बुको मृत्यु ,शहिद घोषणा गर्न माग         क्यानाडामा छक्का पन्जा-४ पहिलो दिन हाउसफूलको साथ् प्रदर्शन        

नयाँ शक्तिका विद्रोही नेताको खुल्ला पत्र

कौरवहरुलाई अभिवादन !

केही दिन पहिले एउटा अनलाइनमा १५ भाइको रोचक अन्तर्सङ्घर्ष भन्ने लेख पढ्न पाएँ । डम्बरजीप्रति व्यक्तिगत रुपमा मेरो केही भन्नु छैन र रोचक अन्तर्सङ्र्घष भनेर विचारको अन्तर्सङ्र्घष व्यङ्ग्य गर्ने र भ्रमित कुरा लेख्ने प्रयत्नप्रति गम्भीर ध्यानाकर्षण भएको छ । हामी लामो अन्तर्सङ्घर्षको इतिहासबाट आएका मानिस हौँ । नेपाली उखान छ ‘बाहुनले च्याउ खाओस् न त्यसको भेउ पाओस्’ भनेझैँ विचरा क्याम्पसको एकाउन्टेन्ट भएर बस्नुभएको हुनाले वैचारिक सङ्घर्ष रोचक लाग्नु स्वभाविक हो । हामी एकता, सङ्घर्ष, रुपान्तरण र नयाँ आधारमा नयाँ एकता चाहान्थ्यौँ । हामी अन्तर्सङ्घर्षको विधि, एकता, सङ्घर्ष र निषेधको राजनीति गरेका छैनौँ र गर्ने पनि छैनौँ । डम्बरजीले त्यही निषेधको राजनीति बुझ््नुभयो, त्यसका लागि धन्यवाद छ । जहाँसम्म यो बहसले राजनीतिक वृत्तमा कस्तो आकार ग्रहण गर्ला भन्ने प्रश्न उठाउनुभएको छ । यथास्थितिवादी र प्रतिगामीको विरुद्ध तेस्रो पोलका रुपमा यसले आकार ग्रहण गरिसकेको छ । जहाँसम्म नयाँ शक्तिको प्रश्न हो, वर्ग पक्षधरमा सामन्तवर्गको वर्गतिर दिशा सोझ्याएको र दिशाविहीन, राजनीतिक उद्देश्यविहीन, एनजीओकरण भएकाले नयाँ शक्तिभित्र यस बहसको कुनै अर्थ राख्दैन ।

१. उहाँले १५ भाइको भनेर सम्झाइदिनुभएको छ, त्यो ठीक हो । यो लडाइँ महाभारत जस्तै नै हो । कौरव र पाण्डवको लडाइँ हो । हामी १५ भाइ सत्यको पक्षमा छौँ । वर्गको पक्षमा छौँ । परिवर्तनको पक्षमा छौँ । अग्रगामी सोँचको पक्षमा छौँ । जित हाम्रो निश्चित छ, डम्बरजीले चिन्ता लिनुपर्दैन ।

२. हामी १५ भाइले आरोप होइन, विचारका कुरा उठाएका छौँ । हामीले पटक पटक लिखित रुपमा र बैठकमा कुरा उठाउँदै आएका छौँ । दोस्रो पूर्ण बैठक २०७४ वैशाखमा भएको थियो । त्यो समय म स्वयम्ले लिखित रुपमा बाबुराम भट्टराईलाई बुझाएको छु । बीचमा अर्थात् जेठमा मुक्ति प्रधानले बुझाउनुभएको छ र कार्यकारी बैठकको ९–१० श्रावणको बेला सबैले देख्नेगरी मञ्चमा म आफैँले बुझाएको छु । त्यो विचार सङ्घीय परिषद्मा राख्ने हामीले हो कि संयोजकले हो ? किन भ्रम पार्न खोजेको हो ? त्यसैले जब वास्ता गरिएन विधानको ९.१ (झ) मा उल्लेख छ, राजनीतिक बहस सार्वजनिक गर्न पाइनेछ । त्यसलाई अनुशासनको दायरामा ल्याइने छैन भनिएको छ । के पत्रकार सम्मेलन गर्नु सार्वजनिक अपराध हो ? भ्रमको खेती कति दिन टिक्ला ? ध्यान दिन जरुरी छ । यो कुरा क्रमशः सबैले बुझिसकेका छन् ।

३. हो, देवेन्द्र पौडेलले रातो कार्पेट विच्छाए पनि जाँदिन भन्नु स्वभाविक हो । त्यो भन्नुको अर्थ बाबुरामको प्रतिबद्धता के थियो भने सबैका विचारलाई सम्बोधन गरेर दस्तावेजलाई समृद्धि गर्ने कुरा गर्नुभएको थियो तर त्यसो गर्नुभएन । अर्को थियो विचारको बहस फोरम चलाएर यही शक्तिमा गर्ने र महाधिवेशनसम्म जाने थियो तर विचार उठाउन वित्तिकै आरोप ठान्ने र निषेध गर्ने तरिका जो गरियो बाध्य भएर यो बाटो अपनाउनु परेको हो । यो दुई चार दिनको खिचडी होइन । बाबुरामलाई बुझ्नुस यो ६ महिनादेखिबाट उठाएको बहस हो । केही बुँदा थपिए होला । के तपाईंलाई थाहा छैन ? स्मरण गर्नु त श्रावण ९–१० को कार्यकारिणीको बैठकभन्दा २० दिन पहिले बालुवाटारमा होटलमा बाबुरामसहित हामी १५, २० जनाबीचको छलफलमा पासाङ शेर्पा, मसहितले संयुक्त मोर्चा र ध्रुवीकरण उपेन्द्र यादवसित मात्र होइन, विचार मिल्ने सबैसित गर्नुपर्छ भन्दा तपाईं, केशव दाहाल, देवी ओझाले असहमती जनाएको होइन ? यो लिखित रुपमा बाबुरामलाई बुझाएका छौँ । यसलाई दुई चार दिनमा खिचडी पाक्यो भन्ने ? स्मरणशक्ति कमजोर भएको भए मेरो भन्नु केही छैन, तर राजनीतिक इमानदारिता पनि हुन्छ भनेर बुझ्न जरुरी छ ।

४. जहाँसम्म आरोप लगाउने साथीहरु सबै उत्तरदायित्वका जिम्मेवार हुनुहुन्छ । सङ्गठन विभाग प्रमुख, प्रदेश प्रमुख हुनुहुन्छ । उहाँहरुलाई आरोप कसका लागि भन्नुभएको छ । विधिका कुरा गर्ने तपार्इंलाई थाहा होला बालुवाटारको होटलमा तपार्इं, केशव दाहाल, गङ्गा श्रेष्ठ र बाबुराम भट्टराईले सङ्गठन विभाग प्रमुखलाई जानकारी नदिईकन, नबोलाईकन १५ दिनसम्म सबै जबस, मोर्चा, पार्टीको टिमलाई बोलाएर छलफल गर्नुभयो र गुटबन्दी गर्नुभयो । के त्यो बेला यिनी प्रदेश प्रमुख र सङ्गठन विभाग चाहिन्छ भनेर याद आएन ? बाबुरामलाई घेराबन्दी गरेर सङ्गठन विभाग प्रमुख, प्रदेश प्रमुखको विरुद्ध छलफल गर्ने, तलैसम्म सम्प्रेषण गर्ने फेरि जिम्मा उहाँहरुको हो भन्न सक्ने कति कागताली जानेको हो । हो, यही कारण नयाँ शक्ति पार्टी या एनजीओ बन्छ या बिघटन हुन्छ निश्चित छ ।

५. अर्को प्रश्न संयोजक एकेडेमीकहरुको घेराबन्दीको प्रश्न हो, त्यो सत्य हो । हामी अग्रगामी, परिवर्तनकामी, विचार र वर्गका पक्षधरका बुद्धिजीवी भए, एनजीओकर्मी र रिटायर्ड प्रशासकहरु भएको क्लबजस्तो भयो, त्यसप्रति चिन्ता हो । फिल्डमा काम गर्ने, सङ्गठन निर्माण गर्ने, गाउँगाउँमा जाने कार्यकर्तालाई उत्पीडन गर्ने, यस्ताखालका अर्थात सभ्रान्त वर्गको प्रतिनिधित्व गर्ने र क्लब बनाएर होटलहरुमा बहस गर्ने बन्न थाल्यो । बाबुरामको स्वभाव यस्तैलाई रुचाउने र वर्षौं सँगै लडेकालाई छाड्ने, विचारलाई छाड्नेप्रति चिन्ता हो ।

६. जहाँसम्म वैचारिक प्रश्न हो, हामीले परम्परागत माक्र्सवाद, लेलिनवाद, माओवादी भन्नु पर्छ भन्ने होइन तर बाबुराम भट्टराईले हामीलाई भनेको माक्र्सवादको समृद्धीकरण हो । यो गतिशील विज्ञान हो भन्नुभएको हो । हामी त्यसमा प्रतिबद्ध थियौँ । कुन वर्गको राजनीतिक कार्यदिशा बनाउने, कुन वर्गको राजनीति गर्ने भन्ने हो । द्वन्द्वात्मक ऐतिहासिक भौतिकवाद उत्पीडित शोषित वर्गको विचारधारात्मक हतियार हो । तर राजनीतिक कार्यदिशा अतिभूतवादी आदर्शवाद शोषक वर्गको बनाउने, फेरि द्वन्द्वात्मक भौतिकवादको समृद्धीकरण गर्ने भन्ने कहाँ मिल्छ ? हामीले के बुझेका छौँ भने दुस्मनलाई पनि चिन र आफूलाई पनि चिन, तब लडाइँ कहिल्यै हारिन्न भन्ने द्वन्द्वात्मक भौतिकवादलाई बुझेका छौँ । दुस्मन र उत्पीडित वर्गलाई छासमिस बनाउने दर्शन कहीँ पनि हुँदैँन र हुन पनि सक्दैन । कहिले इतिहासलाई भुल्ने पार्टी बुझ्ने, कहिले पार्टी बुझ्ने समाजलाई भुल्ने दर्शन भनेको ःबतबउजथकष्कतष्अ क्ष्मभबष्किm हो । त्यो एमालेले ग्रहण गरेको छ हामी यो विचारलाई स्वीकार गर्न सक्दैनौँ । हामी उत्पीडित वर्गको पक्षमा छौँ । उत्पीडित राष्ट्रको पक्षमा छौँ । माओवादी जनयुद्ध, मधेस आन्दोलन, आदिवासी जनजाति आन्दोलन, दलित, मुस्लिम, थारुहट सबै परिवर्तनकामी आन्दोलनको स्वामित्व लिन चाहान्छौँ र यिनी शक्तिको ध्रुवीकरण चाहेका हौँ । माओवादी जनयुद्धलाई प्रगतिशील आन्दोलन भनेर अपमानित गरेको स्वीकार गर्न सकिँदैन । त्यस्तो सोँच राख्नेले पार्टीलाई सही दिशामा लैजान्छ भन्ने हामीलाई लागेन ।

७. अब बाबुरामलाई पनि दुविधा छ । अग्रगामी, परिवर्तनकामी, पक्षधरताको पक्षमा उभिएर नेतृत्व गर्ने कि सम्भ्रान्त वर्ग, एनजीओकर्मी र यथास्थितिवादी या विचारविहीन पार्टी विवेकशील साझा पार्टीको नेतृत्व गर्ने गम्भीर प्रश्न उठेको छ । हामीलाई उहाँले जो कारबाही गर्नुभयो, त्यो हामीलाई गौरव नै छ । प्रचण्डले नगरेको काम उहाँले गर्दा अब उहाँलाई बुझ्न जनतालाई पनि असजिलो नहोला ।

८. हामीलाई चुनावबाट आत्तिनुभयो भनिएको छ । हामी आत्तिएका होइनौँ । नयाँ शक्ति पार्टीभित्र एकथरी माओवादीलाई देख्नै नसक्ने प्रकृति छ । अर्को प्रकृति कुरा गर्ने ठूलाठूला काम नगर्ने छ । एकथरी बाबुरामको वरिपरि बिहान, बेलुका डा. साहेब भन्ने प्रकृति छ । यो पार्टी बन्ने दिशामा देखिएन । नयाँ पनि आएनन् । ५ (स) को व्याख्या त अन्तर्राष्ट्रिय मानव अधिकार २०० वर्ष पहिले १९४८ को हुमन राइट डिक्लेरेसनमा नै छ नि । तत्कालको संविधान पनि उल्लेख छ । के नयाँ भयो त ? कसरी गर्ने भन्ने त परिवर्तनकामी शक्तिसित जोडिएर होला नि । प्रतिगामी र यथास्थितिवादीलाई हावी हुन दिने परिवर्तनकामीलाई कमजोर बनाउँदै जाने कतै चालबाजी त होइन ? शङ्का पनि गर्न आवश्यक छ ।

अन्त्यमा, जे भयो ठीक भयो । यो हुनु थियो, बाबुरामसँगका सहयात्री केही साथीहरुले पहिले बुझ्नुभयो र आउनुभएन । हामीले बाबुरामलाई ढिलो बुझियौँ, हीनताबोध छैन गर्व नै छ । रामचन्द्र र रामकुमार इमानदार हामी धोकेबाज पनि भन्नु स्वभाविक हो । रामचन्द्रजी सिधैँ जानुभयो हामीले सत्यतथ्य विचार उठाएका छौँ । बाबुरामले माओवादीमा रहँदा गरेको अन्तर्सङ्र्घष स्मरण गर्नुपर्छ । जहाँसम्म मानवीय प्रश्न हो, हामीले पनि बुझेका छौँ, मानिस सार्वभौम प्राणी हो, राजनीतिमा भावना प्रधान होइन विचार प्रधान हो र स्वाभिमान पनि हो । हामी स्वस्थ थियौँ, हामिलाई घाइते बनाउनुभयो । उहाँको भौतिक रुपमा अप्रेसन थियो, फरक त्यही मात्र हो । तैपनि हेर र पर्खको स्थितिमा छौँ । उहाँ ध्रुवीकरणमा आउन स्वागत गर्न पर्खेर बस्ने पक्षमा छौँ ।

– वामदेव क्षेत्री (बृहत धुर्विकरणको अभियान्त)






शुभकामना

भर्खरै...

लोकप्रिय

रोचक खबर

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

"प्रावास मा आफनो भाषा , धर्म कला र संस्कृति को जगेर्न गर्नै " भन्ने मुल नारालाई आत्मसात गर्दै सन् ०१।०१।२०२३ का... बाँकी यता

Phursang Lama / February 18, 2024

५५ वर्षपछि दुई देशबीच श्रम समझदारी कायम

५५ वर्षपछि दुई देशबीच श्रम समझदारी कायम

  रोमानिया । नेपालीहरुको आकर्षक गन्तव्य बन्दै गएको युरोपेली मुलुक रोमनियासँग नेपालले द्विपक्षीय श्रम... बाँकी यता

Phursang Lama / October 7, 2023

 Photo Gallery

  • अमेरिकास्थित दुई तामाङ संस्थाबिच एकता हुने

  • नेपाल तामाङ घेदुङको कोन्ज्योसोम घोषणा पत्र २०७४ सार्वजनिक

  • फोनिजको अध्यक्षमा डण्ड गुरुङ निर्विरोध निर्वाचित

  • अभिनेत्री पूर्णिमा लामा तामाड – म रुन्चे कहाँ हो र ?’

  • चर्चित मोडल स्मिताका सात कामुक फोटो सार्वजनिक(फोटोफिचर)

  • लुम्बिनीमा अन्तर्राष्ट्रिय बौद्ध सम्मेलन गर्ने तयारी

  • नेपाल तामाङ घेदुङको राष्ट्रिय बिधान-सभा चैत २३ र २४ गते

  • पहिचानको मुद्दा कहाँ पुगेर अत्कियो ?

  • यस्तो छ – नमस्कार गर्नुको कारण र महत्व

  • स्वयम्भुमा १३ पटक परिक्रमा र सरसफाई कार्यक्रम सम्पन्न (फोटो सहित)

  • महिलाले ध्यान दिने पुरुषका ७ चिज

  • प्रधानमन्त्री प्रचण्डले तामाङ संस्कृति भवन बनाउन सहयोग गर्ने घोषण,कुलमान घिसिङको प्रशंसा

  • राष्ट्रिय सोनाम ल्होछारको अवसरमा तामाङ ह्वाइखा (कविता ) प्रतियोगिता हुने

  • तमु ल्होसार के हो र कसरी मनाईन्छ ?

  •  Music videos

  • नेपालले गर्यो नयाँ नक्सा सार्वजनिक

  • भारतले जबरजस्ती हटाउन लगायो नेपाल भारत सम्बन्धि बीबीसीको डकुमेण्टी

  • तामयिक लिपी र सम्भोटा लिपीमा फरक के छ ? लेख्ने तरिका सहित

  • ‘तिम्रो घरको वरिपरि’ युट्युब ट्रेन्डिङ नम्बर १ मा (भिडियो)

  • मिस तामाङ २०१८ का सहभागीहरु तामाङ भुषभुषा र डम्फुको साथमा तामाङ भाषाको गीत गाउदै

  • तीनकुनेमा आयोजित सोनाम ल्होछार कार्यक्रममा सुरक्षाकर्मीले हस्तक्षेप किन गर्यो ? भिडियो हेर्नुहोस् …

  • मिस तामाङ प्रतियोगिता २०१८ को भाग -१ , मन पर्नेलाई भोट हाली जिताऊ (भिडियो)

  • तामाङ सेलो ‘ल्होछार पर्वमा …. सुनिता पाख्रिन तामाङ

  • बालवालिका केन्द्र खोलेर बाल ब्यापार गर्ने प्रशासनको नियन्त्रणमा (जनतासंग सिधा कुरा)

  • बिज्ञापनका लागि:
     [email protected]
    लेख, रचना र समाचारका लागि:
     [email protected]
    सामाजिक संजाल तर्फ:
    सर्वाधिकार © 2012 - 2024: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution