हेडलाईन

इजरायलमा मंगोलियन हार्ट लाईभ कन्सर्ट सम्पन्न,राजु लामालाई दोसाल्ला ओढाएर सम्मान         लोकप्रिय गायक राजु लामा सहित मंगोलियनहार्टका कलाकारहरु इजरायल आईपुगे         इजरायलमा महाकबि सिद्धीदास महाजूको १५५ औ जन्म जयन्तीको अबसरमा साहित्यिक कार्यक्रम हुदै         नेपाल तामाङ घेदुङ बहराईनको ५ औं अधिवेशनबाट अध्यक्षमा श्रवण बम्जन तामाङ चयन         भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन        

ठगलाई कारबाहीमा सघाउँदै जापानका नेपाली

टोकियो । आकर्षक रोजगारीको प्रलोभनमा पारी रु एक करोड ९४ लाख रकम कुम्ल्याएर जापान बस्दै आएका कास्की पुरञ्चौर-३ का गोविन्दप्रसाद तिवारीलाई कारबाहीमा सघाउने भन्दै जापानवासी नेपालीले खोजी कार्यलाई तीव्रता दिएका छन्।

उनीहरु तिवारी बस्दै आएको स्थानसम्म धेरैपटक पुगेर पनि भेट्न सकेनन्। लगातारको प्रयासपछि दुई साताअघि कामबाट फर्कँदै गर्दा नियन्त्रणमा लिएर जापान प्रहरीलाई बुझाएका थिए।

रोजगारीका लागि जापान लाने भन्दै ठगेको समाचारका आधारमा तिवारीलाई कारबाहीका लागि सघाउने भन्दै जापानवासी नेपाली खोजी कार्यमा लागेका हुन्। आवश्यक प्रमाण नभएको भन्दै जापान प्रहरीले छाडेदेखि लुक्दै आएका तिवारीले गोरखाकी अमृता ढकालसहित बहिनी र परिवारका पाँचजनालाई जापानमा आकर्षक रोजगारीमा पठाइदिने भन्दै पटकपटक गरी रु ३१ लाख लिएर जापानमा बेपत्ता भएपछि घटना सार्वजनिक भएको हो।

ढकालसहित देवीप्रसाद दाहाल, किशोर शर्मा, सञ्जय सापकोटा र पुरुषोत्तम सापकोटालगायतका २३ जनाबाट रु एक करोड ९४ लाख ठगेर तिवारी घरपरिवार तथा आफन्तको सम्पर्क बाहिर छन्।

पीडितका अनुसार तिवारीले काममा लगाएबापत रु तीनलाखदेखि पाँच लाखसम्म मासिक कमाउन सकिने आश्वासनमा बर्दियाका प्रशान्त भट्टराई, पोखराका तिलकराज सुवेदी, काठमाडौँका अमर घर्तिमगर, तनहुँकी रेखा घिमिरेलगायतका व्यक्तिमार्फत रकम उठाएर जापानमा लुकेर बस्दै आएका छन्।

घटनालाई नजिकबाट नियाल्दै आएका टोकियोका व्यवसायी सरोजकुमार खत्रीले जापानमा भएका आफन्त र नजिकका साथीभाइसम्म सम्पर्क गर्दै दिनहुँजसो तिवारी बस्दै आएको स्थानमा पुगेपनि कयौँ पटकको प्रयास असफल भएको बताए।

तिवारीले जापानी भाषाको फेसबुकमार्फत सम्पर्क गर्दै तोचिगी र इवाराकीलगायतका क्षेत्रमा काममा जाने गरेको थाहा भएपनि वास्तविक अवस्था खुल्न नसकेका कारण सो स्थानसम्म पुग्न नसकिएको चार वर्षदेखि तोचिगीमा बस्दै आएका कृष्ण अधिकारीले जानकारी दिए।

घटना सार्वजनिक हुनुअघिसम्म टोकियो नजिकैको योकोहामा सहरमा बस्दै आएका तिवारीका नाममा जारी राहदानी समेत प्रयोग गर्न नसक्ने बनाइएको र व्यावसायिक प्रवेशाज्ञाको अवधि भएपनि बीचमै रद्द गरी शरणार्थी भएर बसेका कारण जापान प्रहरीले आधिकारिकता खोज्दै आएको थियो।

आधिकारिकरुपमा प्रमाण नरहेको भन्दै प्रहरीले छाडेपछि यहाँका नेपालीले सम्भावित स्थानमा खोजीकार्य जारी राखेका छन्। उनीहरुले पीडितलाई न्याय दिलाउन सघाउने भन्दै खोजी कार्यलाई निरन्तरता दिएका छन्।

यसैबीच, नेपाल प्रहरीले इन्टरपोलमार्फत तिवारीलाई ठगी आरोपमा पक्राउ गर्न जापान प्रहरीलाई पत्राचार गरेपछि अनुसन्धान कार्य जारी राखेकाले छिट्टै पक्राउ पर्ने जापानस्थित नेपाली राजदूतावासले जानकारी दिएको छ।

पीडितको उजुरीका आधारमा नेपाल प्रहरीले पक्राउका लागि जापानस्थित नेपाली राजदूतावासलाई पनि पत्राचार गरेपनि कारबाही प्रक्रिया ढिलो भएको भन्दै योकोहामाका नेपालीले जापान प्रहरीलाई प्रक्रिया छिटोछरितो गर्न दबाब दिँदै आएका छन्।

उता ठगी काण्डमा पीडितबाट रकम लिएकोे उजुरीका आधारमा काठमाडौँका सुदर्शन मल्लको घर जग्गा वैदेशिक रोजगार विभागले रोक्का गरेपछि गत आइतबार मल्ल परिवारले जापानबाट घटनामा जानेर संलग्नता नभएको बताए।

नेपाल पत्रकार महासंघ जापान शाखाका पूर्वअध्यक्ष समेत रहेका तिलक मल्लले तिवारीले फसाउन खोजेको भन्दै वैधानिक तरिकाबाट आएको रकम प्रहरी प्रशासनलाई नभई पीडितलाई वितरण गर्दै जाने जनाएका छन्। @ प्रकाश पन्थी/रासस






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution