प्रमेश तमु – बहराइन \नेपाल आदिबासी जनजाति महासंघ बहराइनको आयोजनामा आउँदो ११ अगस्ट २०१७ का तारिख वांगसांगथाइ रेस्टोरेन्टको सभाहल, अदलियामा साँझ ५:३० देखी १० बजे सम्म  हुने ‘बहुल जातीय सास्कृतिक साँझको  आयोजन गर्ने भएको छ |

महासंघ बहराइनले यहि ११ अगस्त २०१७ का दिन बिस्व आदिबासी जनजाति दिबसको अबसर पारेर ‘बहुल जातीय सास्कृतिक साँझ’को आयोजना गर्दैछ | बहराइनमा प्रथमपटक नेपाल आदिबासी जनजाती महासंघ बहराइनको आयोजना र बहराइनमा स्थापित विभिन्न जातीय संस्थाहरुको प्रत्यक्ष संलग्नता र सहकार्यमा हुन लागेको उक्त सास्कृतिक साँझमा नेपाल र नेपालिहरुको पहिचानलाई केन्द्रबिन्दुमा राखेर विभिन्न जातिको पहिचान झल्कने प्रस्तुति साथै राष्ट्रिय भावनाले ओतप्रोत भएका बिभिध मनोरंजनात्मक साँगितीक उत्कृष्ट कार्यक्रम पस्कने सास्कृतिक बिभाग प्रमुख सोनाम दोङ्ले जानकारी दिनु भयो |

अहिले बुद्ध लामाको कोरियो ग्रफिमा हप्तामा दुइ चोटी रिहर्सल भैरहेको छ भने अनु लामा, गुनराज मगर, नानु माया परियार, निका लामा, अमृता लिम्बु, पूर्ण लिम्बु लगायत उत्क्रिस्ट दर्जनौ कलाकारहरुले कार्यक्रमको तयारि गरिरहेको छ | माहासंघका महासचिब झहर थेबेको अनुसार ‘जातीय सास्कृतिक साँझ आयोजनाको प्रमुख उदेश्य भनेको नेपालका आदिबासी जनजातिहरुको मौलिक भाषा, लिपि, धर्म, सस्कार, सस्कृति, भेष भुषा, परम्परा र रितिरिवाज जस्ता राष्ट्रिय गौरबका पहिचान जनित बस्तुहरुलाई संरक्षण र सम्बर्धन गर्नु’ नै प्रमुख रहेको छ |

बहराइनलाई कार्यथलो बनाइ कलाकारिता क्षेत्रमा आफ्नो पहिचान बनाएका उत्कृस्ट कालाकारहरुको संयोजनमा धमाकेदार प्रस्तुति हुनेछ | साथै महासंघमा आबद्ध रहेका ६ ओटै जातीय सस्थाबाट आ आफ्नो पहिचान झल्कने खालको बेजोडको प्रस्तुति दिनेछ भने अन्तराष्ट्रिय कलाकार समाज बहराइन, अन्तराष्ट्रिय कलाकार मंचले पनि आफ्नो खरो प्रतुती दिनेछ |

साथै संघले प्रस्तुति हेरी कार्यक्रममा भाग लिने कलाकारलाई छनोट गरि प्रस्तुति दिने समेत जनाएको छ | कार्यक्रमलाई थप रंगिन र मनोरन्जनात्मक बनाउन बहराइनमै पहिलो पल्ट मिथिला र नेवारी सास्कृतिलाई समेत जोड्ने हरदम प्रयास गरिने भएको छ | साथै महासंघले बहराइनमा अस्तित्वमा रहेका सबै सामाजिक संघ संस्था, बैचारिक संघ संस्था, जातिय संघ सस्था, ब्यापारी, समाजसेवी, बिद्दीजिबी, अग्रज भद्रभलादमी, पत्रकार लगाएत राष्ट्र, राष्ट्रीयता र नेपालको पहिचान र अस्तित्वलाइ माया गर्ने सम्पुर्ण बहराइनबासी दाजु भाइ तथा दिदी बहीनिहरूलाइ हार्दिक अनुरोध समेत गरेको छ ।