हेडलाईन

इजरायलमा मणिपूजा प्रवचन कार्यक्रम हुदै         इजरायलमा मंगोलियन हार्ट लाईभ कन्सर्ट सम्पन्न,राजु लामालाई दोसाल्ला ओढाएर सम्मान         लोकप्रिय गायक राजु लामा सहित मंगोलियनहार्टका कलाकारहरु इजरायल आईपुगे         इजरायलमा महाकबि सिद्धीदास महाजूको १५५ औ जन्म जयन्तीको अबसरमा साहित्यिक कार्यक्रम हुदै         नेपाल तामाङ घेदुङ बहराईनको ५ औं अधिवेशनबाट अध्यक्षमा श्रवण बम्जन तामाङ चयन         भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग        

कहाँ पुर्‍याउला ओलीको उग्र राष्ट्रवादले ?

पञ्चायतकालीन जटिल समयमा माक्र्सवादी –लेनिनवादी (माले) पार्टीको गठन भएको थियो । निरंकुश पञ्चायतको कठोर कालमा झापाली माक्र्सवादीहरूले शसस्त्र विद्रोह गरी सामन्त र जमिनदारहरूलाई सशक्त जनकारबाही गरेका थिए ।

बहुदलीय व्यवस्था सुरूवातको समयमा मनमोहन अधिकारीले नेतृत्व गर्नुभएको नेपाल कम्युनिष्ट पार्टी माक्र्सवादी र मदन भण्डारीले नेतृत्व गर्नुभएको नेपाल कम्युनिष्ट माक्र्सवादी –लेनिनवादी पार्टीबीच पार्टी एकता भएर हालको नेकपा (एमाले) निर्माण भएको हो । संयुक्त पार्टी नेकपा (एमाले)को अध्यक्ष मनमोहन अधिकारी र महासचिव मदन भण्डारी गर्नुभयो । एमाले निमार्ण कर्ता यी दुवै नेताको हाल स्वर्गारोहण भईसकेको छ ।

एमालेलाई हालको शसक्त पार्टी निमार्णका निम्त तत्कालीन महासचिव मदन भण्डारीले लेनिनवादी संगठन संरचनामा विकाश गर्नु भयो । उहाँले पार्टीलाई वैचारीक –राजनैतिक प्रष्टता कायम गरी जनताको बहुदलीय जनवादमार्फत लेनिनवादलाई नेपाली भूमिमा सिर्जनात्मक प्रयोग गरी नयाँ दिशानिर्देश गर्नु भयो । एमाले नेताहरू हालसम्म पनि यसैलाई पार्टीको मार्गदर्शन मान्दछन ।


लेखक आचार्य
जनताको बहुदलीय जनवाद राजतन्त्रको समयमा सिर्जना भएको मौलिक दस्तावेज हो । त्यति बेला यो दस्तावेज गणतन्त्र र धर्मबारे मौन थियो । सत्ताको अधिकतम उपयोग गर्नेबारे दस्तावेज प्रष्ट छ । यसले जनतालाई सार्वभौम पनि मानेको छ । समाजवादी राज्य निमार्णभन्दा पुँजीवादको चरम उपयोगबारे दस्तावेजमा व्याख्या गरिएको छ । दस्तावेज थोरै क्रान्तिकारी र धेरै दक्षिणपन्थी सारसंग्रहवादी ढाँचाको छ । तत्कालीन समयमा लेनिनवादमा आधारीत कम्युनिष्ट पार्टीले गरेको यो अभ्यास नयाँपन हो ।

मदन भण्डारीको आदर्शलाई पूर्णविराम लगाउँदै, एमाले नेताहरू सत्ताका लागि राजाको प्रत्यक्ष शासनकालमा ‘प्रतिगमन आधा सच्चिएको’ अभिव्यक्ति दिँदै सरकारमा सहभागी भए । जनआन्दोलनको समयमा पूर्वप्रधानमन्त्री तथा एमाले अध्यक्ष केपी शर्मा ओलीले ‘नेपालमा गणतन्त्र आउनु भनेको वयल गाडा चढेर अमेरीका जानु बराबर हो’ भन्दै सडकमा उत्रिएका जनताहरूको अपमान गरे ।

जनआन्दोलन सम्पन्न भयो, संसद पुनस्थापना भयो र संविधान सभाको चुनाव पनि सम्पन्न भयो । पहिलो संविधानसभाको चुनावमा जनताले आफ्नो मत परिवर्तन पक्षधर गणतन्त्रवादीलाई सम्मानस्वरूप दिए । जनताले एमालेलाई तेस्रो शक्तिमा खुम्चाइदिए । एमालेका शीर्ष नेताहरू हराएर वितमा गरेका गल्तीहरूको महशुस गर्नतिर लागे । ।

माओवादी जनयुद्व र जनआन्दोलनको जगमा मुलुकमा गणतन्त्र स्थापना भएको लगभग एक दशक पूरा भएको छ । संविधानसभाबाट समावेशी संविधान जारी भएको छ । संविधान घोषणा भएसँगै एमाले अध्यक्ष केपी ओली सत्ताबाट चिप्लीएपछि मुलुकका जिम्मेवार नेताहरू प्रचण्ड र शेरबहादुर देउवाप्रति आलोचना र उखान टुक्काको तीर बाण चलाइरहेका छन् ।

नेपालका राजनीतिक दललाई गुटबन्दीले आक्रान्त बनाएको छ, यसबाट एमाले अछुतो छैन । एमाले बरिष्ठ नेता माधव कुमार नेपाल यति बेला शान्त छन । उनको मौनताले एमाले पार्टीको वैचारीक धार कमजोर भएको छ । उनको अनुपस्थितिमा पार्टीभित्र अंहकार र घमण्ड भरिँदै गएको छ । एमाले पार्टी बिस्तारै उग्रपन्थी हँुँदै छ । नेताहरू माक्र्सवाद –लेनिनवादमा आधारीत अभिव्यक्तिभन्दा निम्न पूँजीवादी आलोचनमा रमाउने गरेका छन् । नेता नेपाल सेलाउँदा एमाले रूपमा शक्तिशाली देखिए पनि सारतः सैद्धान्तिक रूपमा भुत्ते हुँदै गएको छ ।

प्रतिकुलतामा सामान्य विषय पनि तिललाई पहाड बनाएर दन्त बजान गर्ने, अनुकुलतामा शान्त बस्ने अवसरवादी चरित्र वर्तमान नेपाली राजनीतिको मूख्य समस्या हो । कार्यपालिकालाई बेवास्ता गर्दै सर्वोच्च अदालतको निर्णय आफू अनुकुल थियो विरोध भएन । संसदीय सर्वोच्चताको कुरा गर्ने एमालेहरु अदालतको हस्तक्षेपप्रति मौन छन् । निर्वाचन आयोगले भरतपुर महानगरमा पुनः चुनाव गर्ने निर्णयको बाह्र हात माथि उफ्रेर विरोधमा एमाले नेताहरू उत्रिरहेका छन् ।

एमाले अध्यक्ष केपी ओली यति बेला तीव्र आलोचना र समर्थनको शिखरमा छन । लामो जेल जीवन भोगेका ओली संघर्षशिल व्यक्ति हुन् । ओलीले आफ्ना तर्क विपक्षलाई सिधै निशानी गर्दछन् । ओलीबाट आम सचेत युवाहरू एमालेलाई माक्र्सवाद र लेनिनवादको नेपाली मौलिकताको बारेमा प्रशिक्षण सुन्न आतुर छन । तर आम युवाहरूको अपेक्षा विपरीत ओलीका उखान टुक्का समस्या समाधनन गर्ने भन्दापनि अरुलाई होच्याउने तर्फ उघत छन् । ओलीबाट मुलुकले समस्या होईन समाधान चाहेको छ । देश बनाउने योजना खोजेको छ । उनीबाट मुलुक समृद्ध बनाउने बहुदलीय जनवादको नयाँ परिभाषाको अपेक्षा गरिएको छ ।

एमालेले विगतमा बृद्धभत्ता कार्यक्रमको शुरुवात भयो, यसको पर्याप्त प्रशंशा भइसकेको छ र यसैको व्याज एमालेले खाइरहेको छ । वृद्व भत्ताको योजना ठीक छ, तर दैनिक सयौं विदेश जाने युवाहरूका लागि स्वदेशमा रोजगार हुने कार्यक्रम ल्याउन एमाले किन मनासिव ठान्दैन ? के अरुलाई होच्याउने गाली सुनेर नेपालका युवाको जीवनमा परिवर्तन आउँछ ?

अहिले पहाडमा चलेको ओली राष्ट्रवाद एउटा सम्प्रदायले खुव मन पराउँछन् । उनको यो पहाडे राष्ट्रवाद मधेशप्रति जहिल्यै तितो ओकल्दै आएको छ । ओलीको यो राष्ट्रवादले देशलाई कता पुर्‍याउला ? यो अहिल्यै ठोस यकिन गर्न सकिन्न तर, ओलीको यो पहाडे राष्ट्रवादको विषाक्त लहरा अरु बढ्दै गएको खण्डमा यसले मुलुकलाई हित पक्कै गर्नेछैन ।

मधेशका नागरिक मर्दा ‘आँप झरेको’ या मधेशको मानव साङ्लोलाई ‘माखे साङ्लो’ भनेको होइन भनेर ओलीले पटक पटक स्पष्टीकरण दिदाँपनि मधेशी जनताको मनमस्तिकमा बिजेको त्यो तीर अमेधी जनताले बिर्षन चाहादैनन । खासमा एउटा पार्टीको अध्यक्ष र पूर्वप्रधामनन्त्री ओलीले मधेशप्रति आक्रोश पोख्नु जायज थिएन ।

हाम्रो राष्ट्रवाद समग्र हिमाल, पहाड र मधेश समेट्ने हुनुपर्छ । बिखण्डकारी विभेद गर्ने माक्र्सवादी बर्ग संघर्षको नियम होईन । सबै जातजाती, भाषाभाषी र रीतिरिवाज समेट्ने प्रगतिशिल राष्ट्रवाद आजको आवश्यकता हो । हाम्रो देश सयौं थरिका फूलहरूको मिश्रित मधेश –पहाड –हिमाल साझा फूलवारी हो । यो मर्म बुझ्न आवश्यक छ । उत्तेजनामा आएर कुनै जात र भूगोल विशेषप्रति पोखिएका क्षणिक आक्रोशले समस्या समाधान गर्ने भन्दा बल्झाउन मलजल गर्छ भन्ने कुरालाई कसरी नजरअन्दाज गर्न सकिएला ?

(लेखक आचार्य माओवादी केन्द्रसंग आबद्ध छन्)






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution