सनिल घिसिङ तामाङ,दुवई – तामाङ समाज यूएईले सपोर्ट माई स्कूल प्रोजेक्टको सहयोगार्थ यहि अगस्ट ०४ तारिख, २०१७ का दिन दुबईमा “एसएमएस धमाका – २०१७ सांस्कृतिक साँझ” कार्यक्रमको आयोजना गर्दैछ ।

नेपालबाट अतिथि कलाकारको रूपमा चर्चित सेलो गायिका सानु वाईबा र स्थानीय चर्चित कलाकाहरूको साथमा साब्रु नाच, को-म्हेन्दो नाच र फापरे जुहारी गीतहरूको सानदार प्रस्तुतिहरू हुनेछ । यस कार्यक्रमबाट मुनाफा भएको रकम सपोर्ट माई स्कूल प्रोजेक्टको कोष मार्फत सपोर्ट माई स्कूल (एसएमएस) – २०१७ का लागि छनौट हुने बिधालय र शैक्षिक सहयोग कार्यक्रमहरूकालाई आर्थिक सहयोग गरिने कार्यक्रम संयोजक सुरेन्द्र थिङले जानकारी गराउनुभयो । उहाँका अनुसार समाजले २०१२ देखि हरेक बर्ष बिभिन्न जिल्लाका ग्रामीण भेगमा स्थापित सामुदायिक बिधालयहरूलाई एक लाख एघार हजार एक सय एघार रूपैया (रू १११,१११/-) आर्थिक सहयोग गर्दै आएको छ । यस बर्षबाट सहयोग रकम पनि बढाउने तयारी भईरहेको बताउनु भयो । सपोर्ट माई स्कूल प्रोजेक्ट कार्यक्रम अन्तर्गत हाल सम्म पाँच वटा बिधालयहरूलाई आर्थिक सहयोग गरिसकेको छ । जसमा २०१२ मा जोगेश्वरी मा.वि. महादेवटार – ०१, काभ्रे, २०१३ मा घ्युल देवी नि.मा.वि गोल्छे – ०३, सिन्धुपाल्चोक, २०१४ मा जनहित राष्ट्रिय प्रा.वी पदमपुर – ०८, चितवन, २०१५ मा सातकन्या प्रा.वि. थाङपालकोट – ८, सिन्धुपाल्चोक र २०१६ मा दुप्चेश्वरी नि.मा.वि. सरमथली – ०६, रसुवा रहेका छन ।

बिधालय शैक्षिक सहयोग कार्यका लागि समाजबाट यूएईमा पहिलो पटक आयोजना गर्न लागिएको कार्यक्रममा उल्लेखनीय संख्यामा नेपाली समुदायको सहभागिता हुनेमा संयोजक सुरेन्द्र थिङ ढुक्क हुनुहुन्छ । उहाँका अनुसार एसएमएस धमाका कार्यक्रम ल्होछार तथा बुद्ध जयन्ती कार्यक्रमहरू भन्दा पृथक रहने र यूएईमा ख्याति कमाएका तथा धेरै भन्दा धेरै कार्यक्रमहरू स्टेज सो गरेका उत्कृष्ट कलाकारहरूको धमाकेदार प्रस्तुतिहरू हुनेछन् ।

यसै कार्यक्रमबाट सपोर्ट माई स्कूल (एसएमएस) – २०१७ को लागि छनौट भएको बिधालयको नाम घोषणा गरिने छ ।