जर्मनी, अगष्ट १५  । एनआरएनए  जर्मनीको अध्यक्षमा विजय मोक्तानले आफ्नो उमेदवारी दिने भएका छन् । यस अगाडि जनसम्पर्क समितिमा वसेर काम गरिसकेका विजयले आफना विभिन्न एजेण्डाहरुसहित उमेदवारी दिने घोषणा गरेका हुन । उनलाई जनसम्पर्क समितिले समेत आधिकारिक रुपमा अगाडि सारेको छ । जर्मनीको विभिन्न रचनात्मक कार्यक्रमहरुमा सहभागी हुँदै आएका मोक्तानले आफनो दुई वर्षे कार्यकालको खाका समेत सार्वजनिक गरेका छन् । उनको एजेण्डा जस्ताको तस्तै :

आदरणीय जर्मनी निवासी गैर आवासीय नेपाली दाजुभाई तथा दिदिबहिनिहरु

नमस्कार !

गैर आवासीय नेपाली संघ ( एनआरएनए) जर्मनीको संस्थापक सदस्य भएको नाताले जर्मनीमा रहने सम्पूर्ण नेपालीहरुको सेवामा सधैं आफ्नो तनमन दिदै आइरहेको छु। मैले एनआरएनए जर्मनीको नेतृत्वमा नरहे पनि अरु बिभिन्न पदहरुमा रहेर काम गर्ने शुभअवसरहरु प्राप्त गरें । २००९/ २०११ को कार्यकालमा कार्यकारी र सांस्कृतिक संयोजक, २०११/२०१३ को कार्यकालमा सल्लाहकार, २०१३/२०१५ कार्यकालमा बिशिष्ठ संरक्षक भई काम गर्ने मौका पाएको थिएँ भने मैले सधै आईसीसीको कार्यदल (टास्कफोर्स)मा रहेर काम गरी रहेकोछु। मैले धेरै पटक एनआरएनए जर्मनीको नेतृत्वमा जाने कोशिस गरेको थिएँ तर सहमति र सहकार्य गर्दै जादा मेरो लचकता र ईमान्दारिताले मलाई कहिले पनि एनआरएनए जर्मनीको अध्यक्षको पदसम्म पुराउन सकेन। मेरो आईसीसी र एनसिसी एनआरएनए जर्मनीका सबै नेतृत्वहरुसित काम गर्ने मौका पाएकोले मैले लामो अनुभव संचित गर्ने मौका पाएँ । मैले आजसम्म संचित गरेका र भोगेका बिभिन्न बिषयहरुलाई मेरो चुनावी घोषणा पत्रमा पतिबद्धताका साथ आगामी कार्यकाल २०१७/२०१९ को मार्गदर्शन हुने छन् ।

१)प्रारम्भ

क)एनआरएनए जर्मनीको पंजीकृत सदस्यता विधानले निर्धारण गरेको सबै एनआरएनहरुलाई बनाउने।

ख)एनआरए जर्मनीको निर्वाचन पश्च्यात काठमाण्डौमा आयोजना आठौ विश्व सम्मेलनमा जर्मनीबाट धेरै प्रतिनिधिहरुलाई सहभागी गराई एनआरएनए जर्मनीको नाम उच्च राख्ने।

ग) जर्मनीबाट एनआरएनए आईसीसीमा उम्मेद्वार हुने सबैलाई भरपूर्ण साथ सहयोग र पूर्ण समर्थनका विजय बनाई विश्वको सामु एनआरएनए जर्मनीलाई गर्भित बनाउने।

२) एनआरएनए जर्मनीको पहिलो बैठक

क)एनआरएनए जर्मनीको पहिलो बैठकबाट सल्लाहकार संरक्षक,सबै कार्यदललाई गठन गरी सबैको कार्य बिभाजन गर्ने र प्रबक्ता नियुक्त गर्ने।

ख)संघको बिधानलाई सुधार गर्न बिधान समिति गठन गर्ने र संघका गतिधि र अभियानलाई गतिरोध तथा बिधान बिपरित गर्नेलाई कारबाहीको लागी अनुशासन समिति गठन गर्ने।

ग) संघको २ बर्षे कार्यकालको लागि मार्गदर्शन र बिधिबिधानको परिधि भित्र रहेर स्वतन्त्र रुपमा काम गर्न कार्यनिमावाली तयार गर्ने।

घ) एनआरएनए जर्मनीलाई बैधानिक रुपले काम गर्न नवनिर्वाचित कार्यसमियिको बर्लिन चालोटनबर्गको आम्ट गेरिक्टमा दर्ता गर्ने।

च) क्षेत्रीय परिषदको निमवाली तयार गर्ने र काम कर्तब्य तथा जिम्मेवारी निर्धारण गर्ने।

छ) एनआरएनए जर्मनीको अभिलेखको लागि वेभ-साइटको स्तर उन्नति गर्ने।

ज) एनआरएनए जर्मनीका अग्रजहरुलाई उचित सम्मान सहित ब्यबस्थापन गरिने र नयाँ नेतृत्व बिकासको लागि प्रोत्साहन गर्ने।

झ) हरेक एलसिसीमा नेपाली भाषा र कला संस्कृतिको प्रबर्धनको लागी स्कुल स्थापना गरिने।

ट) प्रकृति प्रकोप भुकम्प र बाढी पहिरो पिडित र दैविक प्रकोप आगलागी जस्ता घटनाहरुलाई तुरुन्त उद्धार र राहतको लागि आपतकालीन राहत कोषको स्थापना गर्ने।

ठ) नेपालमा निर्माण हुदै गरेको एनआरएनएन भवन र भूकम्प पिडितको लागि निर्माण हुदै गरेको नमुना बस्तीको लागी एनआरएनए जर्मनीले गरको सहयोगमा अझ वृद्धि गरी निरन्तर गरिने।

ड) नया संबिधानमा ब्यबस्था हुने एनआरएन नागरिकतालाई नेपाली नागरिकताको निरन्तरका साथ नेपाली नागरिकले पाउने सबै हक अधिकारहरु प्राप्तिको लागी मेरो २ बर्षे कार्यकालमा आईसीसीसित संयुक्त रुपमा नेपाल सरकारसित पहल गर्ने।

ठ) एनआरएनए जर्मनीका पुर्व अध्यक्ष द्वय पुष्प थापा र हरेन्द्र वनेमको कार्यकालमा ल्याईएको एनआरएन हाउस निर्माणको अवधारणलाई निर्माणको लागी अगाडी बढाउने।

ढ ) संस्थापक अध्यक्ष दिल गुरुङ्गको समयदेखि एनआरएनए जर्मनीले खेलेको नेपाली समुदायको एकताको नेपाली पहिचानलाई निरन्तरताका साथ मजबुत बनाउने।

ण ) एनआरएनए जर्मनीले अगाडी बढाएका सबै कार्यक्रमहरुलाई निरन्तरता दिनेछ।