याम्बु : ह्याङला दोलखा–काठमाण्डौ तामाङ समाजले विचार गोष्ठी सहित दोलखा जिल्लाबाट स्थानीय तहमा निर्वाचित भएका तामाङ जनप्रतिनिधिहरुलाई “बधाई तथा शुभकामना दिने कार्यक्रम” को साथै “स्थानीय तहको सरकार ः पाँच “प” को अधिकार ः तामाङ जातिको सरोकार” विषयक एक दिने विचार गोष्ठीको आयोजना गर्ने भएको छ । असार ३१ गते शनिवार काठमाण्डौको चावहिलको ए–वान पार्टी प्यालेसमा कार्यक्रम आयोजना गर्ने भएको छ । गोष्ठीमा पहिलो चरणको स्थानीय तहको निर्वाचनबाट दोलखा जिल्लाको ७ वटा गाउँपालिका र २ वटा नगरपालिकाहरुबाट निर्वाचित तामाङ जनप्रतिनिधिहरुलाई सामुहिक रुपमा वधाई तथा शुभकामना दिने कार्यक्रम समेत रहेको छ ।

त्यसोहुँदा स्थानीय तहको निर्वाचनबाट निर्वाचित दोलखा जिल्लाको सबै तामाङ जनप्रतिनिधिहरु असार अन्तिमा काठमाण्डौमा हुनेछ । त्यसैले दोलखा जिल्लाबाट काठमाण्डौ आई काठमाण्डौ उपत्यकाका विभिन्न ठाउँमा पेशा, व्यवसाय, अध्ययन, अनुसन्धान गरी अस्थायी वा स्थायी रुपमा बसोबास गर्ने सम्पूर्ण तामाङ जनसमुदायहरुलाई र ईच्छुक अन्य सबै दोलखाली जनसमुदायहरुलाई अनि आमा, बुबा, दाजुभाई तथा दिदीबहिनीहरु सबैमा उपस्थितिको लागि हार्दिक अनुरोधको साथै निमान्त्रणा गरेको छ |