२२ श्रावण २०७४ – काठमाण्डौँ। राष्ट्रिय प्रजातन्त्र पार्टी राप्रपा फेरी फुटेको छ । नेतृत्वको कार्यशैलीप्रति रुष्ट बनेका पशुपति शम्शेर पक्षले नयाँ पार्टी खोलेका हुन् । नयाँ बन्ने पार्टीका नाम राष्ट्रिय प्रजातन्त्र पार्टी प्रजातान्त्रिक हुने बताइएको छ । पछिल्लो समय शेरबहादुर देउवा नेतृत्वको सरकारमा सहभागि हुने वा नहुने बिषयमा राप्रपा भित्र विवाद चुलिएको थियो ।

पशुपति शम्शेर नेतृत्वको नयाँ  पार्टीमा बहुमत सहित २२ साँसद तथा ७२ केन्द्रीय सदस्य सम्मिलित छन् । यससँगै कुल कमल थाप नेतृत्वको राप्रपामा अब जम्मा १५ सांसद रहनेछन् ।

राणाको नेतृत्वमा नयाँ दल ‘राष्ट्रिय प्रजातन्त्र पार्टी (प्रजातान्त्रिक)’ दर्ताका लागि निर्वाचन आयोगमा आवेदन दिइएको छ ।

राप्रपाबाट अलग भएका पशुपति शमशेर राणाले संसद सचिवालयमा पार्टी बिभाजन भएको जानकारी पनि गराएका छन् । उनले आफ्नो पक्षमा २२ जना सांसदहरु रहेको दाबी गरे पनि संसद सचिवालयमा बुझाइएको नामावलीमा १९ जनाको नाम छ ।

सांसदहरु दिपक बोहरा, सुनिल थापा, विक्रम पाण्डे, रामकुमार सुब्बा, रेशमबहादुर लामा, विराज विष्ट, राज्यलक्ष्मी श्रेष्ठ, लक्ष्मी थापा पासवान, रमेश कुमार लामाको राणाको पक्षमा छन् ।

यसैगरी सइन्द्र वान्तवा, गिता सिंह, बबिना मोक्तान, धानो महरा, सिता लुइँटेल ज्ञवाली, राज्यलक्ष्मी देबी शाह, इस्तियाक अहमद खाँ, सरोज शर्मा, कमला देबी शर्मा, आनन्दी पन्त पनि राणा पक्षमा लागेका छन् ।

राप्रपासँग कुल ३७ सांसद थिए ।