हेडलाईन

इजरायलमा मणिपूजा प्रवचन कार्यक्रम हुदै         इजरायलमा मंगोलियन हार्ट लाईभ कन्सर्ट सम्पन्न,राजु लामालाई दोसाल्ला ओढाएर सम्मान         लोकप्रिय गायक राजु लामा सहित मंगोलियनहार्टका कलाकारहरु इजरायल आईपुगे         इजरायलमा महाकबि सिद्धीदास महाजूको १५५ औ जन्म जयन्तीको अबसरमा साहित्यिक कार्यक्रम हुदै         नेपाल तामाङ घेदुङ बहराईनको ५ औं अधिवेशनबाट अध्यक्षमा श्रवण बम्जन तामाङ चयन         भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग        

ग्रिनकार्डबारे मतदाताले सोधे, प्रचार गर्ने प्रतिस्पर्धीले प्रश्नै गरेनन् – बंशलाल तामाङ

३१ जेठ, सिन्धुपाल्चोक । इन्द्रावती गाउँपालिका अध्यक्षको चुनावमा अरु उम्मेदवार भन्दा बंशलाल तामाङ बढी चर्चामा रहे । माओवादीको गढ मानिएको त्यो क्षेत्रमा उनी चर्चामा मात्र रहेनन्, नेपाली कांग्रेसलाई जित दिलाउन सफल पनि भए ।
बंशलालको चर्चाको कारण थियो- अमेरिकी ग्रिनकार्ड ।

झण्डै १० वर्ष अमेरिका बसेर फर्किएका बंशलालसँग ‘अमेरिकी ग्रिनकार्ड छ’ भन्दै प्रतिस्पर्धीले प्रचार गरे । अहिले पनि धेरै नेपालीको सपनाको देश भनिने अमेरिकाको ग्रिनकार्ड भएको उम्मेदवार भनेपछि मतदाताको चासो पनि हुने नै भयो ।

तर, हराउन भनेर प्रतिस्पर्धीहरुले चलाएको प्रचार नै बंशलालका लागि ‘प्लस प्वाइन्ट’ बन्न पुग्यो ।

उनले भेटेका अधिकांश मतदाताले उनलाई सोध्थे, तपाई अमेरिका फर्किने हो कि के हो ?

‘अनि मैले म नफर्किने गरी आएको भन्थें,’ हालै भएको एक भेटमा बंशलालले आफ्नो चुनावी अनुभव साट्दै भने, ‘प्रतिपक्षीहरुसँग मलाई लगाउने अरु कुनै आरोप नै थिएन । अस्त्र एउटै थियो, कि बंशलाल अमेरिका बस्ने मान्छे आएर चुनाव लड्यो । तर, एक किसिमले फाइदा पनि भयो । अमेरिकाबाट आएको मान्छे कस्तो रहेछ भनेर हेर्न पनि आए ।’

रोचक त के रहेछ भने धेरै मतदाताले प्रश्न गरे पनि प्रतिस्पर्धीले भने उनलाई तपाईसँग ग्रिनकार्ड छ ? त्यागेर आएको कि नआएको ? भन्ने प्रश्न कहिल्यै गरेनन् ।

‘रे’ को भरमा बंशलालसँग अमेरिकी ग्रिनकार्ड छ भनिदिए ।

त्यसबेला उनले भन्ने गर्थे, ‘तपाई जानु भएको भए अमेरिका छाडेर आउनु हुन्थ्यो कि हुन्थेन भन्न सक्दिनँ । तर, म त फर्किएर आएको छु । अनुभव लिएर आएको छु । केही सिकेर पनि आएको छ ।’

उनलाई लाग्छ, त्यही भएर पनि मतदाताले विश्वास गरे र इन्द्रवती गाउँपालिका अध्यक्ष बनाए । अब उनले विपक्षीले लगाएको आरोप मात्र होइन, अमेरिका फर्किन्नँ भन्ने आफ्नो बाचा व्यवहारबाट प्रमाणित गरेर देखाउन बाँकी छ ।

को हुन् बंशलाल ?

विद्यार्थी राजनीति हुँदै कांग्रेस सिन्धुपाल्चोकको नेतृत्वमा आएका वंशलाल जिल्ला सचिवसम्म भए ।

१६ वर्षको उमेरमा नै नेविसंघको विद्यालय इकाई अध्यक्ष भएका उनी ०४२ सालमा जेल परे । पार्टीले सत्याग्रह आयोजना गरेको थियो, उनी शक महिना जेल परेँ । नेविसंघको संगठन विस्तार गर्ने जिम्मा पाएका उनी ०४६ मा जिल्ला सभापति बने । ‘०४६ को आन्दोलनमा मेरो अत्यन्त सक्रिय सहभागिता थियो,’ उनले सुनाए ।

०५४ मा जिल्ला विकास समितिको सदस्यको चुनाव लडे । जितेर ५ वर्षे कार्यकाल पुरा गरे । त्यति बेलासम्म उनी सिन्धुपाल्चोक कांग्रेसको सचिव भइसकेका थिए ।

तर, माओवादी आन्दोलन उत्कर्षमा पुगेपछि आफूलाई भौतिक आक्रमणको धम्की आउन थालेको उनले सुनाए । ‘भौतिक आक्रमण गर्ने संकेतहरु पाएपछि केही समय सक्रिय राजनीतिबाट टाढा बस्नु पर्छ भनेर म ०६२ मा अमेरिका गएको हुँ,’ बंशलालले भने ।

अमेरिका पुगे पनि उनी कांग्रेसबाट टाढा भएनन् । जनसम्पर्क समितिको संस्थापक सदस्य भए । ‘त्यहाँ रहँदा पनि म पार्टीको काममा लागिरहेँ,’ उनले भने, ‘अमेरिका धेरै मान्छेको सपनाको देश हो । तर, मेरा लागि बाध्यता थियो र मैले कहिल्यै सपनाको सहरका रुपमा लिइनँ । काठमाडौं कहिले फर्किउँ भन्ने थियो । पार्टीको १३ औं महाधिवेशन मेरा लागि उपयुक्त बन्यो र फर्किएर आएँ ।’

नेपाल आएपछि सिन्धुपाल्चोकबाटै महाधिवेशन प्रतिनिधि बने । अहिले इन्द्रावती गाउँपालिकाको अध्यक्षको टिकट मात्र पाएनन्, पार्टीलाई जिताएर देखाएका छन् उनले ।

बंशलाल आफूले नेपाल आउने बेलामा नै अमेरिकाको ग्रिनकार्ड त्यागेर आएको दाबी गर्छन् । उनले भने, ‘नेपाल फर्किँदैछु भनेपछि ग्रिनकार्ड आवश्यक थिएन । त्यसैले त्यागेर आएँ ।’

समस्याको चाङ र बंशलालको सपना

इन्द्रावतीको समस्या सिन्धुपाल्चोकका अरु स्थानीय तह जस्तै भूकम्पपछिको पुनर्निर्माण हो ।

धेरै पीडितको नाम अझै पनि छुटेको छ र जनप्रतिनिधिहरुलाई भेटेर नाम समावेश गरिदिन भनेका छन् । उनले भने, ‘एउटा वडामा २२२ परिवारको नाम छुटेको भेटेको छु ।’

अर्को समस्या खानेपानीको छ । गाउँपालिकाको अधिकांश वडामा सडक त पुगेको छ तर, अस्तव्यस्त छ । जताततै डोजर चलाएर बनाइएका सडकको स्तरोन्नती गर्नु पर्नेछ ।

गाउँपालिकाको कार्यालय समेत व्यवस्थित छैन । ‘कार्यालयलाई मैले मुख्य विषय मानेको छैन । जनतालाई कसरी छिटो छरितो सेवा पुर्‍याउने भन्ने हाम्रो प्राथमिकतामा छ,’ इन्द्रावती गाउँपालिकाका अध्यक्ष बंशलाल तामाङले भने ।

स्थानीय तहमा धेरै अधिकार त दिइएको छ तर, स्रोत साधन आफैं जुटाउन पर्ने बाध्यता पनि छ ।

इद्रावतीलाई नमूना गाउँपालिका बनाउने आफ्नो अठोट रहेको गाउँपालिका अध्यक्ष बंशलालले भने । ‘भगिनी सिटीको अवधारणामार्फत युरोपमा विभिन्न सिटीसँग सम्वन्ध स्थापित गर्ने र विकासका काम अघि बढाउने सोच बनाएको छु,’ उनले भनेको समाचार अनलाइनखबरमा छ |






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution