संविधान संशोधन प्रस्ताव कुनै पनि हालतमा पारित हुन दिन्न-केपी वली
काठमाण्डौँ । प्रमुख प्रतिपक्ष दल नेकपा एमालेका अध्यक्ष केपी शर्मा ओलीले सत्तारुढ गठबन्धनलाई अपराधिको संज्ञा दिएका छन् ।
अध्यक्ष ओलीले यो महिना भित्र संविधान संशोधन गरेर सरकारले प्रदेश सभा र प्रतिनिधि सभाको चुनाव हुनै नदिन षडयन्त्र गरिरहेको आरोप समेत लगाए। आईतबार गृह जिल्ला झापामा पार्टीबाट निर्वाचित जनप्रतिनिधिहरुलाई बधाई दिन आयोजित कार्यक्रममा बोल्दै उनले राष्ट्रहितलाई बेवास्ता गरेर आफ्ना क्षणिक स्वार्थ पूरा गर्न सत्तारुढ गठबन्धन लागि परेको आरोप पनि लगाए । अध्यक्ष ओलीले संविधान संशोधन प्रस्ताव कुनै पनि हालतमा पारित हुन नदिने अडान पनि दोहोर्याए ।
अध्यक्ष ओलीले मुलुकलाई टुक्रा टुक्रा बनाउने काममा सरकार लागि परेको दावी गरे । उनले स्थानीय तहको चुनावमा अन्तरघात गर्ने पार्टी नेता तथा कार्यकर्तालाई कडा कार्वाही गर्ने चेतावनी पनि दिए ।
« फिल्म ‘दुई रुपैयाँको’भिडियोमा मिस तामाङको टल्क्यो जवानी…. (Previous News)
