हेडलाईन

इजरायलमा मणिपूजा प्रवचन कार्यक्रम हुदै         इजरायलमा मंगोलियन हार्ट लाईभ कन्सर्ट सम्पन्न,राजु लामालाई दोसाल्ला ओढाएर सम्मान         लोकप्रिय गायक राजु लामा सहित मंगोलियनहार्टका कलाकारहरु इजरायल आईपुगे         इजरायलमा महाकबि सिद्धीदास महाजूको १५५ औ जन्म जयन्तीको अबसरमा साहित्यिक कार्यक्रम हुदै         नेपाल तामाङ घेदुङ बहराईनको ५ औं अधिवेशनबाट अध्यक्षमा श्रवण बम्जन तामाङ चयन         भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग        

राप्रपालाई ‘नील’ हुनबाट चेरुङ तामाङ र बिना लामा तामाङले जोगाए

२५ जेठ, काठमाडौं । धादिङको रुबीभ्याली गाउँपालिकामा राप्रपाले जित्यो । पहिलो चरणमा चुनाव भएका २८३ स्थानीय तहमध्ये कमल थापा नेतृत्वको राप्रपाले जितेको एकमात्रै स्थानीय तह यही रुबीभ्याली गाउँपालिका हो ।

राप्रपालाई ‘नील’ हुनबाट जोगाउने रुबीभ्याली गाउँपालिकामा धर्मबारे अनौठो संयोग जुरेको छ । यो स्थानीय तहमा जित हातपार्ने पार्टी राप्रपा हिन्दुराष्ट्रको एजेण्डा बोकेर हिँडेको छ । तर, राप्रपालाई शुन्य हुनबाट जोगाउँदै जित दिलाउने जनप्रतिनिधि चाहिँ हिन्दु होइनन् ।

रुबीभ्याली गाउँपालिकाको अध्यक्षमा राप्रपाबाट निर्वाचित चेरुङ तामाङ बुद्ध धर्मावलम्बी हुन् । राप्रपाबाटै उपाध्यक्षमा निर्वाचित बिना लामा क्रिश्चियन धर्मावलम्बी हुन् ।

हाल गाउँपालिका अध्यक्षमा निर्वाचित चेरुङ तामाङका पिता पनि पञ्चायतकालदेखि नै जनप्रतिनिधि थिए । अहिले छोरा पनि जनप्रतिनिधि बन्न सफल हुनु अर्को रोचक संयोग हो ।

यो स्थानीय तह राप्रपाका नेता बुद्धिमान तामाङको प्रभाव क्षेत्रहो । राप्रपा र राप्रपा नेपालको एकतापछि यहाँ राप्रपाको झनै प्रभाव बढेको छ ।

हिन्दु पार्टीमा क्रिश्चियन बिजेताः कसरी जुर्‍यो संयोग ?

पछिल्लो समय रुबीभ्यालीमा क्रिश्चियन धर्मावलम्बीहरुको संख्या एकाएक बढेको छ ।

जब स्थानीय तहको चुनाव आयो, विपक्षी दलहरुले प्रचार गरे कि राप्रपाले जित्यो भने क्रिश्चियनहरुलाई गाउँबाट लखेट्छन् ।

विपक्षीको यो भ्रमको कसरी सामना गर्ने भनेर राप्रपाका स्थानीय नेताहरुले छलफल गरे । त्यसपछि राप्रपाले एउटछा उपाय निकाल्यो- पार्टीकै कार्यकर्ता रहेकी क्रिश्चियन धर्मावलम्बी बिना लामालाई नै उपाध्यक्षको उम्मेदवार बनाइदिने । अन्ततः यो ‘ट्रिक’ले काम गर्‍यो । र, राप्रपाले गाउँपालिका प्रमुख र उपप्रमुख दुबै जित्यो ।

अध्यक्ष र उपाध्यक्षको एउटै स्वरः धर्मका नाममा विभेद हुँदैन

निर्वाचित अध्यक्ष र उपाध्यक्ष दुबै अब धर्मका नाममा कुनै विभेद नहुने बताउँछन् । ‘चुनावका क्रममा अरुले गलत हल्ला चलाए पनि होलान् तर, हामी धर्मका नाममा कुनै दबाव दिँदैनौं,’ गाउँपालिका अध्यक्ष तामाङले अनलाइनखबरसँग भने ।

उपाध्यक्ष बिना लामा पनि आफू क्रिश्चियन धर्मावलम्बी भएको अनलाइनखबरसँग सहर्ष स्वीकार गरिन् । उनले भनिन्, ‘म राप्रपा समर्थक हुँ तर, हिन्दु नै हुनुपर्छ भन्ने छैन ।’

सबै क्रिश्चियनलाई राप्रपाले हिन्दु बनाउँछ भनेर भ्रम फैलाइएकाले पनि आफू जनप्रतिनिधि भएर आएको बिनाले बताइन् ।

उनले भनिन्, ‘अब म क्रिश्चियन भएर जितेको वा राप्रपा भएर जितेको भन्दिनँ, सबैका लागि काम गर्छु ।’

धादिङको रुबीभ्याली साविकका लापा, सेर्तुङ र तिप्लिङ गाविस मिलेर बनेको हो । यसको जनसंख्या ९ हजार ५ सय ६५ छ । यो गाउँपालिकामा ६ वटामात्रै वडाहरु रहेका छन् ।

जिल्लाको उत्तरी विकट गाउँपालिकाका रुपमा रहेको रुवीभ्यालीको सीमाना चीनसम्म जोडिएको छ । पूर्वमा रसुवा र पश्चिममा गोरखा जिल्लाले यो गाउँपालिकालाई छोएको छ ।
एउटा उच्चमावि र ३ वटा स्वास्थ्य संस्था रहेको यो गाउँपालिका विकासमा निकै पछि परेको छ ।






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution