हेडलाईन

इजरायलमा मणिपूजा प्रवचन कार्यक्रम हुदै         इजरायलमा मंगोलियन हार्ट लाईभ कन्सर्ट सम्पन्न,राजु लामालाई दोसाल्ला ओढाएर सम्मान         लोकप्रिय गायक राजु लामा सहित मंगोलियनहार्टका कलाकारहरु इजरायल आईपुगे         इजरायलमा महाकबि सिद्धीदास महाजूको १५५ औ जन्म जयन्तीको अबसरमा साहित्यिक कार्यक्रम हुदै         नेपाल तामाङ घेदुङ बहराईनको ५ औं अधिवेशनबाट अध्यक्षमा श्रवण बम्जन तामाङ चयन         भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग        

गोरखाल्याण्ड आन्दोलन ? अब के होला ?

असारको महिना । कञ्चनजङ्घा पर्वतमा साबिककै रुपमा सूर्योदय भइरहेको छ तर त्यसलाई क्यामरामा कैद गर्ने मानिसको कमी छ ।

पूरा उत्तर भारत प्रचण्ड गर्मीको सास्तीमा छ । यता दार्जिलिङका मानिस भने स्वेटर–ज्याकेट लगाइरहेका छन् । यो मौसममा धेरैजसो भारतीय आरामको खोजीमा दार्जिलिङको यात्रामा निस्कने गर्दछन् । उत्तर बंगालको यो पहाडी इलाकाको अर्थव्यवस्थाको मुख्य आधार नै यही हो ।

व्यापारको ‘सिजन’ मा पनि यहाँका मानिसहरु आ–आफ्नो पसल बन्द गरेर बसेका छन् ।

उनीहरु सडकमा छन् । आन्दोलन गरिरहेका छन् र ‘वी वान्ट गोरखाल्याण्ड’, ‘हाम्रो माग गोरखाल्याण्ड’ भन्दै नाराबाजी गरिरहेका छन् ।

आन्दोलन हिंसात्मक बनेको छ जसमा केही मानिसहरुले ज्यान गुमाएका छन् भने थुप्रै घाइते भएका छन् । पुलिसले केहीलाई पक्राउ पनि गरेको छ ।

तरपनि मानिसहरु रोकिएका छैनन् । उनीहरुको आन्दोलन दिन प्रतिदिन उग्र भइरहेको छ । उनीहरुले काम गरिरहेका छैनन् । पैसा पनि कमाएका छैनन् तरपनि उनीहरुलाई कुनै चिन्ता छैन । आन्दोलनमा निरन्तर होमिएका छन् ।

किन उनीहरुलाई डर लाग्दैनः

चर्चित स्तम्भकार र गोरखा जनमुक्ति मोर्चाका सल्लाहकार स्वराज थापाको अनुसार यो इज्जतको लडाईं हो, पहिचान बचाउने संघर्ष हो । त्यसकारण मानिसहरु पेटको चिन्ता नगरी आन्दोलनमा होमिएका छन् ।

स्वराज थापाले बीबीसीसँग भने, ‘यो कुनै एक पार्टी वा नेताको लडाईं होइन । यो दार्जिलिङ, कालिम्पोंग र कर्सियांग इलाकामा बस्ने लाखौं मानिसहरुको लडाईं हो । हामी आफ्नो अस्तित्वको रक्षाका लागि गोरखाल्याण्ड चाहन्छौं ।’

उनी भन्छन्, ‘हाम्रो माग सय वर्षभन्दा पनि पुरानो हो । तर यसपटक पहाडका मानिसहरु अन्तिम लडाईं लडिरहेका छन् । यो लडाईं गोरखाल्याण्ड नलिइकन समाप्त हुनेवाला छैन ।’

चोक बजारमा नाराः

‘वी वान्ट गोरखाल्याण्ड – गोरखाल्याण्ड गोरखाल्याण्ड । गोरखाल्याण्ड चाहिन्छ– चाहिन्छ चाहिन्छ । हाम्रो माग गोरखाल्याण्ड ।’

नेपाली र अंग्रेजीमा लगाइएका नाराबाजी चोक बजारमा घन्किरहेका छन् ।

नाराबाजी गरिरहेका एस के दर्नालले भने, ‘यो लडाईं लेप्चा, भूटिया वा गोरखाको होइन । लडाईं पूरा पहाडको हो । हाम्रो अधिकारको हो । यसमाथि बंगालको सरकारले कब्जा जमाएको छ ।’

उनी भन्छन्, ‘हामी सिमानाको रक्षा गर्दछौं र सरकार यहाँ पुलिस पठाएर गुण्डागर्दी गरिरहेको छ । यसलाई सहन सकिन्नँ । तपाईं हामीलाई गोरखाल्याण्ड दिलाउन सहयोग गर्नुहोस् ।’

के हो यो संकटको कारणः

अहिलेको संकटको मूल कारण पश्चिम बंगाल सरकारको त्यो घोषणा हो जसमा ९ कक्षासम्मका विद्यार्थीका लागि बांग्ला भाषाको पढाई अनिवार्य गरिएको छ ।

यसबाट रिसाएका मानिसहरुले गत जून ८ तारिखमा क्याबिनेटको मिटिङ गर्न आएकी मुख्यमन्त्री ममता बेनर्जीलाई कालो झण्डा देखाएका थिए ।

विरोध गरिरहेकाहरुले राजभवनमा छिर्ने कोसिस गरे । उनीहरुलाई रोक्नका लागि पुलिसले लाठीचार्ज गर्यो र अश्रुग्याँस प्रहार गर्यो । उक्त घटनामा धेरैलाई चोट लाग्यो ।

बन्दको अपिलः

त्यसपछि गोरखा जनमुक्ति मोर्चा (जिजेएम) ले जून १२ तारिखदेखि पहाडमाथि अनिश्चितकालीन बन्दको घोषणा गरे ।

मानिसहरुलाई सरकारी अफिसमा नजान र यसलाई बन्द गराएर सरकारको विरोध गर्न अपिल गरियो ।

तब मुख्यमन्त्री ममताले कार्यालयमा अनुपस्थित हुनेहरुको तलब काट्ने आदेश जारी गरिन् ।

त्यति बेलासम्म परिस्थिती त्यति बिग्रिएको थिएन । तर जून १५ तारिखमा जीजेएम प्रमुख विमल गुरुङको अफिसमा पुलिसको छापामारीपछि स्थिती तनावग्रस्त रह्यो ।

जीजेएमले जून १५ तारिखदेखि बन्दको घोषणा गर्यो । यसले निकै ठूलो असर पुर्याएको छ ।

अब के होला ?

गोरखा जनमुक्ति मोर्चाका महासचिव रोशन गिरीले आफूहरु केन्द्र सरकारसँग कुराकानी गर्न चाहेको बताए ।

उनी भन्छन्, ‘मैले गृहमन्त्री राजनाथ सिंहलाई भेटेर यसको अपिल पनि गरेको छु । अब सरकारले कहिले छलफलको बाटो फुकाउनेछ त्यो भने हेर्न बाँकी छ । ’

-रवि प्रकाश /बीबीसी

 






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution