हेडलाईन

इजरायलमा मणिपूजा प्रवचन कार्यक्रम हुदै         इजरायलमा मंगोलियन हार्ट लाईभ कन्सर्ट सम्पन्न,राजु लामालाई दोसाल्ला ओढाएर सम्मान         लोकप्रिय गायक राजु लामा सहित मंगोलियनहार्टका कलाकारहरु इजरायल आईपुगे         इजरायलमा महाकबि सिद्धीदास महाजूको १५५ औ जन्म जयन्तीको अबसरमा साहित्यिक कार्यक्रम हुदै         नेपाल तामाङ घेदुङ बहराईनको ५ औं अधिवेशनबाट अध्यक्षमा श्रवण बम्जन तामाङ चयन         भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग        

एमाले ! सडक र सदनमा रमिता होइन, पुनःमतदानमा तयार होउ

काठमाडौं, जेठ २१ – भरतपुरमा जे नहुनुपर्ने हो, भैसक्यो । मतगणना अन्तिम चरणमा पुगेको बेला मतपत्र च्यातिन हुन्नथियो, च्यातियो । हार्ने अवस्था देखिएकाले फेरि चुनाव गराउनकै लागि मतपत्र च्यातिएको रहेछ भन्ने बलियो आधार हुँदाहुँदै आयोगले पुनःमतदानको निर्णय गर्न हुँदैनथियो, गरिसक्यो । गलत नजिर स्थापित गर्ने गरी कानुन बनाउन हुँदैनथियो, पहिल्यै बनिसक्यो ।
एमालेसहित विश्लेषक र अरु नागरिकले जतिसुकै बिरोध र असन्तुष्टि जनाए पनि अब दुईवटा विकल्प मात्रै बाँकी छन् । एउटा निर्वाचन आयोगको निर्णयविरुद्ध कानुनी उपचार, अर्को आयोगको निर्णयअनुसार पुनःमतदानमा सहभागिता । अनि भविष्यमा मतपत्र च्यात्ने आँट कसैले गर्न नसक्नेगरी बलियो कानुनको निर्माण ।
एमालेले आयोगको निर्णयविरुद्ध कानूनी उपचार खोज्ने निर्णय गरिसकेको छ । कानूनी उपचारको बाटो हुँदाहुँदै अहिले सडकमा प्रदर्शन र सदनमा अवरोध गर्नुको औचित्य छैन । आयोगको निर्णय आउनुअघि सडक र सदनबाट दबाब दिनु ठिकै थियो होला । तर त्यो दबाबले काम गरेन, आयोगको निर्णय आइसक्यो । अब आयोगको निर्णय सदन र सडकको दबाबले उल्टाउन सक्दैन । अदालतले मात्र सक्छ ।
सम्भवतः आइतबार एमालेको तर्फबाट अदालतमा मुद्दा दर्ता होला । मुद्दा दर्ता भैसकेपछि अदालतले एउटा फैसला गर्छ नै । फैसला एमालेले भनेअनुसार आउनपनि सक्छ, नआउन पनि । अदालतले आयोगको निर्णयलाई सदर गर्यो भने भरतपुर–१९ मा पुनःमतदान हुन्छ । यस्तो अवस्थामा एमालेले के गर्छ ? पक्कै पनि पुनःमतदानमा सहभागिता जनाउनुको विकल्प छैन ।
पुनःमतदान हुँदा यसअघि एमालेलाई आएजस्तो मत नआउन पनि सक्छ, सोचेभन्दा बढी पनि आउन सक्छ । एमालेका नेता कार्यकर्तालाई समेत राम्रोसँग थाहा भएको कुरा हो, भरतपुरमा देवी ज्ञवालीलाई अहिले आएको मत एमालेको मात्र होइन । माओवादी केन्द्रसँग तालमेल गर्ने पार्टी नेतृत्वको निर्णयप्रति असन्तुष्टी जनाएका धेरै कांग्रेस कार्यकर्ताको मत समेत मिसिएको छ ।
अनि भरतपुर–१९ कांग्रेसको बाहुल्यता रहेको वडा हो । यहाँबाट रेणु दाहाललाई धेरै मत आउने कांग्रेस र माओवादीको अपेक्षा थियो । मतगणना अन्तिम चरणमा पुग्दा उनीहरुले अपेक्षा गरे अनुसार मत देखिएन । मतान्तर घट्दै गएपनि देवीकै जित देखियो । बाँकी २० नम्वर वडा गनिसक्दा थोरै मतले देवीले जित्ने सम्भावना देखेकै कारण पुनःमतदान गराउनेगरी माओवादी प्रतिनिधिले योजनाबद्ध रुपमै मतपत्र च्यातेका हुन् भन्ने पुष्टि भैसकेको छ ।
अब पुनःमतदान हुँदा कांग्रेस र माओवादीले कुनै हालतमा आफ्नो मत एमालेको पोल्टामा जान दिँदैनन् । असन्तुष्ट कार्यकर्तालाई फकाउने प्रयास गर्नेछन् । १९ नम्वर वडामा रहेको कांग्रेसको एउटा पनि मत देवीलाई पर्न नदिन उनीहरुले सकेजति गर्नेछन् ।
तर यति हुँदाहुँदै पनि एमालेलाई मतदातामा गएर गलत नजिरको भण्डाफोर गर्ने अवसर प्रशस्त छ । पुनःमतदान हुँदैमा रेणुले नै जित्छिन् भन्ने पनि छैन । मतपत्र च्यात्ने गलत प्रवृत्ति र निर्वाचन आयोगको निर्णयविरुद्ध सडक र सदनमा गरिएको क्रियाकलाप छाडेर भरतपुर–१९ का मतदातासामु जाने हो भने फेरि एमालेले देवीको पक्षमा मत बढाउन पनि सक्छ ।
त्यसमाथि पुनःमतदानबाट देवीले हारे भने पनि नैतिक रुपमा उनले जितिसकेका छन् । प्रमुख दुई सत्तारुढ दल कांग्रेस र माओवादी मिल्दा पनि देवीले अहिलेसम्म अग्रता लिइरहेका छन् । रेणुले मतान्तर घटाउँदै लगेपनि देवीको मत देखेर कांग्रेस र माओवादीका शीर्ष नेताहरु नै झस्किएका छन् । देवीले समेत भनेका छन्–मेरो प्रतिष्पर्धा रेणुसँग होइन, प्रचण्ड र देउवासँग हो । यस्तै हो भने देवीले आफू प्रचण्ड र देउवाको बलियो प्रतिष्पर्धी हुन् भनेर पुष्टी गरिसकेका छन् ।
जित्ने सम्भावना हुँदाहुँदै पुनःमतदानपछि हारे भनेपनि देवीले जितेकै सरह हुनेछ । प्राविधिक रुपमा रेणुको जित होला । तर नैतिक रुपमा देवीको समेत जित हुनेछ । ‘पुनःमतदान नभएको भए देवीले जित्थे, कांग्रेस र माओवादीले त धाँधली गरेर, मतपत्र च्यातेर फेरि चुनाव गराएर जितेका हुन्’ भनेर मतदाताले समेत भन्नेछन् ।
त्यसैले पुनःमतदानमा जाँदा र त्यसबाट जुनसुकै परिणाम आउँदा पनि एमालेले चित्त बुझाउने ठाउँ छ । आवेश र आक्रोशमा अहिले सदनमा अवरोध र सडकमा प्रदर्शन गर्नुको औचित्य छैन । पहिलो चरणको स्थानीय तहमा सबैभन्दा धेरै सिट जितेको दल, अनि जिम्मेवार प्रतिपक्षको नाताले बेलैमा सुझबुझपूर्ण कदम चाल्नु उचित देखिन्छ ।

-मिलन तिमिल्सिना/उज्यालो । 






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution