दिपक वाइबा तामाङ

श्रावण २३ गते , पोखरा । आज पोखरामा एक समारोहका बिच ‘ह्युल’ मासिक पत्रिका लोकार्पण कार्यक्रम सम्पन्न भएको छ । तामाङ परम्परागत ज्ञान दिवस ‘गोने ङ्ह्या’ को सो अवसरमा नेताघे कास्कीको आयोजनामा घेदुङका अध्यक्ष कृष्ण बहादुर तामाङको अध्यक्षतामा गान्बा डिलबहादुर तामाङको प्रमुख आतिथ्य , जिल्ला सचिव सुन्दर थोकरको संचालन र टेक बहादुर स्याङ्बोले स्वागत मन्तव्य राख्नुभएको थियो ।

बरिष्ठ समाजसेवी वयोबृद्धा डिल बहादुर नेगीले प्रमुख आतिथ्यको मन्तव्य राख्नु हुँदै हामी तामाङ एकजुट भई पत्रिका प्रकाशनमा अग्रसर हुन आग्रह गर्नु भयो । साथै घेदुङका पुर्व केन्द्रीय अध्यक्ष धनप्रसाद तामाङ पुर्व कावा र अध्यक्ष कुम बहादुर तामाङको बिशेष आतिथ्यमा संचालित कार्यक्रममा ‘पत्रकारिताको बिषयमा दिपक वाईबा , ‘गोने ङ्ह्या’ को बिषयमा धनप्रसाद तामाङ पत्रिका व्यवस्थापनको विषयमा हरीमान थिङ र प्रकाशनको विषयमा कुम बहादुर तामाङले प्रकाश पार्नुभएको थियो ।

कलाकार अविनाश तामाङ र नवोदित गायक एवम् मिस्टर पोखराका प्रतियोगी विवेक तामाङले आफ्ना गायनकला प्रस्तुत गर्नु भएको थियो ।बोम्बो गुरु लाल बहादुर स्याङ्बो र अम्बर तामाङले साङ सेरगेम गर्नुभएको थियो ।